1 Ndangkong Yesu laa bǝlǝp nanyi lat mǝn yagal gǝ jepgǝdǝ muop waa ya ngan kong Kidron mǝn mǝ ruwu nmǝ la mar wu lee, wu mǝ waad ni hǝ. 2 Yahuza zak, wu ani hǝ daam Yesu hǝ, man pe nani zak kǝder wu jet Yesu pǝ muan kǝ muop guwe npe nani. 3 Yahuza bǝn rǝ ntagam mǝ liak muop kǝ pak daskagam muop wu jet muop kǝde longshen hǝ Farisiyawa, mǝ muwan de Yesu muop hǝ lee liak: wuus muop kǝ chuk muop. 4 Yesu zak wu man jepe dau wu npe kat jin hǝ, yagal mun ɗar ntagam muop mǝn nang " gun pǝ tang a wuɗa?" 5 Mǝn mǝ lap mǝ yong " Yesu la Nazare" Yesu lap yong " An hǝ" Yahuza wu daam ni dardok der muop. 6 Wu Yesu lap yong "a jin" mǝ wak kǝ kǝnook veet mǝn mǝ fǝlap nyil? 7 Mun Yesu bǝn nang pǝ muop "gun pǝ tang a wuɗa" mǝ yong Yesu la Nazare. 8 Yesu bǝn lap yong, "An a la gǝ gu, An kat gun pǝ tang a an bǝ gu nook muop mǝ wak lǝdu. 9 Laa akam pede bii wudok ni la guwe yong "kǝnaar muop wudok gǝ pǝn an hǝ, mee muop lan mou. 10 Bitrus zak, wu kot kǝ chuk gǝwǝ, mǝn zaar ni mǝn gap kom wu dasǝ nung la lep longshen. Sǝm la lep nani a malkus "Mǝn 11 Yesu la hǝ Bitrus yong" Baa kǝ chuk gǝgǝ. Jong ɗin sua wala wu Ndanǝ pǝn an a sua ma. 12 Mǝn mǝ myap muop hǝ daskagam, kǝ jeplep Yahudawa muop mǝ yaa Yesu mǝ ɗian ni mǝ muan 13 kǝni der Hanana jeel kǝde wuni a sǝgǝr kayafa hǝ wu ani a longshen nyi 14 nani kayafa zak ani kaar Yahudawa muop yong dong din mǝgwo kǝme nmuut npe gurum muop dau. 15 Bitrus yagal lang kǝde Yesu, kǝ ndǝ shaar bǝlang Yesu, ni nani a shaar longshen, mǝn rǝ lǝ longshen nani kǝdǝr Yesu. 16 Bitrus zak, dar kǝlang shi pǝlǝ mǝn ni shaar longsher nani pǝd mǝn la lǝfǝ kǝ wudung pǝlǝ, mǝn mǝ rǝwu kǝ Bitrus. 17 Mee wukang pǝlǝ wumat nang pǝ Bitrus, "yaa gu a me mǝ shaar dago wu mǝ yaa nhǝ ma? Mǝn Bitrus yong "Aa an kǝnar muop mou. 18 Jeplep lǝg̀ǝd Yahudawa muop mǝ bǝl wuus kuguur kǝde kuut wukat, mǝn mǝ dian pǝ dan wuus nani. Mǝn Bitrus zak daar pak der muop pǝ daan wuus. 19 Mǝn longshen nang bǝlǝp nangde Yesu kǝ shaar muan kǝmuup kǝ shepee kǝmuup. 20 Yesu lap yong, a la lǝfǝ nsok mou, a shee bii shee kǝnǝ pe wu Yahudawa muop pǝ waap Naan hǝ. A la mǝbii nsok mou. 21 Wa an pǝ megu nang bǝlǝp naan de nǝyi? Gu naan pǝ muop wu mǝ kǝlǝng bii wu a laa. 22 Shi wu Yesu laakam, mee miskagam wu dardok nnǝgǝn chit Yesu, mǝn laa yong, gǝ lap lǝgǝ dǝ longshen a kam a? 23 Yesu lap yong, kat a laa mǝbii nyit mou bǝ gǝ laape wu nyit nani mou, kat a laa nyit, bǝ ana gǝ chit an yi? 24 Mǝn Hanana lep kǝ Yesu de kayafa ndin. 25 Bitrus dardok pǝ ɗan wuus, mǝn gurum muop nani mu laa kǝni mǝ yong "kan gǝ a mee wu shaar muup moo mǝ?" Mǝn Bitrus chii yong "A an mou". 26 Nde lalep longshen, wu a wumi nde lalep wu Bitrus din gap koom muup la long" kan ɗin a naa gǝ kǝde muup ndǝgǝn maar mou mǝ? 27 Bǝn Bitrus chii, kam dat mǝn delkor tokshik. 28 Mǝ yigil kǝ Yesu de kayafa mǝn mǝ muan kǝni de long, kǝbǝt nmok, mǝn mǝ ruwo ndǝgǝn mou yong ba mǝn rab kaa sub, mǝn ba mǝ sǝsǝ gab del mou. 29 Kam mǝn Bilatus pǝtji kat muop mǝn yong "gu ja a kǝ shep me ka daguwar hǝ yi. 30 Mǝ lap mǝ yong "kat din ni a wu chan wubis mou, din mǝ jaa kǝni de gǝ mou. 31 Bilatus la kǝ muop yong "mang ni kǝ kasuk mǝn gu shep ni kǝ shep agu". Yahudawa mǝ lap, mǝ yong, "abii waar nmǝn mǝ tǝ mǝgwo". 32 Mǝ la kam pede bǝlǝp wu Yesu dok la hǝ ka waar wuji muut hǝ. 33 Bilatus rǝ ndǝgǝn tǝnglǝ mǝn bǝn yong Yesu, mǝn nang pǝ muup yong "kan a gǝ a long Yahudawa muop mǝ? 34 Yesu lap yong "gǝ nang a nung kasak a mǝ gurum muop mǝ la kam 35 Bilatus, lap yong "kan an a mee la Yahudawa mǝ? A mǝ gurum gǝ kǝ longshen kǝgǝ mu pǝn gǝ n-an. Gǝchin a me? 36 Yesu lap yong " yil long hǝnǝ a nung gǝyil mou, din kot a nung gǝyil din jeplep kǝnǝ mu kwal gun gwe yong ba mǝn pǝn an nsar Yahudawa yil long kǝnǝ ning pen mou. 37 Bilatus bǝn la kǝni yong " kan gǝ a mǝ long mǝ? Yesu lap yong "gǝ yong an a long. Mǝ la an a pǝ ni an pe ni wu a wul gǝyil npe la naduk muop wu mǝ kat a nung naduk, mǝ kǝlǝng dǝgǝl nǝ. 38 Bilatus la kǝni yong " Ame a naduk yi?" kǝnok wu la kam mǝn pǝt kǝbang de Yahudawa muop mǝn la hǝ muop yong "An kǝ mee shep kaa daguwar mou. 39 Gun kǝ waar lǝgu wu yong a tak mugwo shi gap deel kǝgu gu demkot a tak long Yahudawa ngun a? 40 Mǝn mu mang wuwagaar mu yong "daguwaar mou a Barnabas. Barnabas nani a wu dampe.