1 Gǝsǝm ndawang wu mǝ mang ni ndǝgǝn gurum muop hǝ, mǝ pǝs ni a dǝ nni chan jepee nung Naan yi, ɗeewar nni kon was biitokpia gǝ nung mang muut yi. 2 Ni ɓoot bǝ muaan gǝ gurum ndung muop nyit mǝrǝng gǝ muop ndung mǝ duruk muop hǝ, nsaa ni gǝ kaashik muup ni a wukǝkat. 3 Waa nsaa ni, ni zak gǝ kon was dǝ bii-wubis afe, kat gVbii wu gǝ chin dǝ nung gǝvǝr gurum muop hǝ. 4 Mee mǝgwǝ gǝ mang kaashik dat nteget gǝpee wuyoon nhǝ ba zeet niang a Naan nyong nidǝ wukam hǝ, kat gǝbii nung Aaron hǝ mǝu. 5 A kamhǝ zak, Miskagam dok mang kaashik teget npee ndawang mau. A gurum wudok laa yen, "Ndung hǝ a laa nǝ, chini a ɗee a ndaa gǝ" hǝ ani mang ni teget. 6 Kat gǝbii wu bǝn laa nmǝpee hǝ yen, 'Gǝ a ndawang gǝgwǝ kat gǝbii Melkizedek hǝ. 7 Gǝshi wu ni nshishik hǝ, ndawang kok bǝseer gǝ ɗangpee gǝ ɗǝgǝl wuɓal gǝ namua dǝ Naan ndung ani a wu pǝn ni gǝfu muut hǝ, mǝn Naan kǝlǝng ni waa npǝn kaashik wupǝn hǝ. 8 Ni wagap dok laa, dip dat mǝn shee komkǝlǝng gǝpee manchiin. 9 Mǝ ɗen ni a wukǝgǝt mǝn tong a war kagam dǝ muop wu mǝ kǝlǝng bǝlǝp afe hǝ. 10 Naan ɗen ni Ndawang kat Melkizedek hǝ . 11 Mǝn gǝ bǝlǝp gak dat wugǝ m laa kaa Yesu hǝ dat mǝn laafu dǝ kam gǝkang nsaa mankang bǝlǝp a wu ɓes gun mǝu. 12 Gun wu ɗong din gu kwǝt a wu shee pee hǝ, gu kutni gu tang nkop mǝgwǝ nshe gun gǝ jepbǝlǝp wudien nnung lep Naan. Gu tang nkop mwaa-yugur, a sǝ mǝu. 13 Gǝsǝm gurum wu gǝ swaa a mwaayugur dat hǝ, man gǝyit lep Naan mǝu, nsaa ni a laa-wuchom. 14 Sǝ gǝ gǝgǝl a nung gurum wu kwas hǝ. uop ndung waa a kwas amuop, mǝ shee jepee wu pǝn mangǝkang dǝ wu pǝn yit wuret gǝ wubis hǝ.