1 Ndung kong Yesu la kam hǝ mǝn ep yit tang dhǝ pee tong dǝ Nda muup mǝn la yen, pee wawul nda, saam la gǝ deepin la gǝ saam gǝ gǝ. 2 Ka gǝbii wu gǝ muut kagǝ ni kǝ shishik dǝpin ni muut chelem na jep Adamu kagǝm nmǝn dip dǝ gurum gǝ muut ni. 3 Ndong hǝ a kagam nung lat mou. wudung mǝ man gǝ hǝ, gǝ Naan wutǝs naduk, ni wudung gǝ lep ni Yesu kriti. 4 A muut saam ngǝ hǝ gǝyil. A yawar a lat bǝlang wudok gǝ muut Naan gǝyil dǝchin hǝ. 5 Gǝnes hǝ, Nda, gǝ epsar Naan gǝmee gǝ. Ka sak gǝ saam pee wudok an gǝni gǝ mee gǝ,gǝ ndong she gǝyil hǝ. 6 A niin sǝm gǝ, gǝyil dǝ gurum muup wudok muatnan dǝ gǝyil. Dokmuup a nǝ mak, Mǝn gǝmuut muup nain mǝn mǝ deen bǝlep a gǝ. 7 Gǝnes hǝ mǝ man jeppee wudung dok gǝyawar gǝ muut nan hǝ tong a dǝgǝ. 8 A yawar a muut jep bǝlep muup Mǝlep muup mǝn mǝ mang wagap naduk a tong adǝgǝn mǝn mǝmuut naduk agǝ gǝlep an. 9 A dang peee dǝmuup an pee dang pee a dǝ gǝyil mou, a dǝ muup wudung gǝ yawar gǝ muut nan hǝ nsa muup a nǝmak. 10 Dip jep pee gǝ muut nan, anǝ mak, nǝmak anǝ man mǝn mǝ saam an nnǝgǝn dogǝn muup. 11 An nǝ gǝyil gǝnes hǝ mau, a gurum muup nhǝ gǝyil an nwawul dǝgǝ nɗa wusaar. Dǝk muup ndǝgǝn sǝm gǝ wudul gǝ muut nan deepin mǝ dee gǝmee gǝ bi mǝn hǝ. 12 Kabii wudok an gǝmee muup hǝ, a ɗǝk muup chagap nɗǝn sǝm gǝ wudok gǝ muut Naan hǝ. A dǝk muup a chagap nǝ, Kamee pya mou bagal bǝ a muup wudung mǝ niang kǝlon deepin bii wu bǝlep Naan la hǝ ka pǝt. 13 Gǝnes hǝ an wawul dǝgǝ, kam hǝ an pǝ la chak jepee nhǝ a gǝyil dǝpin mǝkat tookpya a nǝ ka kǝt ndǝgǝn muup gǝ. 14 A muut bǝlep a gǝ nmuup mou gǝyil niang muup nsa muup a nung gǝyil mou hǝ. 15 A lǝ laa dǝgǝ nkwot gǝ vag gǝ muup gǝyil mou, adǝ ɗee gǝchin kǝgǝn muup dong, dong yong gǝ wubias muup. 16 Muup a nung gǝyil mou, gǝbii wudung a nung gǝyil mou hǝ. 17 Dǝk muup gǝ jong nsa naduk. Bǝlep a gǝ a naduk. 18 Kabii wudung gǝ lap an gǝyil hǝ, a lep muup a kam hǝ gǝyil. 19 A nsa muup a ɗen ka nǝ yi gǝ jong. Deepin wap ma gǝ kǝ shak mǝ ɗǝk kǝ muup gǝ gǝ jong ndǝgǝn naduk. 20 An pǝ dang pee a dǝ nhǝ dat mou naa gǝ muup wudung mǝ muut naduk an ndǝgǝn bǝlǝp a muup hǝ. 21 Ɗepin mǝ deyi dip gǝ mee ka gǝ bii gǝ hǝ, Ndaa ndǝgǝn nǝ, an ma dǝgǝn gǝ .Mang muup ma ndǝgǝn mu deepin gǝyil muut naduk nkot duk a gǝ, gǝ lep an. 22 Saam pee wudok gǝ muut Naan hǝ, a muut ma nmuop, ɗepin mǝ ɗengǝ mee gǝ ka gǝ bii wudung mǝ gǝmee hǝ. 23 An dǝgǝn muup gǝ ndǝgǝn nǝ depin mǝ wag ja gǝ ndǝgǝn kang kǝ shak gǝ dip. Ɗepin gǝyil mǝ mang gǝ nkot duk a gǝ, gǝlep an. Mǝn gǝ ɗem muup ka gǝbii wudung gǝ ɗem muup hǝ. 24 Ndaa dem myap wudong duk gǝ muut muup Naan hǝ, mǝ tuaghat gǝ me gǝ an npe wudung adǝgǝn hǝ, ɗepin mǝ na saan a nǝ yǝ saam pee gǝ muut Naan hǝ nsa gǝ ɗem an ndong she kugur gǝ yil. 25 Nda naduk, gǝ yil man gǝ gǝmou. An a man gǝ; mǝn nhǝ man nkot a gǝ, gǝ lep an. 26 Achin mǝ gǝ sǝm gǝ, mǝn a chin mǝ man gǝ sǝm gǝde pya ɗem pee wudung gǝ chin gǝ ɗem. An hǝ chin nkat ndǝgǝn muup mǝn a chin akot nɗǝgǝn muup.