¹ Mǝn Yesu epyit nepe gǝtǝng mǝn na mǝlong muop pǝ ɗǝk shagal ntugul shagal. ² Mǝn na memǝ matka dǝk kobo vǝl. ³ Mǝn yen, "A la naduk dǝgu, wupya namatkaa nhǝ dǝk ma nǝmuop dip. ⁴ Nsa muop dip mǝpǝn a nɗǝgǝn bii wogot ɗe. Ɗe matka nhǝ nɗǝgǝn pya afe, dǝk dip bi wuni gǝni anung sǝ afe hǝ. ⁵ Mǝn gurum muop mǝ la bǝlǝp kaa lǝwap, wu mǝmyap ɗongɗong gǝ bii dǝk mǝn yen, ⁶ "Dip jepe wu gun pǝnaa nhǝ, bit muop nwakwul wudung memǝ pang yong gǝlang wa gǝme gǝdap nde mou wudung nǝ mǝ tugun ntak. ⁷ Mǝn mǝ tal pǝ muup mǝyen, "wubishe, ɗe jepe muop dip mǝtǝk agǝshime? A bi mǝ gǝ nin war nkwǝt muop gǝ war tǝk hǝ? ⁸ Mǝn Yesu lapyen, "Gu chin lee yong mǝ gǝn gun. Nsa guram gak yong mǝja gǝ sǝmnǝ, mǝyen 'A an ani, gǝ Fuus war ǝ' yong gu muan gǝde muop mou. ⁹ Yong gu kǝlǝng lekdyel muup gǝ jagar, gu lugat mou, nsa jepe muop nhǝ yong mǝtǝk nɗǝng, ɓǝ wutǝs afe yong gǝtaa bǝr kamhǝ mou. ¹⁰ Mǝn chinlaa ɗǝmuop "Gǝyil yong gǝ mǝyigil dǝshak, yillong gǝ yillong. ¹¹ Yilsugun wunan yong gǝkwǝt, mǝn gǝzǝm npe meet gǝ gok wuleng muop. Jepee wu lugat pe yong mǝtǝk gǝ ninwar wunan gǝ bǝtǝng. ¹² Nɗǝng she jepee muop nhǝ mǝtǝk, bǝ yong gǝ yak gun nsa muop, mǝ pǝn nogol ngun. Yong gǝ mǝpǝn gun nlǝwap gǝ lǝbal, mǝ yoknjak gǝ gun ntagam long muop gǝ Govemnor wa nsǝmnǝ. ¹³ A nhǝ ani yong gǝ pǝwar ngun nnung twamshik. ¹⁴ Nsani guɗen bǝzung gu, guɓeen gǝsuk nɗǝng mou. ¹⁵ Yong a pǝn lǝfuu gǝ soon wudung wukasgu yong gǝ mǝ ɓoot pǝ nyang mǝn mǝ yaa nbat mou. ¹⁶ Wuk gun, mǝjepnǝgǝngu mǝ mya gu gǝ wushaargu yong mǝpǝngun mǝn mǝ twǝpak gu. ¹⁷ Gurum dip yong mǝ nyang yit gu wa nsǝm nǝ. ¹⁸ Ɓǝ dipkaa gu wa gǝmǝ yong gǝ lan mou. ¹⁹ Mogorkung agu yong gǝ pǝn bar ngun. ²⁰ Ɗǝ gu na jeplek mǝ gaar Jerusalem, ɓǝ guman ɓit rugup afe wakus. ²¹ Ɓǝ muop wu Judea mǝ swǝ kaa gǝpang, muop wu gǝnaar lǝ mǝn yet, mǝn muop wudungɓǝcheooe yong mǝrwǝ gǝnaae lǝ mou. ²² Nsa bit yaa waap, depe wudok mǝyil hǝ kǝgǝt yi. ²³ Lat nkagu swǝrǝp gǝgǝrǝng gǝ muop gǝjep nsar nbit nani! Nsa yong gǝkwǝt a bit tookdam gǝyil, gǝ dǝfil ka gurum. ²⁴ Yong gǝmǝ pǝlǝp bǝchep ngoo, mǝn mǝ shendǝ muop a kurum gǝyit mǝpe muop, mǝn mǝzep muop mǝ byaka Urshelama dǝ abit mǝzep muop gǝ waanrǝ. ²⁵ bi nin yong gǝkwǝt ntook dam gǝ dangshik afe. ²⁶ Gurum yong gǝ ɗwaan ɓarang nsa lugat nsa endye kwǝt a bi mǝ muop yong gǝwul gǝyil nhǝ. Nsa kam bǝlǝp gǝ bǝtǝng yong gǝ mǝ yogobshak. ²⁷ Bǝmǝ na la gǝ kam bǝlǝp gǝ kamyoon. ²⁸ Mǝn jepe muop nhǝ mǝ ɓǝm pǝtǝk, bǝ guyigil gǝtǝng mǝn gu ap kagu nsa bit angkaa a gu wawul duk. ²⁹ Mǝn Yesu la nkwaan yen "Gu na tǝng riin, gǝ gogot gǝ shang tǝng muop. ³⁰ Yong wat kom yim muop, ɓǝ guna gǝkaasuk mǝn guyen fenkop kus. ³¹ Akamhǝ shizak yong guna jepe muop nhǝ pǝtǝk, bǝ guman nkwǝt yildong Naan kus. ³² Naduk a la gǝgun, sheyigil muop nhǝ yong gǝ mǝ yokdyelǝng mou dea jepe muop nhǝ gǝ mǝtǝk. ³³ Gǝbǝtǝng gǝyil yong gǝme yok dyelǝng, de a bǝlǝp a nǝ yong gǝmǝ yok dyelǝng mou. ³⁴ Lǝng gǝengu yong bǝzung gu wajin ntigin gǝ swa muǝs wagak gǝ weel lang gǝyil, mǝn bit nani waji ogot gun dat bǝr gǝye gwag-shagal. ³⁵ Nsa yong gǝwul nka gurum dip wumǝ tugat dok gǝyil. ³⁶ Gu tugat gǝ'en shibit gǝ mangpǝseer dyambal dǝ fatfu jepe wudung yong gǝtǝk hǝ, de gu dyam yi ntagam la Gurum. ³⁷ Mǝn bii nfuus bǝ lang dok gǝ shepe nlǝwap, nlǝpar bǝ muan gǝtong nmǝpe mǝyong shi Olivet. ³⁸ gurum dip bii mǝ muan dǝ muup gǝ bit de mǝkǝlǝng ni yi nlǝwap.