Jemis 4

1 Ɗee a me bii gǝwul gǝjagar gǝ tugat chagap leng nɗǝgǝn guwo mǝ. Biimee wul agǝdǝ yok jepe a gu gǝmou lek mǝ gurum a gugǝm 2 Gun pǝ yok mǝn gun gǝni mou. gu tu'u mǝn gu ban chaa mǝn gu bǝt pǝlap mou. Guyak guban gujagar mǝn chini gukat mou nsa gu nang mou. 3 Gu nang mǝn gulap mou, nsa nang pee a wuleng gu dame din gu chin bǝlang dǝ jepee wuleng a gu. 4 Wu muar muop gu mang nkwot shar gǝyil aɓǝlǝp niang dǝ Naan nǝ? Gu wudung tangkop shar gǝ geǝ bǝ mang kashik a wukas ɗee Naan. 5 Gunabǝ gukat bǝlǝp Naan la a baan na "chelem wudung biang ɗe lang gǝ mǝn niat hǝ a bǝt niang. 6 Naan muat bii wuret gak bii wu ɓǝlǝp Naan laNaan gǝ dem gu wu mang kashik ɗǝgat hǝ mou, bii muat a wu ka teen. 7 Mǝn muat ka nNaan aniang shetan mǝn yagal shi bǝt gǝ. 8 Wul duk, gǝ Naan bǝ ni wuldukgǝzak. Fas sargu mǝn chan jepee wubias, mǝn gutang bǝzung gu, gungurum wupya endye vǝl. 9 Bǝzung tigin, gǝ chigir gǝ wal dagat suwar agu bat wa a ɗogor, tookpya agu wa bǝzung ɗam. 10 Sam gǝ kagu ntagam Nɗa ǝmang gun ɗegat gǝtǝng. 11 La ɓǝlǝp dǝ nda wu niang gǝ mou, mǝjepnaa gu wudung la bǝlǝp kǝ ndee emnǝgǝn muop hǝ mǝn shep emnǝgǝn, la bǝlǝp kǝ bii mǝdǝn mǝn ship bii ɗeen. Din gǝ shep bii wu mǝ deen bǝ nin nkwot bii muan gǝdǝ bii wu shep ni a ka hǝ mou. mǝ muat nogol nni. 12 Ni gǝ mee a wupin bii la ɗeen mǝn shep a ni a gurum wudung gǝ gong kogǝn chin ɗam gǝ a wudung hee gǝ wudung gǝshep emdǝgǝn gǝ? 13 Lang kǝm gǝni wudung la hǝ.chin yii gǝmǝ nǝgǝn chin lǝtuk gǝ kat kop gǝshii. 14 De a wuɗang man bii wu gǝta a ɗewar hǝ ɗe a mee toak lang a gǝ hǝ? Nsa gǝ dǝ lapee til mǝn bǝnchin riam. 15 Kam hǝ gǝ ɗin Nɗa ɗem, mǝlong gǝ mǝ chan nhǝ gǝ wudung hǝ. 16 Mǝn gǝness gu muandok gu naszung gu gǝ ɓǝlǝp baan gǝ endye wuleng. 17 Dip naszung a bii shetan. Dǝ gu wudung man pǝchin bii wu nang mǝn niang chin ɗee muup a bii wubis.