Jing 5

1 par ɓit kaam Yahudawa muop mǝn Yesu ka ya nUrishalima. 2 Nɗǝgǝn Urshalima, mǝ mǝ dung nyi nǝgǝn dukduk gǝ pukǝrang Tǝm, nɗǝgǝl Aramayak bii gǝ mǝ yong a shii betzata. Nyi gǝ fugǝdo paat. 3 Gurum gwet: wugok, wu vaga, wu kǝgǝl gǝ wu wuween mǝ turap ɗok nnǝgǝn. 4 Wugok muop bii mǝ turap ɗok fugǝdo nanyii wuvagham, gǝ wukut, gǝ wu shikween muop. 5 Mǝ dagwu chin yii Yagurum-gǝ fu-sar shika poghokun gǝ gok nnǝgǝn. 6 Yesu naa nyi teer ɗok mǝn man nkwot nung muop dǝm nnǝgǝn, mǝm yen, "Gǝ ɗem kop gǝ kat kagham a? 7 Wugok nanyi lap yen miskagaham, an gǝ mǝgwu wu ɗǝh mǝ ndung am nanyi ɓǝh ɗen an nǝgǝn mou, ɗǝh a mwaan npe Sam ta nnǝgǝn ɓǝh mǝgwu yaa war nǝ. 8 Yesu laa gǝ nyi yǝn "Yaghal gǝtǝng, mang karam gǝgǝ mǝn gǝ wa". 9 Dat kam mǝn dagwu kagam, yagal mang karam afe mǝn mwaan-mwaan wagap. Bit nanyi dok a Bitnyak. 10 Yahudawa mǝ laa gǝ dagwu nanyi mǝ yen "chinyi a Bitnyak, mang lee waar gǝ." 11 Ɗagwu nanyi lap yǝn "mang karam agǝ gǝ mwaan-mwaan. 12 Mǝ nang fu muup mǝ yen a wu ɗah laa kam gǝgǝ yi?" 13 Dagwu nanyi zak dok man gurum wu ɗak nyi mou nsa dok gurum gwet nnǝgǝn mǝn Yesu bat dat rǝh gǝnaar muup mǝn lan 14 Lee dal mǝn Yesu kat dagwu nanyi nnǝgǝn lǝwappe mǝn yen gǝɗǝt hǝh gǝ kagam gwe. Tap yi gǝ chin wubis shizak mou, mǝbi wu nyan ma wudung yi ba nkat gǝ. 15 Dagwu nanyi yagal mwaan gǝ la gǝ Yahudawa muup yǝn a Yesu dok ɗak jin. 16 Yahudawa mǝ ɓǝm lǝng gwak nYesu nsa nyi fu chan jepe nakam par bitnyak. 17 Yesu lap yen "Nda nǝ kutnyi fu ɓǝlang; an zak fu ɓǝlang." 18 Waa nyi Yahudawa mǝ tang nyi npe tǝh nsa nyang tǝt bitnyak, ɗen shik a chat gǝ Naan. 19 Yesu yen "A laa naduk yi gǝgun laa Naan gǝ chin mǝbi shi kaashik mou: gǝ chin a bii wu naa Nda muup fu chin hǝh. Bii wu Nda chin la gǝ chin a kam. 20 Nsa Nda ɗem La nyi mǝn nyin jepew nyi gǝ kaashik gǝ chan nnyi. Yi gǝ chin nnyin jepe wuma wudung nnyi npe rǝng gun yi. 21 Nda bii pǝn nooklang nmǝdǝ ɗǝm muop; a kam shi laa muup bii gǝ pǝn nooklang ngurum wu ɗong ɓǝt muup. 22 Nda bii gǝ sheep mǝgwu mou; pǝn ɓǝlang sheeppe a laa muup, 23 npe ɗǝh gurum dip mǝ nǝgǝr la kabi wu mǝ nǝgǝr Nda yi. Dagat nǝ mǝgwu nnǝgǝr La mou ɦǝh gǝ Nda mou. 24 A la naduk gi gǝgun, mǝgwu wu kǝlǝng ɓǝlǝp gǝnǝ mǝn shen naduk ngwu wu lep an ɓǝh gǝ kat nooklang-gǝgwoo, mǝgwu gǝ sheep nyi mou nsa pǝt nfu muut mǝn kat nooklang. 