Jemis 5

1 Yokguja hǝ,gun wulong, gu eer gu muan ɗok dat meet nsa wubis ni dǝ taa kagu. 2 Bilong a gu mǝ wam, Byaat a gu mǝ yok abii wu niyet mǝ aar. 3 Shagal gya gǝ shagal sǝsum agu mǝ laa zanglip, Zanglip a muop yong gǝ nii shi gu. Yong gǝ cha'an shishik gǝbi wus hǝ. Gu chin kǝgǝn bilong agu dǝ miit wutoos. 4 Gu naa eer kwat wu ɓǝlang muop ndung guyaa wudok mǝ diep sǝ gǝnungmar agu, gu naa eer mǝ diep sǝ taa kop miskagam muop. 5 Gu tughat tughat mǝnang gǝyil mǝn gu yak jepee dǝsuk. Gu ap ɓǝzung gu bit tua lua. 6 Gu dǝnfu gu tǝh gurum wuret. Nii nyang sargu mou. 7 Ya ɓǝzung gu mǝ emnaa muop, gu kangwul miskagam. gunaa wumar nifu kang sǝ dung diep hǝ gǝyil. Nifu kang a gaam, dǝlap fuun mokmok gǝmung dangkong. 8 Gunzak gukang. Ya ɓǝzunggu ɓalɓal, saa wulNaan koos 9 Mǝjepna gu gwakshik dǝr suk mou, gu chin kam ɓǝ mǝ sheepgun. Guna wusheep ɗarɗok fulǝ. 10 Gu naa shi tǝgǝrchiin gǝ mogor kung nung jeplepnaan, muop wu ɗok mǝlaa ɓǝlǝp nɗǝgǝn sǝm Naan. 11 Mǝ pǝn yoon nmuop wu mogorkung hǝ nsa muop a wusǝsaap. Gu kǝlǝng mogorkung Ayuba, gu man bii wu Naan ɗǝnkop hǝ,nyi a wu naachigir afe. 12 Dip dip emnaa nayong gǝsǝr gǝtǝng gǝyil gǝme mǝbǝtfu. Dee akam ɓǝ, a zeet azeet, a hai ahai, yong ba gu pǝlǝp ntagham sheep. 13 Mǝ mǝgwo gǝnaar gu nee gǝ wala? Bǝ nǝ waap naan. Din mǝgwo tokpya? Bǝ nii piap pe. 14 Din mǝgwo gǝnaar gu gok, bǝ nii yoon daskagam lǝNan, mǝn la mǝlǝp de Naan kamu. Bǝ mǝ lang wuret kamu mǝn mǝ bat shikmu gǝ muor dǝgǝn sǝm Nda. 15 DangNaan gurum naduk gǝ kagam wugok, bǝ Nda yoon gǝ ep nii. Din chin bi wubis, Naan kan wubis amu. 16 Gǝdes hǝ, seer wubis agu de suk mǝn bogolNaan dip de kasuk depin gu baar. DangNaan nung gurum chin bii wuret bii baal gǝrǝt mǝn bii chin bǝlang. 17 Elijah dok a mǝgwo gǝ mǝn. Nii dangNaan gǝrǝt de yii kun gǝtaar peeme. 18 Mǝn Elijah dangNaan. Faan taan mǝn jepee paat gǝyil. 19 Wu miani muop, din mǝgwo gǝnaar daar gǝ naduk mǝn mǝgwo wa wul gǝni. 20 Nii dagwa gǝ muan karet mǝgwo baat wubis wa daar laa, mǝ pǝn nii pee muup bǝ bǝn gonka jepee wubis gag.