3 1 at mǝn Bilatus muan gǝ Yesu mǝn nas nyi. 2 Sojya muop mǝ myap mee vugum long gǝ nǝlǝk. Mǝ ɓyang nkaa muup bǝn mǝ biang byaat long nni. 3 Mǝ ɗyam ntagam muup mǝ yong, "mǝ kaat gǝ, long Yahudawa" mǝ bǝn nas nyi. 4 Bilatus bǝn pǝt gǝɓang mǝ laa gǝ muop yong " Gu naa a pǝt pǝt gǝni ngun npe gu man akat mǝbi wubaan de muup mou". 5 Mǝn Yesupǝt gǝ vugum-long wu a nǝlǝk hǝh gǝ ɓyaat-long. Bilatus la gǝ muop "gu naa,dagwonani hǝ! 6 Ndaawang mǝnan gǝ daskagam mǝ na Yesu, mǝn mǝ swap wuwagar mǝ yong lang ni ka shep! lang ni kaa shep! Bilatus la yong " gu mang ni kaagu gu lang ni kaa shepɓeel, pa naa a kat chin mǝbi wubis mou". 7 Yahudawa muop mǝyen mǝn gǝ bi-tǝt dong ɗyin nmuut a waa nsa bi-tǝt nanyi nsa yong jin a laa Naan. 8 Bilatus kǝlǝng kam lugut yanyi gǝret. 9 Mǝn bǝn rǝ ndǝgǝn lǝ long, mǝn nang ɗu Yesu ong "Gǝ tong a ne?mǝn Yesu lap mou. 10 Bilatus laa gǝni yong "gǝ lap ɓǝlǝp fu nǝ mou mǝ? Gǝ man ɗǝh a dǝm bǝh a tak gǝ, a ɗǝm ɓǝ a lang gǝ gǝshepbeel mou a?" 11 Yesu lap yong " gǝ gǝ nkamshik kaa nǝ ɗagat nǝ mǝ npǝn gǝ a pǝgǝtǝng mou. A waa nyi, dagwu wu pǝn an ngǝ hǝh, chin wubis ma gǝ muop gǝ wubis wuyong". 12 Shi wu lap kam, Bilatus gwat pe tak ni, bǝ Yahudawa mǝ mang wuwagar mǝ yong, "gǝ tak mou, gwo mangkashik a long bǝ laa a wubaan dǝ caeser. 13 Shiwu Bilatus kǝlǝng kam, mǝn pǝt gǝ Yesu gǝbang mǝn tong kaa pee shep wu mǝ yong shi "lar"ndǝgǝn liis Yahudaw zak a "Gabbatha". 14 Bii nhǝ muandok a shi wu Yahudawa muop pǝ niyat pee npǝ sǝ "gapdel" a muop, shii fuus nin ǝnar. Bilatus la gǝ muop yong " Gu naa lap long agu". 15 Mǝ mang wuwagar mǝ yong, "baa gǝni, baa gǝni, lang ni kaa shepi" Bilatus bǝn nang pǝ muop yong "a lang long agu kaa shep a? mǝn longshen lap yong " mǝn gǝ me mǝ long wu a kaiser mou". 16 Mǝn Bilatus pǝn Yesu nsaar muop mǝ lang ni kaa shep. 17 Mǝ mang Yesu, ni gǝ shep lang gǝni, mǝn mǝ faat gǝbang, mǝ muan gǝpee wu mǝ yong shi pee eagǝs kaa gurum" ndǝgǝl liis Yahudawa muop mǝ shi "Golgotha". 18 Mǝ lang Yesu kaa shep nnǝgǝn, bǝn mǝ lǝng gurum muop vuel kaa shep zak pǝkep muup mǝ Yesu ni gǝnaar. 19 Bilatus yil mǝbii mǝn lang kaa shep lang pee. Bii yil nani yong "YESU LA NAZARETH, LONG YAHUDAWA". 20 Yahudawa muop nbǝl mǝ naa bii yil nani nwa nsa pee wu mǝ lang Yesu kaa shep nani, ni duk gǝ pǝtuaghat gurum muop. Bii yil nani an liis Yahudawa gǝ Romawa gǝ Helleniyawa. 21 Mǝn long shen gǝ Yahudawa muop mǝ laa gǝ Bilatus mǝ yong " gǝ yil long Yahudawa mou, yil "ni nhǝ yong" An a long Yahudaa. 