25 A laa naduk gǝgun, fuus waa rǝh wu mǝdǝɗǝm gǝ kǝlǝng ɗǝgǝl la Naan gǝh mǝ varap. 26 Kabi wu Nda Naan nyi gǝ nooklang, a kam zak laa muup nyi gǝ nooklang. 27 Nda shen kamshik nlaa muup npe sheep, nsa nyi a laa gurum. 28 Naa ɓǝlǝp nanyi yi rǝng gun mou, ɓit waa kot nwawul wu mǝgwu wu nyi ntugun hǝh nkǝlǝng ɗǝgǝl muup ɓǝh. 29 Pǝt gǝbang: muup wu mǝ chan bii wuret ɓǝh gǝ kat nooklang; muup wu mǝ chan wubis gǝ mǝ lat baan." 30 Gǝ a chin mǝbi shi kaasan mou, bii wu a kǝlǝng hǝh, gǝ a sheep anyi sheep gǝ nyi, sheep gǝ nyi a wuretnsa bii a lng a nung kashik nǝmou; biiatang a bii mu Nda nǝ lep an hǝh. 31 Dǝh a la wuret kaasan ɓǝɦ tuamshik gǝnǝ a naduk mou. 32 Mǝgwu gǝ tuamshik kaanǝ hǝh nyi nnǝgǝn; a man tuamshik afe kaanǝ a naduk. 33 Dok gu lep dǝh Yahaya mǝn tuamshik kaa naduk. 34 Tuamshik wu a kat hǝh a nung gurum mou. A laa kam a npe ɗǝh gu kat pǝfuat yi. 35 Yahaya dok nyi a wus wu saanpe, ɗok gu chin tookpya chogot nsa pee wusaan gǝfe. 36 Tuamshik gǝnǝ a ma nung Yahaya nsa ɓǝlang mu Nda nǝ mwǝn an, ɓǝlang wu an fu chin gǝɗǝt hǝh, a muop a tuamshik kaanǝ, akwot a Nda lep an. 37 Nda wu lep an tuamshik kaanǝ, dok gu kǝlǝng ɗǝgǝl muup ɗǝ gu naa nyi yi mou. 38 Gun gǝ ɓǝlǝp gǝfe nɓǝzung mou nsa gu pǝn naduk ngwo wu nyi lep mou. 39 Bii gu ɓil ɓǝlǝp Naan nsa u ɗye nkwot gu nooklang-gǝgwoo nnǝgǝn. a ɓil ɓǝlǝp nanyi mǝ tuamshik kaanǝ. 40 Nau gǝ kam, gu nyang wu dǝh nǝ ɗǝh gu kat nooklang-gǝgwoo yi. 41 Gǝ a lap yoon fu gurum mou, 42 a man nkwǝt gu ɗem Naan mou. 43 A wul nɗǝgǝn sǝm Nda nǝ mǝn gu nyang lap an. 44 Dǝh gurum nwul nɗǝgǝn sii kaashik ɓǝh gu lap nyi. Bii gu lep yoon ɗǝ suk kam hǝh, gu chin a ɗagat a na gu tang yoon wu tang dǝ Naan yi?. 45 Naa yi gu ɗye nkwot a an gǝ a rogop gun ntagam Nda Naan. 46 Dagwu wu gǝ rogop gun a Musa wudung gu ɗen en gu a kaa muup hǝh. Din dok gu pǝn naduk nMusa, dyin gu pǝn naduk n'an nsa nyi dok yil bii kaanǝ. 47 Dǝh gu pǝn naduk nbii-yil afe mou ɓǝh chin a na gu pǝn naduk yi ɓǝlǝp anǝ yi?"