1 Moup dip mǝ magarlǝng mǝn mǝ muan gǝ Yesu ntagam Pilate. 2 Mǝn mǝ bǝm ɗogor ni, mǝyen, "mǝ kat dagwo nhǝ ni pǝ dǝ! gǝyil amu tak gǝwar wuleng, dǝn bikaan wupǝn n-(aesar, mǝn yen aji a kristi a long" 3 Pilate la demuup yen, a ga long nung Yahudawa muop a?' Yesu lap dǝmuup yen, " Agǝ gǝla kam hǝ" 4 Mǝn Pilate la dǝ mǝn dawang muop gǝ gǝshang gurum yen, "A kat dagwǝ nhǝ gǝ me mǝbii chindel mou!! 5 Mǝn mǝdyam bal mǝyen "Den jagar gǝ naar gurum, shepe dip Judea, bǝm wagab a Galilee gǝ waarǝ npe nhǝ" 6 Mǝ Pilate kǝlǝng kam hǝ, mǝn la nkwot dagwo nani tong n-galilee hǝ. 7 Mǝn man nkwot ni bǝ dǝ kamshik nung Herod, mǝn lep gǝni nHerod wudok ni gwe nJerusalem mbit muop nau. 8 Mǝn Herod na Yesu mǝn took muop pya nsa bǝsǝm bǝ dok tangkop ɗin tangkop ɗin nani. Dok bii ni kǝlǝng bǝlǝp ka muup bǝn ɗen endye ɗin katni bǝ chin bi kam 9 Herod lap bǝlǝp gak bǝ Yesu, mǝn Yesu lap mǝbi mou. 10 Mǝ long ndawang gǝ mǝ pyan bii ran mǝ dogor bi ɓalɓal. 11 Herod muop gǝ mǝlek afe mǝ nwang bǝt Jesu, mǝ zhal ni. Mǝn mǝ byang byaat wuret nshik muup mǝn nǝ chin lep gǝni npilate. 12 Mǝn Herod muop gǝ Pilate mǝ wak wushaar shak pade. Nsa dok gwe bǝ muop a wukas shak. 13 Pilate yong long ndawang muop, mǝ pyan shep gǝ gogot gurum dip shishak. 14 Mǝn la dǝ muop yen "Gu ja gǝ dagwo nhǝ a gǝ bii gurum watak gurum gǝwar wulǝng, guna an, ndangkong ala bǝlǝp dǝmuup gǝyil gu ka b ǝlǝp wugu dogor ni Mou. 15 Hayo, wa Herod mou, nsa chin lep gǝni nmǝn, mǝ gunaa, chin me mǝbi wudung waarǝ nnung muut mou. 16 yong ga shen nogol nni anyet ni 17 Dok bii a bii den lat bǝ Pilate tak memǝ kwǝrǝm gǝme gǝshi bii sǝ nYahudawa muop. 18 Mǝn muop nau mǝ lang dǝgǝl muop mǝyen "Gu vak gǝ dagwo nhǝ, gu pǝn Barnabas nmǝn. 19 Barnabas dok a gurum wu mǝɗen nlǝbal nsa lang tagam lek gǝ tǝgurum. 20 Pilate chin la bǝlǝp dǝ muop, tang kop ɗin ntak Yesu 21 mǝn mǝ lang dǝgǝl mǝyen, "Gu ɓeelni, gu ɓeel ni" 22 Chin la dǝ muop sar ukun"Nsa me, dagwo nhǝ chin a bii mǝ wubis eh? an kat ni gǝme mǝ bii wubis wuyong gǝ mǝtǝni mou Wa nsa ni yong mǝ shen nogol nni, ɓa takni. 23 Mǝn mǝ dyam gǝ dǝgǝl muop wubal wukwot yong gǝ mǝ ɓal ni. Dǝgǝl muop ma gǝkagam Pilate. 24 Mǝn Pilate ɗem bi wu mǝtang hǝ. 25 Mǝn takni wu mǝtangkop hǝ, wudok mǝɓalamuop waa nlek gǝ tǝgurum. Mǝn Yesu mmuop shi ɗem a muop. 26 Mǝn mǝ dǝl ni muan gǝni, mǝn mǝ ya mǝgwo Simon nung Cyrene, tong bǝ chepe wawul, mǝn mǝ ɗen shepɓal wa muop pǝwal gǝ tookdam mǝ muan gǝdǝ Yesu. 27 Mǝn nagǝt gurum muop, gǝ swǝrǝp wu muop pǝwal gǝ tookdam mǝ muan gǝgǝ muup 28 Mǝn bat dǝmuop, Yesu yen "Jaraap nung Jerusalem, gu wal waa nan mou, gu wl waa nkasuk gǝ jepgu. 