¹ Mme mə bit, Yesu nyi fu bishee ndəgən Lewap-wuyoon gə laa bəlep wuret, mən wunan Fisristoci gə wubiyil mə jaa də muup gə daskagam. ² Muop mə laa bəlep, muop fu yen, "Laa də mu gə fu chin jeppe muop nhə a gə kagam me?" ³ lap bəlep mən Laa də muop yen, "An gə bəlep nang də gu. "aa də nə kə bəlep ⁴ Kən nung Yahaya. Tongwul a kə bəlang ah ko a gurum muop gə nyi eh? ⁵ Mən mə bagal shikmuop, muop fu yen, "din mə yen, 'Tong a kəpang', bə yen, 'De a nwa nsa me mə muən naduk n'nyi məu eh?' ⁶ Din mə yen a gurum muop gə nyi, gurum muop dip yong gə mə zuam mən gə pang, nsa mə muən naduk shi bəzung muop nkwət Yahaya a Lalep." ⁷ ən mə lap nkwət dun, du man nkwət tong anə məu. ⁸ Yesu laa də muop yen, "To a naa kam'hə gə a laa nkwət bii a chin jepbəlep muop nhə a gə kagam mə məu. ⁹ Nyi fu laa bəlep-kwoomkaa nhə də gurum muop, "Məgwə kaa təng nmar afe, mwət waap məmar muop gə nyi mən muaan me gəyil ndung chin bit vəl. ¹⁰ Gəshi diap warə mən lep memə kwərəm afe də wumar muop nanyi, də mə muat ndəgən jeppe gənaar mar nanyi. Mən wumar muop mə nas nyi, mə bən chen nyi nsar wufii. ¹¹ Mən bən lep ndee kwərəm mə chin nas nyi, mə bən pən kələng n'nyi mən mə chen nii nsar wufii. ¹² Mən bən lep gə nde kwərəm wukun mən mə pən gok n'nyi mən mə mang tak hə. ¹³ Mən nyi Miskagam wupin mar laa yen, ɗee gə chin a ma? gə a lep gə laa gəchin a nə a ɗen hə, ɗok gə mə kələng nyi. ¹⁴ "Wu muop mar mə naa nyi mən mə laaɓələp də chak, mə yen, Nhə a wuteerkop. Mə tə nyi, bə biikop muup ɗee mən. ¹⁵ Mə ya shiang fuat gə nyi gə nung mar na nyi mə tə nyi. Ɗee miskagam wupin mar gə chin a me ɗəmuup eh?. ¹⁶ Nyi gə nwawul nchen wumar muop nhə, pən mar na nyi me mə gurum zak yit. "wu mə kələng kam hə, mə yen" ga taa kam hə mou!" ¹⁷ Mən Yesu naa muop, mən laa yen, "ɗee bi wu nyi nbiran ni pə laa a bii me, pang wudung wudyak lə mə nyang waɗee a kugur hə. ¹⁸ Gurum wu pal gə pang nanyi bə gə tərəp ɗukɗuk, gurum wu mə pələp nkaa muop gə trap. ¹⁹ Mən wubiran muop gə mənan ndaawang muop mə tang ɗin mə ya nyi ndəgən chii na nyi mə man nyi laa kwaan nhə a də də mə lugat ya muop nsa gurum muop. ²⁰ Muop pə kang nyi. Mə lep gə gurum muop də mə ɓeng nyi, gə mə raa wa mə. ɗee ka kə bii wukər, də mə kat bii wubis ndəgən ɓələp afee, də mə pən nyi bəlong muop gə wukam gəɓələp muop. ²¹ Mə nang pə muup mə yen, "Wushepee, mə man gə laa bələp bən gə sheepee a wudəɗong, gə pən gəyit məgwə mou, gə shepee naduk gə nkaa war Naan. ²² Ɗee byang nit mən mə kwat wap nKaisar ah, ɗee mə nook? ²³ Mən Yesu man war bat a muop, mən laa də muop ²⁴ "nin shagal gəmə an a riin wuɗang gə səm wudang a kaa fee?" mə yen, "Kaisar." ²⁵ Mən laa də muop gu pən bii wudung a nung Kaisar hə nKaisar, ɗee nNaan bii wudung a nung Naan. Ani mən mə muat nkaisar jepee ndung a nung Kaisar ɗee nNaan jepee ndung a nung Naan. ²⁶ Mə boot bə kat ni gəme mə weel ndung yong mə laa ntagam gurum mou, mə diam kit dee gə mə kələng a lap bələp afe ndat. ²⁷ Ndung pak Saudikiyawa mə jaa də muop hə, muop ndung məyen yagal ndangkong muut nnəgən mou hə ²⁸ mən mə nang fu muup wushaapee, Musa yil də mu nkwət ɗin emnəgən muguwo nmuut mən ni gə mat, ni gə laa mou bə dagwə nani mən mə bak jep dək nkop emnəgən muup. ²⁹ Dok mə gurum muop pogovəl a daas a mə emnəgən, mən wuyawar lap mat mən muut nə nla. ³⁰ Mən wu vəl bən a kam hə. ³¹ Mən wu kun lapni, bən a kamhə dau gə wu pogovəl bənshin a ni jep mən muut. ³² Ndangkong mən namat zak muut ³³ Ɗee pala yagal ndangkong bə ni a mat wudang hə? Nsa muop dip pogovəl mə lapni kabi mat hə. ³⁴ Yesu in də muop. Jep gədes hə, ɗiak mə bən muat muop nɗiak. ³⁵ Mən muop ndung məman gə muop a wukar gəpee ni wu mə dong də lap yigil ndangkong muut hə gə mə ɗiak dee gətaa mə muat muop yi nɗiak. ³⁶ Muop yong gə mə ɗuam zak mou nsa muop nchat gə məwəng, mən muop a jep Naan, ndung a jep nung yigil ndangkong muut. ³⁷ Bii bə wuduam mə yigil, Musa kə kaashik niin mee mə pee nwung, gəpe ndung yong miskagam a Naan nung Ibrahim bən Naan nung Isaac gə Naan nung Yakubu. ³⁸ Gəɗeshə ni a Naan nung wuɗuam muop mou, a nung wu ləngdok, nsa dip mə ləngdok a wa nsa ni. ³⁹ Pak mə biyil mə fumuup nkwət, wushepee, gə lap nyit. ⁴⁰ Mən mə vak nang ndee bələp nang mou. ⁴¹ Yesu la də muop yen a nang məyen kristi a la'a David hə? ⁴² Nsa ni David gə kaashik la nZabura, "Miskagam la də miskagam anə, "tong gəsarnə wumis, ⁴³ Se'e yong a muat wukasgu ngun ka bətong es. ⁴⁴ Ani mən David yong Kristi a miskagam, bə ni a la David ha?. ⁴⁵ Dau nkom gurum dip mən la də Imajari ⁴⁶ afe muop gukang mə biyil muop ndung mə tang a teng muan gə ɗem nangpee wuret afe gəpee lətuk dee tuaghat gapee tuaghat mə long muop hə lənaan gə bətuaghat long gəpee bii wuyoon. ⁴⁷ Dou bii ɗam lə surəp kaa muop mə bən chen dangnaan kun-kun gəni dewar mə man gə muop yi. shik gurum nakamhə yong katpee mou.