1 Waa nsaa kamhǝ, mǝjep'emnaa wusǝsaar muop, gun nɓǝt yong nung kǝbǝtǝng. Gu lǝ en gu shi Yesu, laa lep Naan gǝ Ndawang ɓǝlǝp seer a mu. 2 Dok ni a wupǝn naduk nNaan kat gǝbii Moses wudok ni a wupǝn naduk nɗǝgǝn jepee nlǝ Naan hǝ. 3 Ma mang Yesu a wu maa Moses langlang, nsaa gurum wu ɗik lǝni a wu naa lǝ nani. 4 Gǝsǝm lǝ dip a sar gurum dik, ɗee gǝvǝr jepee dip a Naan ɗiak. 5 Moses dok chin naduk kat laa nlǝ hǝ, gǝ niin yi gǝsaan pee kǝ jepee wu paa mǝ laa bǝlǝp akaa ntagam hǝ. 6 Ɗee Kristi a wu chin naduk ka laa lǝ Naan hǝ. Mǝn a lǝ afe kan mǝ yaa tugurduan gǝ lǝ'en amu wu gǝ mǝ bwap bǝzung mu a kaa hǝ. 7 Nsaa ni, kat gǝbii wu chelem wusǝsaar laa hǝ, "Chini, ɗin gu kǝlǝng dǝgǝl muup, 8 bǝ nayong niin kaaɓal kat gǝbii bit takɓak gǝ kam wudok ngǝgǝr hǝ. 9 Dok mǝn'ndaagu muop mǝ nian-nanian gǝ sar nǝ dip gǝ bii wu mǝ naa an a chin gǝnaar muop dǝ yii yagurum vǝl hǝ. 10 Waa nni, bǝzung nǝ dok dam gǝ muop, ba a laa ayen, "Kem war jet a sǝm bǝlǝp a muop. Jet mǝ man war a nǝ mǝu." 11 A kat gǝbii wudok a tuar san nɗǝgǝn dǝfil anǝ a yen, "Muop a wu rwǝ nɗǝgǝn niak anǝ mǝu." 12 Gu kang suk, mǝjep'emna, yong ba mee gu nkwǝt gǝ bǝzung wubis niang lap bǝlǝp Naan, bǝzung wu bat gǝnook pǝn nNaan hǝ. 13 Ɗee nhǝ bǝ gu kar suk shibit-shibit gǝshi bii wu gǝ mǝ yong ashi "chini" hǝ, yong baa gǝ mee gu nkar nɗǝgǝn fǝnpee bii wubis. 14 Nsa mǝ wak a wunie Kristi kan mǝ yaa tugurduan amu gǝshi ken muan gǝ tak kaa a shi bǝlat dat. 15 Mǝ ya war gwee laa bǝlǝp ka nhǝ mǝ yen, "Ɗin gu kǝlǝng ɗǝgǝl muup bǝ nayong gu niin kaɓal kat nung bit takbɓak hǝ". 16 A wuɗang dok kǝlǝng ɗǝgǝl Naan mǝn tak ɓak ashik eh? Kan niang nkwǝt a muop ndung mǝ fat nMasar gǝsar Moses ngǝgǝr hǝ mǝu mǝ? 17 Ɗee dok dǝfil mang ni a gǝ wudang eh? Kan niang dok nkwǝt a gǝ gurum muop ndung mǝ chin bii-wubis hǝ ndung kum muop waɗak ngǝgǝr hǝ mǝu mǝ? 18 Dok laa a dǝ wuɗang muop wu yen yong gǝ mǝ rwǝ nniak ani mǝu, ba niang nkwǝt a dǝ muop wu mǝ ɓak ɗǝgǝl muup eh? 19 Mǝ naa wagap kan dok mǝ rwǝ nniak afe mǝu, nsaa niang pǝn naduk.