1 Gǝɗes hǝ mǝn shi biisǝ nung naweh yisti wǝn dung bi mǝyong shi gabdel wakus. 2 Mǝn long ndawang muop gǝ mǝpyan biran muop mǝtang Yesu dǝ mǝfǝ. Nsa dok mǝ lugat gurum. 3 Mǝn shetan rǝ ndǝgǝn Judas dung mǝyong shi Iscariot wudok ni ndǝgǝn muop wusar-kavǝl. 4 Judas muan dǝ mǝn nɗawang muop gǝ jepdugul dǝ mǝ bagalka wuni yong gǝ seet gǝ Yesu mmuop.nni. 5 Mǝn took muop pya mǝn mǝɗem yong gǝ mǝpǝn shagal nni. 6 Mǝn lapɗem mǝn tangwar wuyong gǝ pǝn ni nmuop yong nkwǝt a gǝnar gurum muop mou. 7 Mǝn bit naweh yisti wǝn warǝ wudung a bitgabdel waleng waar yong gǝ mǝgab latǝm a bii wap. 8 Lat mǝn Yesu lep Peter gǝ John yen"muan gu myap pe mmǝn dǝ sǝ gabɗel, de mǝ sǝyi. 9 Mǝn mǝ la dǝmuup mǝyen, "Gǝ tangkop ɗin mǝchin pe nani ane?" 10 Mǝn lap yen, "Gunaa gurwǝ gǝfǝr, ɓǝ gukatmemǝgwo gǝ sha-am, muan gǝdǝ muup nlǝ wudung ni rǝ hǝ. 11 Bǝ gula dǝ wupin lǝ guyen, wushepe yen, "De lǝ mǝzep nyane wudung yong ga sǝ sǝ gabɗel gǝ jeplep anǝ muop eh? 12 Bǝ yongǝ nin lǝmalang wu yoon wumǝ myap dǝgǝn nngun. Gu chinpe nnǝgǝn. 13 Mǝn mǝ muan mwagǝ mǝ kat agǝ bi wu ni la hǝ. Mǝn mǝchin pe pǝ sǝ gabɗel nnǝgǝn. 14 Bit nani warǝ, mǝn tong gǝ jeplep afe muop. 15 Mǝn yen, "Atangkop gǝret ɗin a sǝ gabɗel nani gǝ gun she arǝ ntǝgǝrchiin. 16 Nsa ala gǝgun, yong she a sǝ nde mou ɗe agǝgǝt gǝ yilɗong nung Naan. 17 Mǝn Yesu mang lap nhǝ, gu shap gǝnaar gu. 18 "Nsa a la gǝgun, she a swa nde am latong shizak mou ɗee a yildong Naan gǝwul. 19 Mǝn mang naweh, mǝn ndangkong dǝkyil, tarap dǝgǝn mǝn pǝn muop yen, "Ndung hǝ a swǝpsan wu gapǝn waa ngun. Gu chin nhǝ dǝ dye dǝnǝ." 20 Mǝn mang dǝkwaar gǝ bii wudin kyen hǝ ndangkong sǝteer mǝn yen, "Dǝkwaar nhǝ a bii laden wufwǝ nɗǝgǝn tǝgǝm nǝ wudung mǝ kon wa ngun. 21 Bǝ gu den en-gu. sar wudung seet gǝ an hǝ ni shi bǝtnǝ gǝpe sǝ. 22 Nsa La gurum ni nwa gǝbi wu niɗen hǝ. De lat nka gurum wudung mǝ seet a pǝmuup hǝ. 23 Mǝn mǝ bǝm bagalka dǝshak a wudung gǝnaardu yong gǝ chin bi nakam ho. 24 Mǝn jagar yagal gǝkang muop a wudang yong gǝkwǝt wuyoon dip gǝnaar muop. 25 Mǝn la dǝ muop, "Long nung mǝzep muop bii mǝyok daskagam nka muop, mǝn muop gǝ kamshak mǝwak wuchan jepee wudong. 26 Yong gǝkwǝt a kam hǝ gǝkang gu mou. Bagal bǝ wuma nau ani gǝ wa lawuchom, wuret ma ani gǝwa lalep. 27 A wudung a wuma hǝ, a gurum wutong gǝpe sǝ a, agurum wutong gǝpe sǝ mo? Mǝn an gǝnaar gu a gǝbii lalep hǝ. 28 Mǝn gun gu lǝngɗok gǝɗǝnǝ nɗǝgǝn kampe anǝ. 29 Aden gun kaa yillong gǝbii wu ndaa den an ka yillong hǝ. 30 De nlat bǝ gu sǝgu swa pǝtongsǝ anǝnyil long nnǝ mǝn gu twagat gǝ tagam long gu shep dǝgǝl sar-ka vǝl nung Israel. 31 iman, Siman, gǝkang, shetan tal dǝ wuya gǝ, de ni ɗǝk gǝ ka fiin hǝ. 32 Mǝn a mang pǝseer yong naduk agǝ npal. Ndangkang gǝ wa gǝ gǝnook bǝ gǝlǝbal shi mǝjepnang." 33 Bulus layen, long b ǝzung nǝ mang ga muan gǝdǝgǝ kwǝt a lǝbal hǝ kwǝt a muut hǝ. 34 Yesu lapyen, "Ala dǝgǝ, Bulus, deelko yong gǝ tokshik chini mou, de agǝ yong gǝnyang an sar kun nku gǝ man an. 35 Mǝn Yesu la dǝmuop, "Dok a lepgun gu fat lǝsǝ mou, wa kogob mou, dok mǝbii wǝn ngun a? 36 Mǝn chin la dǝmuop, "Gǝdǝs hǝ, gurum wuni gǝ lǝ shagal ni mang, gǝ gurum wuni gǝ dǝkep lesǝ. Gurum wuni gǝ ngoo mou ni mang byaat afe seet kat mee yi. 37 Nsa a la gǝgun, bii wu mǝyil kanǝ gǝ waarǝ nogot, mǝ kun ni bi wu mǝla wudam bii ɗen nsa bi wu mǝla nkanǝ warǝ nogot. 