Jing 2

1 Mǝ emna muop, nayong gu ya naduk Yesu kristi miskagam wu yoon dǝ kat pǝt shi pak gurum. 2 Dee mǝgwo nrǝ dǝ gu gǝpee kangkaa gǝ bi kom shagal gǝ lee wuret, de ndee megwo nrǝ a wupya gǝ lee wurap. 3 Mǝn gǝ laa dǝgwo ndung biang lee wuret, waji gǝ tong npee wuret gǝ laa dǝ wupya dar npe hǝ ko ni tong ndamshi gǝ. 4 Gun afu sheepsuk moo? gu wak a wusheep gǝ endye wuɓis. 5 Mǝ jepna muop ndung a dem hǝ, lǝngkom gu, kan Naan shang wupya gǝyil a wulong dǝgǝn mwat naduk gǝ yaa kǝbǝtǝng ndung chin den dǝ muop wu mǝɗem ni hǝ mow mǝ. 6 Mǝn bi gu bak wupya muop katni bi a wulong mǝ tǝrang gun mou mǝ ǝ? Nakat a muop bi muan gǝ gun lǝsheep eh. 7 Bi mǝ agas sǝm gu wuret wu bi mǝ yong gun gǝni hǝ mou mǝǝ? 8 Din gu muan gǝdǝ bǝlǝp long kabi nung bi yil hǝ bǝ yong gu dem tǝnglǝ agǝ kabi kaasak hǝ, bǝ gǝ chin gǝrǝt. 9 Din gǝ keen a pak gurum dat bǝ gǝ chin bi wubis niin gǝ kwot ndǝgǝn muop bǝ chin bakpee. 10 Mǝgwo ndem muan gǝdǝ war jepee dip ndung yong gǝ dem go'on til bǝ ni gǝman nkwot ji tep bǝ tǝt nani. 11 Dǝ mǝgwo ndung yen. Nayong gǝ teer gǝmat mǝgwo bǝn yen Nayong gǝ tǝ mǝgwo niang ni gǝ teer gǝmat mǝgwo, niangni tǝ mǝgwo bǝ gǝ a tep bitǝt 12 Gǝla bǝ gǝ chin kabi muop wubi mǝ sheep kǝ tookdem. 13 Nsa sheep bi gǝwul a gǝpee naachigir wu naachigir mou. Naachi a wu magǝkagam sheep. 14 Bi wuret nianee mejepna, mǝgwo yen jin gǝ naduk, ni fu chin bǝlang mou, bǝ yong gǝ kat pǝpǝt a? 15 Dewu emnang ni gǝ lee dǝ biang mou, ni gǝ sǝ dǝ sǝchini mau. 16 Mǝn mee gu la dǝ muop, wadat chagap, sǝ gǝ ǝgǝl, gǝ muat bi ndung mǝ tang dǝ shishik muop mau, bǝ wudong afe ame. 17 A bi gǝmee gǝ muat naduk n kaashik mǝ ni chin bǝlang mou bǝ, a yit muut. 18 Dip din mǝgwo yen, gǝ gǝnaduk nǝmaan a bǝlang, anyong a niin naduk a shii bǝlang anǝ. 19 Gudem Naan gǝmee, gu chin nyit. Gumang damuam muop mǝ muat naduk, mǝ bǝn yigil lughat. 20 Gudem ɗingu man a, wubaan gurum, muat naduk nin bǝlang a kopkyem. 21 Dok Ndamu Ibrahim lep dem a dǝgǝn bi-wuchin, ndung dok muat laa muup Ishaku dǝ biwap kǝ bǝdar peewap. 22 Gu naa mwat naduk muan gǝmee gǝ bǝlang ani mǝn bǝlang afe pǝt-tong a wa naduk afe. 23 ƁǝlǝpNaan kat pǝrǝ ndung laa yen Ibrahim mwat naduk mǝn mǝ den ni a chin bi wuret, mǝ yongni a aarNaan. 24 Bi mǝ naa naduk gurum a shi bǝlang naduk dat mou. 25 A kam hǝ shi dok mǝ dem bǝlang Rahap ndung dok a napagar, wudok lap wumoos muop, mǝn shak muop mǝ bat war nde nyok. 26 Shi niin nkwo gǝ chelem mou bǝ wuyit muut a kam hǝ naduk niin chin bǝlang a wuyit muut.