22 Bilatus laap yong "bii wu ayil, a yil lat". 23 Shi wu mǝlek mǝ lang Yesu kaa shep lang pee hǝ, mǝn mǝ mang biyad amuup, mǝn mǝ shap kang feer, npe muop a feer, bǝn mǝ mang nde biyad gǝmuup wu a rǝra, gǝdǝ wu a rǝra hǝ, yagal nkaa sam rǝ nshii. 24 Bǝ mǝ laa gǝshak, mǝ yong "mǝ see ni moo, mǝ tok fǝ mǝ naa gwo wu gǝkat kumsal yi. Bii wa kam. de pe wu egbǝlǝp Naan wudok laa waji pǝt nyit yi, wudok yong "mǝ shap biyad gǝnǝ gǝkang muop, mǝ tokfǝ gǝlee gǝnǝ". A bin wu mǝlek mǝ chin. 25 Shing wu mǝ diam ɗok shibǝt shep lang pee Yesu a nǝgǝn muup, emnǝgǝn nǝgǝn muup, Maria mat Kilobas gǝ Mary reep Magdaliya. 26 Mǝ Yesu naa nǝgǝn ni gǝ wushaar bǝlang gǝmuup mu diamdok duk, mǝn laa gǝ nǝgǝn ni,"Naa ning a laa " 27 Bǝn laa gǝ shaar bǝlang nani, "Naa nmǝ a nǝgǝn gǝ," yagal pade shaar muup mang nǝgǝn muup den lǝni. 28 Ndangkong kam ni man wubii nau warǝ hǝ, bǝn pede wueg bǝlǝp Naan wa gaam yi, mǝn Yesu laa yong "Aam fǝ tǝ an. 29 Mee la tuu ngam gǝ muos wu dwang ndǝgǝn, kǝ kaam, bǝ, mǝ mang lang shi fǝ muup. 30 shi wu Yesu cham muos wu dwang nani mǝn yong, "lat gwe". Mǝn sam gǝ kaa ni mǝn muut. 31 Yahudawa muop wa nsa a bit niap pee npe kang bit wap Naan gǝ muup, bǝn yong ba kum muop nani gǝ mǝ kat kaa shep lang pee shi bit nanimou, mǝn mǝ duak Bilatus bin mung tǝrap kwak muop bǝ mǝ kok muop baa gǝni. 32 Mǝn mulek mǝ jaa mǝ tǝrap kwak dagwo wupel gǝ wu vuel wu mǝlǝng muop gǝ Yesu. 33 Shiwu mǝ jaa de Yesu mǝ kat muut gwe, mǝn mǝ tǝrap kwak muup mou. 34 Ni wu naa bing lashi kaa shikni, mǝn lǝfǝ amuup a naduk. 35 Ni man wu bii wuji laa a naduk, pede mǝn zak mǝ pǝn naduk. 36 Bii muop mǝ taa a pe gaam eeg bǝlǝp Naan, " mee eages shik muup gǝ mǝ tep mou". 37 Nde bǝlǝp Naan yong "gǝ mǝ lǝng yit du deni wu mǝ biang hǝ". 38 Ndankong bii muop nau, Yusufu gurum Anmatiya wu ni a shaar bǝang Yesu nsok nsar Yahudawa muop hǝ, nang fǝ Bilatus din ji mang kuum Yesu. Mǝn Bilatus ɗem mǝn Yusufu ji mang kuum nani. 39 Nicodemus ji zak, ni wudok shee ji de Yesu a lǝpar hǝ. Wul gǝ tagaswushi shan muop vuel wu warǝ pian jang shim ya gurum gǝsar kaa paad. 40 Mǝ mang kuum Yesu mǝ den ndǝgǝn biyan gǝlee shang ka wu a war lǝ muop nung wuum gurum. 41 Bǝn gǝpe wu mǝ lang Yesu ka shep hǝ, mee mar wulee kot, bǝn ndǝgǝn mar nani gǝcheer wufwo kot wu mǝ cham den mugwo mou. 42 Mǝn a bit niap pee nung Yahudawa muop, mǝn gǝ cheer nani duk, mǝn mǝ wuum Yesu ndǝgǝn.