38 Mǝn mǝyen "long, gǝna, mǝn gǝ ngoo vǝl hǝ. Mǝn la dǝmuop yen" yoon kamhǝ. 39 Yesu yagal muan gǝbii wujet logot ni gwe, ya gǝpang Olives mǝn jeplep afe mǝ muan gǝdǝ muup. 40 Mǝ yokrwǝ lat mǝn laa ɗǝm yen, "Mang pǝseer yong gu tǝk ndǝgǝn kampe. 41 Yagal muan nyit muop gǝ bii takpe gǝme mǝn dugum gǝ fǝrǝm mang pǝseer, 42 yen Ndaa, din gǝdem bǝgǝ shang dǝkwaar hǝ shi bǝtnǝ. Nau gǝ kamhǝ, a ɗem anǝ mou, a nǝmak ani. 43 Mǝn mǝwung Naan tong gǝbǝtǝng sam pǝn tugurdwan ni. 44 Nɗǝgǝn muut la afe, mǝn mang pǝseer gǝret, mǝn pebaan afe kwagar gǝye tǝgǝm wunan ni pǝ wakgar nyil. 45 Mǝn yagal gǝpe mang pǝseer waji dǝ jeplep afe mǝn kat muop nsaam nsa tookdam. 46 Mǝn tol pǝmuop, "A nsa me gu saam ye? Gu yigil gu mang pǝseer, yong ba gu rwǝ nkam pee 47 kutni pǝ bǝlǝp dat gǝ layi mǝn gurum muop mǝ dyelǝng lǝng, gǝ Judas gǝme ndǝgǝn muop wu sarka vǝl, ntagam muop. mǝn waji duk gǝ Yesu dǝ wu kangfu gǝni, 48 Mǝn Yesu la dǝ muup, "Judas, de gǝseet gǝ La gurum a gǝ kangfu a" 49 Mǝn muop wudok muop gǝ, Yesu hǝ mǝnaa bi wu nipǝta, mǝn mǝyen, "Long mǝ gap gǝ ngoo lalep nung ndawang mǝn shang kom dasǝ. 50 Mǝn me muop gǝme gap lalep nung ndawang mǝn shang kom dasǝ. 51 Yesu yen, "Lang kam hǝ!" Mǝn ɓǝm kom muup mǝn ɗak ni. 52 Yesu la bǝlǝp dǝ mǝn ndawang muop, gǝ jepdugul nung lǝwap gǝ daskagam wu mǝ dyam yitmuup," 53 Mǝn dok bi an gǝgun shibit-shibit nlǝwaap, hǝ gu bǝm an shi sargu mou. A fuus agu shi nhǝ, kamshik nung kwǝ". 54 Mǝ yani mǝn mǝ dǝl ni mǝ ja gǝni lǝ long ndawang. Mǝn Bulus muan gǝdǝ muop nsǝng. 55 Ndangkong mǝ ɓil wus gǝ tǝlǝng gǝpang, mǝ tugat npǝ gǝme, Bulus tong gǝnaar muop. 56 Memǝ larrep lep naani nyitwus mǝn mang yit lang kǝr kaa muup mǝn yen, "Naduk dagwo nhǝ dok ni bǝt muup". 57 Mǝn Bulus nyang yen "Namat, an a man ni mou". 58 Chinlee dat nde mǝgwo naani mǝn yen, "Gǝ zak dok gǝ a nde muop" mǝn Bulus yen, "Dagǝ, a an mou" 59 Ndangkong fuus bat gǝmǝ, nde mǝgwo ɗarbal yen, 'Naduk dagwo nhǝ zak dok ni shibǝt muop, nsa ni a gurum Galilee" 60 Mǝn Peter yen, "dagwo a man bi wu gǝpe la mou" Bǝrdat wani kutni pǝ bǝlǝp mǝn deelko tokshik. 61 Mǝn long batshik mǝn naa Peter, mǝn Peter dyedǝshik gǝ bǝlǝp long wudok yen "Deelka yong gǝ tokshik chini mou ɗe agǝ yong gǝnyang an sar kun" 62 Peter yagal pǝt gǝɓang mǝn wal gǝret. 63 Mǝn gurum muop nwukang gǝ yesu hǝ mǝ zhal ni mǝn mǝ nasni. 64 la lepNaan! A wudung ani chit gǝ? 65 Mǝn mǝ la bǝlǝp wuleng nkaa muup, mǝ dam sǝm muup. 66 Bǝr dat wubit gǝɓang, mǝn daskagam mǝ tǝl gǝshak, dip gǝ long ndawang gǝ mǝ pyan bii ran. Mǝ muan gǝni nlǝshep. 67 Mǝn mǝyen, "Din agǝ a lanaan wu pǝpǝs, "Din a la dǝgu bǝ gu pǝn naduk. 68 Mǝn a tal pǝgu bǝ gu lap mou. 69 Bi wu mang gǝ ɗes hǝ, La gurum yong gǝ tong gǝsar dasǝ nung kam bǝlǝp nung Naan. 70 Mǝn muop dip mǝyen nkwǝt gǝ a la Naan?" Mǝ Yesu la dǝ muop yen, "Agun guyen an kamhǝ" 71 Mǝn mǝyen, "wa nsa me mǝchin mǝ tang wutwamshik ye"? Nsa mǝn gǝkaasun mǝ kǝlǝng wagap a pǝmuup.