1 Goe nok jee bii wudung Yesu kristi ni in, chin bǝn ni in kashik muup dǝ jep lep a moup pǝn kong Tibariya. Guna bii wu achin ni ka fe wuvoel. 2 Simon Peter goe Toma, goe Nathaniel wu tong cana goegoen Galilee, goe jep Zebedee, goe jep Yesu kristi moup voel. 3 Simon Peter la goe moup " A muan a kwar shirrep" Moe la goe ni, "mun zak muan goede goe" Mu muan roe dǝgǝn shi am, moen moe ya memobi moe doegen loesar nani. 4 Wu bit bang gwe, Yesu kristi dar pǝn kong, moen jep lepNaan moup moe man kwot Yesu kristi moe. 5 Moen Yesu la goe moup, "Jep sual, gun goe bii wudung gu goe ă? mu lap poe fe mu yen "hayo". 6 La goe moup, "Tak teng shirrep a gu ngar da goe shi am boe gu kat pak shirrep". mu tak teng shirrep moen mu buoot del teng shirrep moe sa sjirrep gam teng. 7 La lep Naan wudung Yesu kristi deme laa de Peter, "a miskagam" wu Simon Peter koeleng kwot a miskagam, moen rugun beard a fe (sa dok ni ingum) moen poet fa goenar am kong. 8 Nde jep lep Naan moup mou cio noegoen shi am (sa dok mu soeng pe goe poe kong moe)moup poe del shirrep rigam doegen teng. 9 Mu pwar ka goe doegoer, mu kat wusdi moen loeng shirrep a ka, goe nawe. 10 Yesu kristi la goe moup "ga goe pak shirrep dung gu yak". 11 Simon Peter ka goe del shirrep ni gam doegen teng goe doegar, shirrep n'gam, shirrep wudung gam hǝ teng shirrep tǝ moe. 12 Yesu kristi la goe moup "yok goe ja gu goe sẽ. Me la lep Naan mang kwoet nia miskagam. 13 Yesu kristi ji, mang nawe poen de moup goe shirrep dip goede. 14 A wu kun wudung Yesu kristi nin ka shir fe de jep lep Naan goe nok yagal ndǝgǝn muut. 15 Goe nok mu goe se, Yesu kristi la goe Simon Peter lala John goe dem an wuma nha?Peter la goe ni, "E'en miskagam goe man nkwot a dem goe". Yesu kristi la goe ni "Goe poen se ntoem a'noe moup.. 16 Shin bǝn la goe wu voel "Simon lala John goe dem an'a? Peter la goe ni"E'en miskagam goe man nkwot a dem goe" Yesu kristi la goe ni, "goe kang toem a noe moup. 17 Shin bǝn la wu kun"Simon lala John, goe dem an'a? Peter tu'up fe lǝ sa Yesu kristi nang doegoel fe wu kun "goe dem an'a?' Simon Peter la goe ni, miskagam goe man jep pe dip, goe man kwot a dem goe" Yesu kristi la goe ni "goe poen sẽ n'toem ã noe moup. 18 Naduk, naduk a la goe gun, shi wu gun jepsual, dok bii gu kang suk moe gu muan pe wukat tok gun dem hǝ, dung gu gya hǝ, boe gu poen sar gun moe doel, moego mang goe muan me moe pẽ goe ni dung kat goe dem goe muan noegoen moe. 19 Yesu kristi la kamde Peter man muut dung goe mu'ut de'hem poen ma'n Naan. Goe nok wu la hǝ, shin bǝn la goe Peter,Lang goe de noe". 20 Peter bat moen na la lep Naan wudung Yesu kristi dem hǝ lang goede moup. wudung bǝn goe not fe toep shi Yesu kristi goe pe se wudung la yẽn "miskagam, a wudung goe seet goe ge hep". 21 Peter na ni moen la goe Yesu kristi "miskagam de dagwa hen goe china me? 22 Yesu kristi la goe ni,"din a tang kop nin ntong she a wul, de a me de go̵ ẽ̄? 23 Loepu nani roen kom jep emnoegoen moup, ni la lep Naan na ni goe muut moe. Die kam Yesu kristi la goe Peter moe ka nde la lep Naan goe muut moe '..... 24 A la lep Naan wudung kat ni 'n ser, goe kat yil jep bii moup hǝ. 25 Jep bii wu Yesu kristi yil NgampNgam, de yil jep bii nani goene boe goeyil Naan goe bwol foe mang dip mou.