1 Yesu man dat nkwǝt Farisiyawa muup mǝ kǝlǝng gwe gǝtap nyi kat jepgǝdǝ mǝn nyi fu kǝnpǝ ma Yahaya. 2 (Yesu gǝ kaashikdok kǝnpǝ mou; a jepsar muup dok muop fu chan). 3 Mǝn Yesu yagat nyit Yahudiya waa ya nGalili. 4 War gǝfe dok ya gǝ ɗel a mat gǝyil Samaria. 5 Rǝh mǝpe sǝm a sekar gǝyil Samaria dukduk gǝ mar wudok Yakubu mwat nlaa muup Yusufu. 6 Tugur-am Yakubu dok nyi npe nanyi. Mwaan nee Yesu mǝn tong dukduk gǝ tugun-am nanyi. Fuus dok ɗar gǝnaar gwe. 7 Mǝ na mat Samariya wul npe dǝl am Yesu yen " a lap am a sua". 8 Jep gǝdǝ muop dok mǝ mwan gwe gǝfǝr npe seet sǝ. 9 Na mat yen "Gǝ a gurum Yahuda mǝn gǝ ɗang am fu nǝ namat Samariya a? Gurum Yahuda gǝ gurum Samariya jet gǝ ɗemshak mou. 10 Yesu lap yen "Din yi manchindong Naan gǝ dagwo wu nang am fu yi, ɗyin gǝ yi dang yǝ lap pak am a sua." Nyi nmwat am nooklang nyi. 11 Namat lap yǝn, "miskagam, tugun-am wudung a jijong, mǝn gǝ gǝ bii yak am mou, ɗeh gǝ kat am hooklang nanyi ane? 12 Pakaam mu Yakubu wudok mwat tugu-am nmǝn sua anyi, nau gǝ jep muup gǝ longkong gǝ fe nau. Gǝ a wu ma nyi a? 13 Yesu lap yen "mǝgwu nswa am hǝh bǝh feel muup gǝ chin nfii. 14 Mǝgwu shee nman shizak mou. Am-wu gǝ a mwat hǝh gǝ wa tugus am pǝt ɓutɓut ɗeh mwat nooklang yi". 15 Namat nyi yen miskagam, mwat am nanyi n'an yi ba am 'ntǝh nya ani lat ɓǝh a wul npǝ ɗǝl am zak npeen mou. 16 Yesu laa gǝ nyi yen, 'mwaan yi yong mis yi gu jya gǝpe gǝmǝ. 17 Nanat lap yen "An gǝ mis mou" Yesu yen yi laa a naduk yi yǝn "an gǝ mis mou". 18 Nsa, yi ɗyak ndaas paat ndung gun gǝsuk gǝɗet hǝh a mis yi mou. Yi la naduk. 19 Namat ywn miskagam gǝ hǝh a naa kaa. 20 Na kǝǝ mu dok mǝ wap Naan aka lǝbung hǝh, zak gu yong a Urisima ɗat ape wap Naan, 21 Yesu yen ɓit kwot nwawul wu she gu wap Naan gǝ kaa lǝɓung hǝh gǝ Urishilima zak mou. 22 Gu man bii wu gun fu wap mou. Mǝn gǝ mǝ wap a bii wu mǝ man hǝh nsa angkaa tong a dǝ Yahudawa muop pǝt yi. 23 Bit waa gwe rǝh wudung gǝ mǝ wapNaan naduk, gǝ mǝ wap Nda nnǝgǝn mǝrip gǝ naduk, nsa Nda Naan nyi fu tang a muop ɗeh war mǝ nwap nyi. 24 Naan a mǝrip, gurum muop wu gǝ mǝ wap nyi zak gǝ mǝ wap nyi a ɗǝgǝn mǝrip gǝ naduk. 25 Namat yen "A man gǝtap Almasihu ( wudung gǝ yong nyi shikristi hǝh) kot nwul. Dǝh nwul ɓǝh yakshii jepe nau nmǝn. 26 Yesu yen "Aan nanyi fu laa lǝfu gǝ yi". 