Jing 3

1 Me mǝgwu nyi, a Faristi wu soem muup Nikoɗemus, nyi a miskagam ganaar gurum Yahuda muup. 2 Wul dǝ Yesu nlǝpar mǝn ji la yen, "Rabbi mǝ man gǝ awushepe wu tong, wul ɗǝh Naan, nsa mǝgwu gǝ chan jepe wu gǝ chan ɗagat nǝ nkot gǝpe gǝme gǝ Naan mou". 3 Yesu lap yǝn, "A laanaduk yi gǝgǝ ɗagat nǝ mǝ chin laa gurum mou ɓǝh wupin nyi gǝ naa lǝ Naan mou. 4 Nikoɗemus lap yen Ɗe gurum gyaa gwe bǝh she mǝn nla nyi a ɗagat a na? Wupin nyi gǝ chin rǝh ndǝgǝn ɓǝt nǝgǝn muup ɗǝh chin la nyi ya? 5 Yesu lap yen, "A laa naduk yi gǝgǝ ɗagat nǝ mǝ nla gurum shi am gǝ mǝrip mou, ɓǝh gurum na nyi gǝ rǝh dǝ Naan mou. 6 Mǝ gurum wu a dǝng shishik la nyi hǝh a dǝngshishik; mǝ gwu wu a mǝrip laa nyi hǝh a mǝrip. 7 Naa bǝlǝp yi rǝng dat baan nda a yen gǝ mǝ chin nlaa gǝ a mat. 8 Piip bii bwap mwaan gǝpe wu ɗemkop, bii gǝ kǝlǝng vaap muup dat, ɗeh gu man pe mu tong nǝgǝn gǝ pe wu gǝ mwaan mou. Gurum wu a mǝrip laa nyi hǝh hǝh nyi a kam. 9 Nikodemu laa gǝ nyi yen, Dǝh jepe na nyi gǝ kot kam a ɗagat a na? 10 Yesu lap yen, gǝ waghap a wushep gǝyil Israila mǝm gǝ ɗar shi jepe nanyi mou. A 11 laaa naduk gi gǝgǝ, bii mǝ laa a bii wu mǝ man hǝh, bii mǝ tuamshik a kǝ bii wu mǝ naa hǝh. 12 A laa kǝ jepe gǝyil mǝn gǝ mwat naduk mou, ɗeh a laa bǝlǝp pǝgǝtong ɓǝh yi gǝ mwat naduk a shime? 13 Mǝgwu jef kaa ya pǝgǝtǝng mou a la gurum wu dok tong pǝgǝtǝng sam dat. 14 Kabi wudok Musa ep wuo lang gǝtǝng in gǝgǝr heh, paa gǝ mǝ ep la gurum a kam. 15 npe ɗǝh mǝ gwu nmwat naduk ɓǝh kat nooklang gǝgwo yi. 16 Nsa Naan ɗem gǝyil wagap nogot mǝn lep gǝ la muop wutal npe ɗǝh mǝgwu nmwat naduk nnyi ɓǝh wupin nyi gǝ lat baan mou; wupin nyi gǝ kat nooklang gǝgwo. 17 Naan dok lep gǝ la muup a dǝ ɗeh dam gǝyil mou; a dǝ ɗǝh gǝyil kat pǝpǝt yi waa nnyi. 18 Mǝgwu wu mwat naduk nayi ɓǝh gǝ lat baan mou; mǝgwu wu nyang mwat naduk a nyi gǝ lat baan nsa nyang mwat naduk nɗǝgǝn sǝm LaNaan wutal. 19 Sheep nanyi a kam; wus wusaampe wul gǝyil mǝn gurum gǝyil mǝn gurum, mǝ ɗem kwoo ma pe wusaan nsa ɓǝlang gǝ muop a wubis. 20 Gurum wu gǝ chan wubis gǝ mǝ ɗem pee wusaan mou, nsa yi gurum mǝ nman gǝpek muup. Awaa nyi gǝ ɗem wul gǝ pee wusaan yi mou. 21 Mǝgwu wu gǝ chan ɓǝlǝp naduk bii pǝt gǝtal dar npǝ ɗǝh gurum mǝ naa yi nkwot ɓǝlang gǝfǝ a nung Naan. 22 Ndangkong nanyi mǝn Yesu gǝ jep gǝdǝ muup mǝ gǝyil Yahudiya, mwan mǝ chin ɓit pogot nnǝgǝn muop fu kǝnpe. 23 Yahaya zak dok nyi fu kǝnpe ngan Ainon dukduk gǝ Salim nsa dok am gwet nnǝgǝn. Gurum mǝ wul dǝ muup ɗe war nyi kǝn muup yi, 24 nsa dok mǝ kul Yahaya duk nlǝ muo. 25 Lat mǝ bagalshik ta gǝnaar jepgǝdǝ Yahaya muop me mǝgwu Yahudawa gǝkaa zughumpe. 26 Mǝ mwan dǝ Yahaya mwan mǝ yen,"Rabbi dagwo wudok gun gǝpe gǝmǝ ngan kong Urdun, dagwo wudok gǝ tuamshik kaa muup hǝh nyi fu kǝnpe mǝn gurum dip fu mwandǝ muup". Yahaya lap yen "Mǝgwo gǝ kat mǝbi nǝ a Naan nmwot nyi mou. 27 Yahaya lap yen gu gǝ kaasuk gu tuamshik gǝka bii wu a laa hǝh. 28 An a kristi mou; mǝ lǝlep an dat ntagam muup. 29 Namuar a nung wupin nyi. Shaar mis namuar ɗǝ nkǝlǝng ɗǝgǝl muup ɓǝ took muup pia. A waa nyi tookpia gǝnǝ warǝh nogot. 30 Nyi gǝ wa wuyoon; an gǝ alǝk. 31 Mǝgwu wu tong gǝtǝng sa yi hǝh a ma gurum dip. Mǝgwu wu tong gǝyil wul yi a gurum gǝyil, mǝn bii gǝ laa a bǝlǝp a kaa jepe gǝyil. Mǝ gwu wu tong fugǝtǝng sam yi a ma gurum dip. 32 Nyi gǝ tuamshik a gǝkaa bii wu nyi naa mǝn kǝlǝng hǝh, mǝn mǝgwu lap tuamshik gǝfe ɗem meh. 33 Mǝgwu wu lap tuamshik gǝfe ɓǝ ɗem nkwot Naan a naduk. 34 Gurum wu Naan lep nyi hǝh bii laa a ɓǝlǝp Naan, nsa bii mwat mǝrip gǝ pǝlang mou. 35 NdaNaan ɗem la nyi mǝn nyetjepe nau gǝsar muup. 36 Mǝgwu wu mwat naduk nLa nanyi ɓǝh gǝ kat nooklang-gǝgwo; mǝgwu wu chin ɓakpe gǝ LaNaan mǝ gǝ kat nooklang mou nsa tuub Naan gǝ lee gǝ nyi.