Jing 2

1 Dangkong ɓit kun mǝn ɓugat-ɗyik ta nkana gǝyil Galili, nǝgǝn Yesu dok nyi nǝgǝn. 2 Dok mǝ ɗuan ɓugat-ɗyik nanyi gǝ Yesu gǝ gurum-gǝdǝ muup. 3 Am-latǝng dol lat mǝn nǝgǝn Yesu laa gǝnyi yǝn "Muop gǝ am-latǝng mou" 4 Yesu la gǝnyi yǝn Namat, yi ji dǝ nǝ a kǝ mǝ? shii ɓǝlang gǝnǝ waarǝ duk mou. 5 Nǝgǝn muup la gǝ mǝ shep sǝ muop yen "Gu chincbii nyi la gǝgun" 6 Dok tugul am wu mǝ chin shi pang ɗak-ɗok pee mǝ. Guru Yahuda jet gǝmee bii lap tuu juǝl ko kun. 7 Yesu la gǝ muop yen "Gu garang tugul muop nanyi shi am" mǝn mǝ garang bal-bal. 8 Chin la gǝ muop yǝn gu ɗǝk pak am na nyi gu mwot nlong bi-sǝ. Mǝn mǝ chin kam. 9 Long bi-sǝ cham am nanyi mǝnkat waa am-latǝng gwe, man pe wu tong nǝgǝn mou (a muop wu ɗyin mǝ wur am nanyi dat mǝ man). Lat mǝn yong dagwu wulapmat. 10 Mǝn laa gǝnyi yen "gurum bii mǝ mwat a am-latǝng wuret ɗǝng, ɗǝh a lat ɓǝh she mǝ mwat wu ɗakrǝm. Nǝmak gǝ sok wuret shee gǝ meat gǝɗet hǝh." 11 Yesu chin ɓǝlǝp ɗyeer. Gǝnyi wu pel a nkana gǝyil Galili,mǝn nying yoon gǝnyi, mǝn jep-gǝɗǝ muop mǝ hen naduk. 12 Ndangkong nanyi mǝn sam ya nKaparnawum nau gǝ nǝgǝn muup, gǝ mǝjenǝgǝn muup gǝ jepgǝdǝ muup; mǝn mǝ tugat chin pak ɓit nǝgǝn. 13 Shii ɗyedǝ gapɗel-gǝkaa nung Yahudawa muup dok em nwul ashik mǝn Yesu ka ya nUrishalima. 14 Kat mǝ chan lǝtak sarap gǝ tǝm, gǝ ɓǝlkur gǝ mǝ pyan bat shaghal ndǝgǝn lǝ wapnaan. 15 Mǝn Yesu magar nuk wu gǝ nǝng gǝ tǝm gǝnanyi. Fuu shaghal mǝ pyan bi-bat, mǝn bar-bar gǝ tebul gǝmuop. 16 Laa gǝ mǝpian lǝtuk ɓǝlkur yen "Gu kok bi-nakam gu vak gǝ nyi, na yi gu bat lǝ wap nda nǝ nwa lǝtuk mou. 17 " Lat mǝn jepgǝdǝ muup mǝ ɗye nkot dok mǝ yil gwe ɗen, bǝlǝp lǝgǝ lang gǝ an doghol. 18 Gunim Yahuza muup mǝ yen. De gǝǝ nyi a me gǝ bii wu gǝ chan nhǝh yi? 19 Yesu lap yen gu ship lǝwapnaan wudung gu vak gǝ nyi, an gǝ a dyik nɗǝgǝn ɓit kun. 20 Gunim Yahuza mǝ yen "Lǝ ndung mang ɓit yakurum-gǝ-fu peemǝ she dyik lat, ɓǝ gǝ yen gǝ dyik ndǝgǝn ɓit kun a? 21 Yesu zak dok sat a shishik nyi a lǝ nanyi. 22 Bit wu yaghal nɗǝgǝn tugun hǝh mǝn jepgǝdǝ muup mǝ ɗyee gǝtap dok la shi wagap. Mǝn mǝ Shen naduk nbi wudok mǝ yil ɗǝn gǝ bii wu dok Yesu laa hǝh. 23 Shide wu nyi nUrishalima gǝ shi ɗyedǝ gapɗel-gǝkaa mǝn gunin gwet mǝ shen naduk nsoem muup nsa dok mǝ naa bi-ɗyeer wu nyi chin hǝh. 24 Yesu zak dok kaa muup gwaghas nsa man bǝzung muop. 25 A mǝgwu she nla gǝ nyi mou; nyi gǝ kaa shik man ɗǝgǝn ɓǝt gurum.