¹ Mok dat gǝbit wume ndǝgǝn shi lǝtak, mǝn mǝ muan ya gǝcher, gǝbi shita wu mǝchin gwe. ² Mǝn mǝkat pang mǝ biring ɗem gǝjong nsǝng gǝ ³ Mǝ rwǝ ndǝgǝn, mǝn mǝkat shishik long Yesu mou. ⁴ Gǝkang rǝng muop baan, mǝn bǝrdat mǝn mǝkat gurum vǝl mǝ dyam dok shi bǝt muop dagwo amuop pya ba mǝlǝp. ⁵ Surǝp muop mǝ lugat mǝn mǝ zǝmkaa muop nyil, mǝn mǝ la dǝ surǝp muop mǝ yen, "ankang gutang wukagam gǝnaar wudǝ ɗem eh? ⁶ Ni hǝ mou. Mǝ epni gǝtǝng. ⁷ Gu dye dǝ dok la bǝlǝp dǝgwo wani kutni nGalilee, layen yong gǝ mǝpǝn Lagurum nsar gurum wu chan wubias bǝ mǝlangni gǝ shep ɓal, mǝn mbit waan bǝ yagal. ⁸ Surǝm muop mǝ dyedǝ bǝlǝp amuup. ⁹ Mǝn mǝnyet gǝcher wak mǝ la bǝlǝp hǝ dip gǝ wusar kagǝme gǝ gogot gǝshang. ¹⁰ Gǝdes hǝ Maryamu magdalene, Joanna, Maryamu nǝgǝn James, gǝ gogot gǝshang surǝp muop mǝ yakdang jepee nhǝ dip chin pǝn njeplep Yesu.Yesu. ¹¹ mǝn lep nhǝ gǝye lǝfu baan dat dǝ jeplep Yesu, mǝn mǝ pǝn naduk nsurǝp muop mou. ¹² Dip gǝ kamhǝ, Peter yak muan gǝcher, dugun naape ndǝgǝn, kat a byaat muop dat mǝ ɗakɗok mmeshak. Peter yagal wa gǝpang afe gǝdye bǝlǝp wugwǝ wuto nhǝ. ¹³ Nde mǝ gurum muop vǝl mǝ muan ya bǝchepe pa bit nani, gǝbi mel ya gurum kun gǝ Jerusalem sǝm a Emmaus. ¹⁴ Muop pǝ bagalkaa jepee wudung tǝk nhǝ. ¹⁵ Muop pǝ bagal ka muop pǝ tol bǝlǝp dǝshak. Yesu gǝ kaashik waji mǝn muan gǝ muop. ¹⁶ Mǝn yit muop nin dǝ mani mou. ¹⁷ yesu la dǝ muop, "A bǝlǝp mǝ muop wugun vǝl nhǝ gu lǝngɗok gu bagalkaa yi nshi muan eh? Mǝn mǝ dyam kamhǝ ntookdam. ¹⁸ Me muop gǝme, sǝ muup a Cleopas, lap pǝ muup, "A gǝdat a gurum ndǝgǝn Jerusalem wuni man jepee wutǝk ndǝgǝn bit muop nha? ¹⁹ Yesu la dǝ muop, "A jepee me? Mǝn mǝ lap pǝ muup mǝyen, "Jepee gǝnung Yesu nung Nazareth wudok ni a lalep Naan, wuyoon ndǝgǝn lǝfuu dǝ Naan gǝ gurum, ²⁰ Mǝ long ndawang muop gǝmǝ shep mǝpǝni mǝ gap shep muut lang nkaa mǝn mǝ tǝni gǝshepbeel. ²¹ Dok mǝ dye mǝkat ani pa gǝ angka Israel. A kamhǝ, mǝn a mǝ shizak ah, chin a bit ukun jepee nhǝ tǝk yi. ²² Mǝn pak surǝp muop wu gǝnaar mu mǝ la bǝlǝp wugwǝ gǝmǝn, Mǝn mwan gǝcher mok gǝbit. ²³ Wu mǝ kat shishik nani mou, mǝ wakja mǝyen dunaa riin mǝwǝng Naan wula yen ni nkagam. ²⁴ Pak daas gǝnaar mu mǝ muan gǝcher mǝn wakja chin la a kamhǝ gǝbii nung surǝp muop