27 Dat kam mǝn, jepgǝdǝ yesu mǝ wakwul wakjya mǝ kat nyi fu la ɓǝlǝp gǝ namat mǝn rǝng muup dat. Mǝ muop ep fu nang nkwot "Yi-fu tang a me" ɗǝh mǝgwu nang yi yǝn "A nah gǝ fu laa ɓǝlǝp gǝ namat yi" mou. 28 Lat mǝn namat nyit tugul gǝdǝ mǝn waaya gǝfǝr waa gǝ laa gǝ gurum yen, 29 Gu jya ji gu naa dagwo wu la bii wu jet achan hǝh nau gǝ an. kwot a nyi a kristi nanyi ma ko?" 30 Lat mǝn mwuan dǝ Yesu. 31 Jep gǝɗǝ muup mǝ ɗwak nyi mǝ yǝn, "miskagam, sǝsǝ". 32 Mǝn Yesu la gǝ muop yen "an gǝ sǝ wu nǝ gu man hǝh. 33 Jepgǝɗǝ muup mǝ la dǝshak mǝ yen "A wuɗa mwat sǝ gwe nnyi yi?". 34 su laa gǝ muop yǝn Bǝlang wu Naan lep an gǝnyi hǝh a sǝ gǝnǝ, gǝ a chin a nyi nlat kwǝt. 35 Gu yong tar ɗee feer mǝ mǝ ɗyip sǝ mou a ? A laa yi gǝgun, gu ap yit gu naa gǝlaap yi, sǝ nuang gwe ɗǝh a ɗyip dat. 36 Kopgǝshi gwe wu ɗyip-ɗyip a nooklang- gǝgwoo, a waa nyi gurum mu kop gǝ gurum wu ɗyip took muop gǝ pya nau. 37 Bǝlǝp laa hǝh a naduk: mǝgwu kop-kop nɗe mǝgwu ɗyip-ɗyip. 38 A lep gun npe mwan gu ɗyip bii wu nǝ gu chin ɓǝlang gǝfe yi. A mǝgurum dok mǝ kopi gun gu kat a nat dat. 39 gurum Samariya dok mǝ mwat naduk nsa bii wu namat laa gǝmuop yen "Laa bii wu jet a chan hǝh dip gǝ an". 40 Jya mǝ ɓogol Yesu ɗǝh tong yi shi ɓǝt muop ɓit mak vuǝl. 41 Nde gurum gwet mǝ mwǝt naduk nsa ɓǝlǝp wu nyi la hǝh. 42 Mǝ laa gǝ namat nanyi mǝ yen"Gǝɗet hǝh mǝ mwǝt naduk a nsa bii wu dok yi laa mou. Mǝ mwǝt naduk a nsa mǝ kǝlǝng shi kom mu; mǝ man a nyi a wu angka gǝyil". 43 Dangkong ɓit vuǝl mǝ yǝsu nyit Samariya waa lap nɦahli; 44 Nsa Yesu dok laa yen wunaakaa bii gǝ myaar ngan lǝmuup mou. 45 Ji rǝh dat mǝn gurum Galili mǝ lap nyi nsa dok mǝ naa bii nyi chin gǝshi bi-sǝ nUrishalima nsa dok muup ma mǝ mwan. 46 Yagal mwaan nkana gǝyil Galili shiza pee wudok bat am-wu-shiu waa am-la tǝng gǝnyi laa mǝgwu wuyoon nKaparnawum dok nyi a wugok. 47 Dagwu nanyi kǝlǝng nkwǝt Yesu yagal nYahudiya sam ya nGalili mǝn mwan gǝ ɗwak Yesu ji ɗak laa muup yi nsa lala nanyi npe muut. 48 Yesu laa gǝnyi yen "Nǝmuk ɗaghat nǝ gu naa bi-ɗyeermou, ɓǝh bii gu mwat naduk mou." 49 Dagwu nanyi yǝn, "miskagam, sam bǝr laa nǝ yi nmuut. 50 "Yesu yǝ" waa dat laa gǝ gǝ bar. Dagwu nanyi mwat naduk nɓǝlǝp wu Yesu laa hǝh mǝn waa. 51 Nyi gǝwar dat mǝn jeptuaghat gǝfe mǝ laa gǝnyi nkwǝt laa muup kagam. 52 Lat mǝn nang fu muup gǝtap kat kagam nanyi a a npǝ na. Mǝ lap mǝ yen "A ɗǝden nfuus gǝnaar mǝn lapiip nanyi lat" 53 t mǝn dagwu nanyi ɗyǝ nkwot den Yesu laa ɓǝlǝp lala muup nanyi a fuus gǝnaar. Mǝn nyi gǝ gurum lǝ muup mǝ pǝn naduk. 54 Wudung hǝh a bi-ɗyeer wuvuǝl wu yesu chin ndangkong yaghal nYahudiya waa lap nGalili.