¹ Nɗəgən yi wu sarshika paat ndung Tibariyus Kaisar fu long, Bilatus Babunti zak fu na yil Yahudiya, Hiridus fu na Galili, emnəgən muup Filibus fu na sar yil Huriya gə Tirakonitis, Lisaniyas zak a long Abiliya, ² a yii ndung Hanana gə Kayafa muop a məman Firist, BəlepNaan wul də Yahaya la Zakariya ngəgər. ³ Muaan muaan nɗəgən saryil pee kong Urdun, ni fu laa bəlep kən də mogor biwubis. ⁴ Kəbi ndung yil ɗen nɗəgən bii-ran Ishaya lalepnaan, "Ɗəgəl nifu yongpe nɗəgən gəgər, miap war Naan, miap war a muup dədong!" ⁵ Yong mə gam gələn dibit, yong mə pian pang dibit mə bam leng gəɗəgər yong mə ap war wu ləleng, yong mə gam war ndung a wu baan (gargaɗa), ⁶ gurum dip yong mə naa angkaa Naan." ⁷ Yahaya bən la də gurum ndung muop fu jaa də muup də nyi kən muop, "Gun jep zem, wudang laa gə gun də gu swə fu difil ndung nii n'wul eh? ⁸ Gu mwət jep ndung gə nin lapya a gu, kar gu laa ngənaargu, mən gə Ibrahim a Nda mu, wa nsa an fu la də gu, Naan gə bwət mwət jep Ibrahim nɗəgən pang muop nhə. ⁹ Gədes hən, mə ya war ɗen fu sep anbədə təng. Wa nsa kam, duk təng ndung niang mwət Jep wu saan ɓə yong mə gap tak n'wus. ¹⁰ Gurum dung muop nnəgən mə nang fuu muup yen, "Ɗee mən yong mə chin a mee?" ¹¹ Lap fuu muop yen, "Məgwə nkwət gə təgoo vəl ɓə mwət gəmee ngwə wu wən nyi, gwə wu ni gə sə ma ni chin kam." ¹² Wu pian lap lap gəndung muop ma mə ja də mə kən muop, mə yen, "Nda kam, ɗee yong mə chin ame? ¹³ Lap fuu muop yen, "Kar gu lap ma bii dung mə la də gu gu lap." ¹⁴ Pak wulek muop (sojoji) mə nang fumuup, "Ɗee mən eh? Yong mə she a nang eh?" Laa də muop "Kar gu lap shagal fu mə gwə, kar gu laa lape wurum kə məgwə. Gu təp suk shi shagal tar a gu." ¹⁵ Muop nnəgən dung gurum fu langyit də wul Almasihu, ko wuɗang fu ɗiye nbəzung muup kə Yahaya ko ani a Almasihu. ¹⁶ Yahaya lap fu muop dip yen, "An kam a kən gun gə am, wu maa an wakwət, an a warə də wut sar kogop a fee məu. Nyi gə kən gun gə məriip Naan gə wus. ¹⁷ Gətet afe nii nsar muup də fii fiin dədong, bən təl kapah nɗəgən meh. Nyi gə bən nchaan riep gə wus dung gə muut muut məu. ¹⁸ Gə ɓəlep wuret nɓəl laa ɓəlep wu shang. ¹⁹ Yahaya bən tar long Hiridus wa nsa lap mat emnəgən muup, Hiruduya gə gogot jeppe dung Hiridus chin, ²⁰ amma Hiridus bən chin a bii wubis dat. Nsa mə ɓal Yahaya nlə ɓal. ²¹ Muop nnəgən, dung muop sə gurum muop gə kən, mə sə Yesu ma gə kən. Gəshi dung ni fu bəlep gə Naan (Addu'a) mə gəbətəng ep, ²² məriip wuret sam kaa muup gəye bəl, mən me mə ɗəgəl Long kəbətəng. "An gə laa wu ɗem an. Took nə pya gə gə." ²³ Yesu yaa fu ɓəlang afee nyi gə yii yagurum gə fu sar. Nyi a lah Yusufu, lah Heli, ²⁴ lah Matat, lah Lawi, lah Malki, lah Yanna, lah Yusufu, ²⁵ lah Matatiya, lah Amos, lah Nahum, lah Hasli, lah Najjay, ²⁶ lah Ma'ala, lah Matatiya lah Shimeya, lah Yuseka, lah Yoda, ²⁷ lah Yowana, lah Resa, lah Zarubalila, lah Shiyaltiyel, lah Niri, ²⁸ la Malki, lah Addi, lah Kosama, lah Almadama, lah Er, ²⁹ lah Yosi, lah Aliyeza, la Yarima, lah Matat, lah Lawi, ³⁰ Lah Saminu, lah Yahuda, lah Yusufu, lah Yonana, lah Aliyakima, ³¹ lah Malaya, la Malaya, lah Mainana, lah Matata, lah Natan, lah Dauda, ³² lah Yesse, lah Obida, lah Bu'aza, lah Salmon, lah Nashon. ³³ lah Amminadab, la Adimi, lah Arama, lah Hezruna, lah Feresa, lah Yahuda, ³⁴ lah Yakubu, lah Ishaku, lah Ibrahim, lah Tera, lah Nahor, ³⁵ lah Serug, lah Feleg, lah Abiru, lah Shela, ³⁶ lah Kainana, lah Arfakshada, lah Shem, lah Nuhu, lah Lamek, ³⁷ lah Metusela, lah Anuhu, lah Yaret, lah Mahalel, lah Kainana. ³⁸ Lah Enosh, lah shitu, lah Adamu lah Naan.