hǝ. Ɗe muop mǝ katni mou" ²⁵ wu lafu dǝ pǝn naduk dip nbǝlǝp wudok jeplepNaan mǝ la ²⁶ hǝ. Dok ni dendok alǝng war kristi yong gǝkat nogol jepe muop nhǝ she nrǝ nlapyoon afe mǝ? ²⁷ Mǝn bǝmtak shi Moses muan gǝ bwan jeplepnaan muop nau. Yesu beer dǝgǝn jepee wu mǝbwam ni dip mbiiran. ²⁸ Mǝn kuspe wudin gǝ mǝ muan nnǝgǝn hǝ, mǝ Yesu chin gǝye yong gǝ muan ntagam. ²⁹ Mǝn mǝdǝn mǝyen, "Deshi bǝt mu,nsa pe mang kansǝgǝn, mǝn dǝmuop. ³⁰ Lat mǝn long shi lang wuret aka, tarap dǝgǝn mǝn pǝn mmuop. ³¹ Mǝn yit muop ap mǝn mǝ man ni, mǝn lan lǝ muop. ³² Mǝn mǝ la dǝshak, "Din bǝzung mu pǝ kugur ndǝgǝn mu wani pǝ ap bii ran? ³³ Mǝ mǝyil wagap shi nani mǝwak ya n-Jerusalem. Mǝn mǝ kat muop wu ser- kaagǝme nani shi bǝtshak gǝ muop wudok muop nngǝn hǝ. ³⁴ Mǝ yen, "Long yagal shiwagap mǝn nin shik n-Simon". ³⁵ Lat mǝn mǝ a jepee wutǝk gǝwar, gǝ wudung du man gǝdǝ tarap naweh. ³⁶ Gǝ mǝ la bǝlǝp nhǝ dat Yesu ɗar gǝnaar muop, mǝn la dǝmuop, "Chagap tong gǝgu". ³⁷ Mǝ ɗaar mǝn mǝ lugat kwǝt duna a mǝwǝng. ³⁸ Yesu yen, "Ana gu weel ye? Ana bǝlǝp la yigil yi nbǝzung gwe? ³⁹ Gu na sarnǝ, guna kwak nǝ, kwǝt a an gǝ kaa san. Ɓǝm an gu na yi. Nsa chelem ni gǝ luwa shishik gǝ oegǝs gǝbii nǝmaan hǝ mou ⁴⁰ La lat kamhǝ mǝn nin sar muup gǝ kwak muup. ⁴¹ mǝn mǝ kat a bii wufwǝ. Mǝn Yesu la yen, "Gun gǝ me mǝbii dǝ sǝ a? ⁴² Mǝn mǝ pǝn cherǝp wuwus nni. ⁴³ Mǝn lap mǝn aar ntagam muop. ⁴⁴ Mǝn la dǝ muop, " A nhǝ ani a bǝlǝp wudok a la dǝgu wa an a kutni gǝ gun, nkwat bii wudok mǝyil nbii ɗen nung Moses gǝ jeplep nung Naan gǝ nung see mǝ gǝgǝt an leng waar. ⁴⁵ Mǝn ap bǝzung muop dǝmǝman gǝkang bii ran yi. ⁴⁶ Mǝn la dǝ muop, "Denɗok nyil kwǝt kristi yong gǝkat tǝgǝrchin nɗǝng mǝn yagal shizak ndǝgǝn muut ndang kong bit kun. ⁴⁷ Gu shakshik seer dǝ kon wubias ngurum gǝyil dip, mǝ bǝmtak a nJesusalem. ⁴⁸ A gun a wu twamshik jepee muop nhǝ nau. ⁴⁹ Gu naa, yong gs lep bii wudok Ndaa pesfuu a kaa hǝ. Ɗe gu tuagat gǝfǝr de pa gǝ mǝdyan gun shi byaan nung gǝɗong hǝ. ⁵⁰ Mǝn Yesu muan gǝmuop mǝn gǝ mǝ kus Bethany. Mǝn apsar gǝtǝng mǝn lang wuret. ⁵¹ Dat mǝn ni pǝ tang wuret kaa muop, mǝn nyit muop mǝn mǝmang ni gǝbǝtǝng. ⁵² Mǝn mǝ wap ni mǝn mǝ yok dǝ Jerusalem gǝ took pya gǝrǝt. ⁵³ Dok bii zǝm nlǝwap gǝ mǝ pǝ wuret nNaan.