¹ Ndangkong nyi mə miskagam tagat ndee gurum Yagurum kun gə shika sarshikasarshikavəl mən lep muop vəl-vəl mə yawar npee ndung nyi də mwan hə dip. ² La gə muop, bii dip nə nbəl mən mə bəlang mə kat. Nang fu miskagam bii dip dewar nyi lep gə mə bəlang ndəgən gəfuur pee bii dip. ³ Gu muan! A laep gun gu fat a gəbi təm muop gənaar lua-wung wubial muop. ⁴ Gu kok lau dee pee dəkshagal dee kogop məu. ⁵ Gu rwə meemə lə bə, gu yawar gu yen, 'Chagap lang kə lə nhə.' ⁶ Din gurum wu tang chagap nyi nnəgən bə chagap sam kaa muop, nyi a kam məu bə bən wa ji də gu. ⁷ Gu tugat hə nanyi, gu sə dip ndung gu kat bə sə gu sə nsa gurum wu chin bəlang gə tang a kopgəshi muup. Na yong gu muandok meet shi lə shi lə. ⁸ Dip pee ndung gu rwə mən mə lap gun bə gu sə buu ndung mə pən ngun hə, ⁹ gu dak gurum wu gok muop ndung muop nnəgən hə mən gu laa də muop nkət wul Naan kus.' ¹⁰ Ndung gu rwə mee məpee mən mə lap gun məu bə gu muan shik gəkang lə yə kang lə mən gu la, ¹¹ 'Dip gə orong lə gu wu bam kwak mu, mə bwap nbəgu mə lə shi gu. Mǝn gu man wagap hee, wull Naan kus. ¹² A laa dǝ gu, nbit sheep Naan yong mə nachigir kə gurum Sodom nkaa gu n'yil hǝ. ¹³ Lat nka gu, Korozin! Lat nkaa gu Bethsaida! Kat din bii rəngpee ndung mə chan ngun mə chan ani Tyre muop gə Sidon bə, din mə nyit biwubis gwe gə la bit nbəl, din mə lugatdok a nlee wutee gə fat. ¹⁴ Bə yong gə dong də Tyre gə Sidon gəshii sheep dee kaa gu. ¹⁵ Yong mə mang nyi wak kəbətəng gə nyi? Yi Kafanahum, ane yong gə yi wa'a də fung wusəng. ¹⁶ Gwə wu lang kom də gu, lang kom a də nə; gwə wu niang gun, niang a an, mən gwə wu niang an niang a gwə wu lep an. ¹⁷ Muop wu yaa gurumkun gə fu sarshikavəl hə mə wak wul ntookpiya, mən mə yen Miskagam Damwam muop nau mə muat kaa muop nman ndəgən səm gə. ¹⁸ Mən lap fu muop yen, "A naa shaitan pal gə yee a namələp wutong kəbətəng hə. ¹⁹ A muət kagam ngun də biak ka wə dee dagar nau də wu maa kə bal bii wubis nau, məbii gə chin gun məu. ²⁰ Nau kamhə, na yong took gu npiya gə məriip wu a pən ngun, too gu piya a kə ndung mə yil gwe kəbətəng. ²¹ Gəshinyi, Yesu ndung tookpiya warə gədə warə gədə Məriip Wuret hə, yen, a saam gə, Nda Miskagam wu kəbətəng gə yil, nsa gə sok jeppe ndung hə fu mə en muop, mən nin a də jep wuneen muop. A kam hə Nda, nsa a pee ndung took gə mang hə. ²² Dip jeppe wu an gə nyi hə a lap fu Nda, məgwə man gwə ndung man laa məu, a Nda dat, mən məgwə man nkwət a wudang a Nda hee məu, a laa dat dee muop ndung la dem dv nin muop hə. ²³ Mən bat naa jep gədə muup mən laa gv lang kə yit ndung naa bii ndung gu naa hə. ²⁴ A laa də gu nsa mə laa bəlep muop gə məlong muop mə tangkop naa bii ndung gu naa hə mən mə naa məu, də mə kələng bii ndung gu kələng mən mə kat kələng məu. ²⁵ Mee mə bit katshak mən mee mə long bwət sheep yagal dar də wu kam Yesu. Mən nang yen, "Wushee pee" Yong a chin a me bə a kat bətong nung gəgwə eh? ²⁶ Mən lap yen, "Mə yil a me nbii gəden hə eh?" Bii gə naa a nang dat he?" ²⁷ Mən lap, la yen, gə dem miskagam Naan a gə gə bəzung gə nau, gə chellem gə, nau gə kagam agə, nau gə endiye agə, mən gə dem wu tənglə agə, əbii kaasak hə. ²⁸ Yesu lap fu muup nkwət, "gə lap wagap n'yit. Gə chin kamhə bə gə muut məu. ²⁹ Mən dem din man gə kang nyi gə kaashik muup mən nang fu Yesu "A wudang a təngla a nə eh?" ³⁰ Yesu yagal də lap mən yen, mee dagwə ni dok nsam Urushalima mən taa gəsar wat muop. Mə tagat lee afe dip mən mə nas nyi poon muut də til dat mən mə muan fu muan adu. ³¹ Mee mə Ndawang nyi ndel sam g əwar nəshak mən naa dagwə nanyi mən bat war nyit ndee. ³² A kam hə me məgwə Lawi ndung ji nnəgən mən naa nyi mən mangwar met nyit ndee. ³³ Mən mee mə Samariyawa dok nyi nmuaan, mən ji gəpee ndung dagwə nhə nnəgən mən na nyi mən nachigir afe. ³⁴ Mən muaan də muup mən vang shel afe mən bam dip, dək muər gə am muəs. Lat mən mang dagwə na nyi lang kə guy afe shin mang nyi muaan gə nyi wu pin kangpee də dewar nyi na nyi yi. ³⁵ Wu daar bit bang, mən tagat wu ək shagal vəl pən wu kangpee lat mən la də muup, "Gə naa nyi, yong a waa wul bə gə lap bii ndung gə tə maa gə kagam bii ndung a muat ngə hə. ³⁶ Bə dee ndəgən muop wu kun nhə bə a wudang a tənglə dagwə wu taa gəsar wat muop nhə? ³⁷ Mən long bii Gəden nhə lap yen, "A dagwə ndung nin nachigir nkaa muop hə", mən Yesu laa də muop, "Wak gu chan gəbi nəmuup." ³⁸ Ndung yesu muop gə jeplep afe muop gəwar muop nmuan, mən nyi rə nmee məpee ndung namat mə yong nyi a shi Marta yong nyi lə muup. ³⁹ Memə emnəgən muop məmat səm muup a Maryamu ji tong a shi bət Yesu gə kələng a bii ndung nyi gə laa hə. ⁴⁰ Mən Marta muaandok, mən weel a gə bii ndung dong nit nchin dək hə, mən ji də Yesu mən nang fu miskagam, "dee gə naa-naa zak ha emna nit an dat fu bəlang nmee san ah? ⁴¹ Gə la də muup nyi lap an!" "Marta, Marta, miskagam lap fu muup, "Yi weel, mən yi muan yi dok yi weel a jeppe meet, ⁴² a dem a məbii gəmee dat, Maryamu mang biwuret ndung yong mə bii gə lap fu muup məu hə."