29 Nsa guna bitmuop nwakwul wudung lat bǝ mǝ yen, wuret dat dǝ surǝp zang gǝ teng laa wudunglala mou, gǝ yugur wu mǝ swa mou. 30 Nsa lat bǝ mǝ bǝm la dǝ pangmuop, "Ogot kaamu". 31 De mǝ chan jepee nhǝ dǝ komtǝng wubarak, bǝ lat bǝ wa anang kat fii hǝ? 32 gurum vǝl, wa kogorhong mǝ muan nau gǝni dǝ mǝn twǝ muop yi. 33 Mǝn mǝ yok rwǝ memǝpe mǝyong shi "Oegǝs ka" annǝgun mǝn mǝ kwak muop gǝ shepɓal gǝ kogorhong gǝme ngan dasǝ, gǝme ndakul. 34 Mǝn Yesu yen, "Ndaa, gǝkon wubias a muop nsa mǝman bii wu muop pǝchan mou" mǝn mǝchar zek dǝ wushap byaat afe. 35 Gurum mǝ dyam nnaa ɗe mǝshep muop mǝ zhal ni mǝyen, "Angka gurum muop. Ni angka shikmuop kat ni a kristi nung Naan, wu mǝ zek ni". 36 Wulek muop zak mǝzhal ni, mǝ jaduk gǝni, mǝ pn amtǝng nni, 37 mǝyen, "Din agǝ gǝkwǝt a long Yahudawa bǝgǝ angka sak 38 Mǝn bi nin ndapka muup, "Dung hǝ a long Yahudawa." 39 Gǝme ndǝgǝn kogorhong nani la ɓyaal yen, "A ga kristi moh? Ang kaasak gǝ mǝn dip" 40 Mǝn nde dǝkkom muup yen,"De gǝ gǝ lugut Naan zak a! ga bii wugǝme gǝni ndǝgǝn shep tuu? 41 Mǝn mǝ lat akop bii wu mǝchin. dagwo nhe chin me mǝbii wubis mou." 42 Mǝn mǝ kat akop bi wu mǝchin la dǝ Yesu, "Gǝ dye dǝnǝ kat gǝ waa gǝrǝ nyil long agǝ. 43 Yesu la dǝ muup, "Naduk a la dǝgǝ, chi niyong gǝkwǝt shi bǝt nǝ gǝ pǝtong la long". 44 Gǝdǝs hǝ fuus bat wupemǝ, mǝn pǝ yagal kwǝ gǝyil dip she gǝ warǝ fuus bat pogorfaar. 45 Mǝn fuus yagal bat kwǝ. mǝn byaat pǝlǝwap tee dǝgǝn vǝl. 46 Mǝn Yesu wal gǝ dǝgǝl wubal yen "Ndaa, aɗen chelem nǝ a nsar gǝ" Gǝ la dat lat mǝn muut. 47 Wupin lek wuyoon naa bi wuta, mǝn pǝn yoon nNaan, yen "Akamhǝ, dagwo nhǝ dok a gurum wuret dat. 48 Mǝn nagǝt gurum muop wu din mǝwul dǝ naa bi wu ta dǝ twamshik mǝ kat bii wu chin hǝ, mǝ yigil yok muop pǝ nas yugur muop. 49 Mǝn dip gurum wudung mǝ man ni, gǝ surǝp muop wu mǝ tuagat a Galilee hǝ, mǝ dyam nsǝng gǝ mǝ naa jepee muop nhǝ yi. 50 Mǝn memǝgwo sǝm muup a Joseph, dok ni ndǝgǝn mǝpyan shep muop. Ni dok a gurum wusaan gǝ wuret. 51 Daagwo nhǝ dok dem bǝlǝp muop gǝ pǝchan jepee a muop mou. Dok tong a nArimathea, a gǝfǝr nung Yahudawa muop, mǝn dok ni pǝtang yillong nung Naan. 52 Dagwo nhǝ muan ya dǝ Pilate, gǝtang shishik Yesu. 53 Mang sam gǝni, fugum ndǝgǝn byaat wuret, mǝn mang ɗen ndǝgǝn tugun. Wu mǝgap a npang wujet mǝ wum gurum nnegǝn mou. 54 Dok a bit chin shik lǝ dǝ nookshik wu muop gǝwar ɓǝmtak. 55 surǝm muop wudung mǝwul gǝ Yesu nGalilee hǝ mǝ naa gǝcher gǝ pepe ɗen shishik 56 muup. Mǝn mǝyok wak mǝ myap dyel tuut gǝ mwǝr muop. Mǝn bitnookshik mǝn mǝ nookshak gǝbi wubi chin hǝ.