1 Sa bit wupel goe bit, shi nana boe pe kudi a wu kwo, Mary Magdalene dok wul goe pe goe cher ji kat moe mang pang moe yegoel goe ni. 2 Moen yak goe see muan dǝ Simon Peter goe pak jep lep Naan woe dung dok Yesu krist dem mop, moen la goe mop, " moe mang Yesu krist pwat goe ni doegen tugun, mu man pǝ wukat moe den ni moe". 3 Peter muop goe shang jep lep Naan mu puat, mu muan goe pǝ goe sher. 4 Moup dip mu guo muan, nde jeplep Naan mu suo berber diling Peter muan pe goe sher. 5 Moe dugha'am na tugun, moen na tuwon wu pia noegen, moen roe moe. 6 Simon Peter wul naa dankong moen roe noegen tugun goesher. moen na tuwon wu pia terdok noegen. 7 Goe nit tuwon wu dok nin kamu. Dok terok goe tuwon wupia moe dok mu shigit ni den pe goe mǝ. 8 Moen goe shang jep Naan, wu dok ani yawar roe goe pe goesher, ni shi been roe, moen naa moen chen naduk. 9 Dok mu man jwot kristi goe yagal doegen mu'ut moe. 10 Moen jep lep Naan moup mu yok naa loe zagayit. 11 Mary dok dar dok goe bang goe walye. Ni pǝ wal, moe sam doegen tugun goesher. 12 Mary sam na chelem jep Naan moep voel( malaika), nde ni ndap ka nde ni'ndap shii pe wu moe den Yesu kristi noegen. 13 Moe la goe ni, "na mat, ya poe wal me? moen la goe moep, "sa moe mang miskagam, moen a man pe wukat moe den ni moe" 14 Wul la kan he, moen bat yia fe moen na Yesu kristi dar dok, man kwot a Yesu kristi moe. 15 Yesu kristi nang pee fe, " a nang yepoe wal ye? Ye poe tang wudaé? Ni dyé kat a gurum wu kang pe wu mu wuum Yesu kristi noegen, moen la goe ni, din gu mang ni gu yigil goe ni boe gu la pe dung gu dǝn ni noegen, boe a mang ni a yagal goe ni". 16 Yesu kristi la goe ni, "Mary?" bat la goe ni deegen lǝ pu nung Syria (Aramaic)," Rabboni (a gurum wu sheepe). 17 Yesu kristi la goe ni " yi boem an moe, sa a muan de nda dok moe, moen yi muan de jep amnoegen ne yi la goe moup an dé muan dé nda noe goe nda gu, goe Naan a noe goe Naan a gu. 18 Mary Magdalene wa ji la jeplep Naan moup. "a na miskagam," Moen la bi wudung Yesu kristi la goe ni. 19 Kang soegen pa bit na ni, bit wu pel doegoen bit wu pogoevel fu loe wukat jep lep Naan moup noegen fu loe a bit dip sa lugut Jews moupvmoen la goe moup, "Tong chagap de gu". 20 Goenok wu laa kam en, moen ni a sar moup tok moup pia eukat moe na ni miskagam. 21 Yesu kristi shin ben la goe muop "Tong chagap gun. Goe bi nda lep an goe a lepgun a kam hǝ. Wu dun ni 22 Yesu kristi la kam, pes nok a fe moup moen la goe moup, "gu lap chelem Naan wu goe sar. 23 Bii wu levleng wu gurum chin moen gu yagu na peng hǝ, boe moe ya na zak loe Naan; bi wu leeleng dung mu ya na moe, bǝ moe ya naa loe Naan moe". 24 La lep Naan wucdung soem fe a jan (Thomas) goe mǝ ndǝgǝn jep le Naan wa sarkavoel, dok nin noegen moe pa woe Yesu kristi wul. 25 Goe shang jep lee Naan moup mu la goe ni, "mu na miskagam" moen la goe moup, "Bagal doe a naa vaap chagal a sar fe, moen a biyang sar noe ndǝgǝn fung sar, moen a biyang sar noe tugur fe, nyang hǝ a pǝn naduk moe". 26 Goe nok bit pokgoekun jeplep Naan moup ndǝgǝn loe, nilala Jan dung soem moup. Ni Yesu kristi wul chi nani bǝn pee loe abat sip, wul dar goe nar moup, moen la yen "Tugat chagap de gu". 27 Moen la goe ni Toma "wak goeji goe lala sar moen goe rugun doegoen fung sar noe. wak goe jilala sar goe wu nyang naduk moe, gurum wu dem naduk. 28 Toma lap moen la de moup "miskagam noe goe Naan a noe" 29 Yesu kristi la goe ni, "An sa goe na an, moen goe pǝn naduk. Naan lang moen moe pǝn naduk. 30 Yesu kristi chin jep bii de yit jep lep Naan moup. Jep bi wudung kat mu yil ndǝgǝn bi ran moe. 31 Wudung hǝ mu yil ni de gu pǝn naduk nkwot a Yesu a ni a kristi, la Naan, wudung goe pǝn naduk, bǝn gu kat tugat ndǝgǝn soem fe.