1 A gun dip gu ɗee wushepee, mǝjepnaa muop, nsa gu man gurum wu shepee yong gǝ mǝ shep ni gǝrǝt. 2 Nsa mǝ muan dok nɗǝgǝn jepee wubias mbǝl, ɗin gurum zeet muandok nɗǝgǝn ɓǝlǝp wubis, bǝ gurum nani kaa kǝgǝt, gǝ ɓoot wu ya shishik muup dip. 3 Gǝdes hǝ, bi mǝ dyan gǝfuu bǝsǝng a dǝ mǝ lǝng dǝ mu, hǝ mǝ yaa shihik muop dip. 4 Mǝ man dip shii la bi ni a wuyoon mǝn a piip gǝ la shep bi yani langǝ ni dǝpee wurap tangkop muan. 5 Kabi nhǝ, liis a bii wulee nɗǝgǝn swopshik, bi chan jepee mǝnan. Gǝ man amu zak wus til bǝ tǝ wung wuyoon. 6 Liis a wus lap, nɗǝgǝn shishik gurum dip gǝ lǝ bii wubis dip nɗǝgǝn swopshik. Liis ɗam shishik, war muan a mu muop dip gǝ wus. Ni liis a lǝ wus, gǝ fǝnpee. 7 Dǝ jep tua gǝyil muop, yer muop wu gǝ feer gǝhǝt muop hǝ, gǝ muop wu ɗǝgǝn kong mǝnan dip labi gurum goon muop. 8 Mǝn gurum gǝ boot wu goon liis mou. A bi wubis, gǝ nagǝt jepee dǝm. 9 A gǝ liis bii mǝ saam sǝm Long gǝ Nda, gǝ ni mǝ dam gurum, wudung a Naan chin muop hǝ. 10 A gǝfu wudung mǝ lang wuret akaa, a gǝni mǝdam gurum. Mǝjepna, Dong mǝ chin kam mou. 11 Am fung pang gǝ pǝt gǝ wurok bǝn pǝt gǝ wuduang mou. 12 Tǝng tuas eeh? Mǝjepnaa pǝt gǝ am olives? ɗe am laa tǝng wubaan? ɗe wa tǝng viap gǝ pǝt am lemu, dakyi am kǝgǝn wa wurok yi. 13 A wudang wusǝsoon wu gǝ mankang bii nɗǝgǝn gu? Ni gurum nani din muan wudong aka ɓǝlang afee gǝ kaa zugum nung endye. 14 Din gǝ bǝtyal gǝ ɗem bii shi buzung gǝ, gǝ nas bagal, gǝ laa wuram gǝ naduk ma. 15 Nhǝ a endye wu sam gǝyil gǝ gǝbǝtǝng. Nwani a wubis gǝyil, chellem Naan won, gurum wubias muop. 16 Pee wu ɓǝtyal gǝ ɗem bii gǝyil, bǝ rǝng gǝ bii wubis muop gǝ kwǝt nǝgǝn. 17 Endye wu sam gǝbǝtǝng a wusaan, tughatchagap, kaa leen, wukǝr, na chigir, bagal gǝbii wuret gǝ naduk. 18 Wu chin wuret muop mǝtang muop nɗǝgǝn wu tughatchagap nɗǝgǝn muop wu dem tughatchagap.