Jing 4

1 Waa nsaa kamhǝ, kan bǝlǝp ɗvn rwǝ nniak afe kutni ɗarɗok, bǝ nit ɗagat mǝn mǝ kang sun yongba mǝkat mee mu a wukǝkat ndǝgǝn afe. 2 Nsaa dok mǝ laa bǝlǝp wuret afe gǝ mǝn gǝbii muop hǝ zak. Mǝn lep nani dok kyen muop ndung niang mǝ kang kaa muop npǝn naduk gǝ muop wudok mǝ lap gǝ lugut hǝ mǝu. 3 Nsaa mǝn ndung mǝ pǝn naduk hǝ mǝ kat bǝrwǝ nniak nani kat gǝbii wu laa hǝ yen, "Gǝbii wudok a sǝgǝr san nɗǝgǝn dǝfil anǝ a yen 'Mee muop gǝ rǝ nniak anǝ mǝu' hǝ. Dip dat, ɓalang afe dok kaakǝgǝt wagap a ɓǝɓwǝt kugur gǝyil. 4 Nsaa ni laa bǝlǝp nmee mǝpee kaa ɓit wupogovǝl yen, "Mǝn Naan niak gǝ balang afe dip nbit wupogovǝl." 5 Bǝn laa yen, "Muop wagap gǝ mǝ rwǝ nniak anǝ mǝu". 6 Waa nsaa ni ɗee a mpak muop dat mǝ rwǝ nniak nani, ɗee muop ndung dok mǝ laa ɓǝlǝp wuret nmuop shideel hǝ mǝ kat rwǝmǝu nsaa kaaɓal. 7 Naan bǝn mang mee mǝɓit mǝn yong ni a shi "chini", gǝshi wu laa ɓǝlǝp nfu David kawudok laa gwee yen, "Chini, ɗin gu kǝlǝng dǝgǝl muup, ɓǝ nayong gu niin kaaɓal. 8 Nsaa ɗin dǝgǝn mǝ yen Joshua pǝn niak nmuop, ɓǝ ɗin dǝgǝn baa nlaa ɓǝlǝp ndee ɓit mǝu. 9 Kamhǝ ɓǝ mee mǝɓit niak wap Naan wu ɗeendok dǝ gurum Naan muop. 10 Nsaa gurum wu rǝ nniak Naan hǝ ɓǝ ni gǝ kashik muup niak shik kat gǝbii wu Naan niak hǝ. 11 Waansaa kamhǝ, mǝn zak mǝ yugur dǝ rwǝnniak nani, yong ba mee mǝgwǝ ntaa ndǝgǝn bǝlǝp niang shik nǝmuop hǝ. 12 Nsaa bǝlǝp Naan ni a wubǝbar, gǝ kagam ɓalang, bǝn agas ma chuk yit vǝl. Ɓoot bǝ rǝ ba gap viip gǝ chelem, kungugul shsik gǝ veel, bǝn ɓoot bǝ shak yit enɗie gǝbii wu bǝzung mang hǝ. 13 Mee mǝbii kwǝt a wusǝsok fu muup mǝu. Nɗee a nhǝ, bǝ jepee dip muop a wu bǝbeer nyit muup ndung gǝ mǝchan hǝ. 14 Waa nsaa kamhǝ, kanɗin mǝn gǝ Ndawang wuyoon ndung tong a kǝbitong hǝ, ni Yesu Laa Naan, ɓǝ mǝ yaa bǝlǝp naduk amu ɓǝɓal. 15 Nsa mǝn a wu Ndawang wu yong gǝ niang naachigir amu mǝu. Bazak mǝn gǝ gurum ndung cham gǝbii mǝn hǝ, ɗee a bii-wubis dat leng niang nchin. 16 Nit ɗagat mǝ mwan ntagam tagam chindong, ɗeewar mǝ lap naachigir wu mǝn zak mǝ chin chindong gǝshi bii-tang hǝ.