Jing 5

1 Kristi tagat mǝn nfu bi-tǝt nsa ya ba gǝ nɓyak mǝn veet. Mǝgwu nyong gun a kurum ntagam bi-tǝt ɓǝ gu ɗem mou, gu nyit bi-tǝt nchin klǝng gǝgun kabi wu gun a kurum gǝfe shizak mou. 2 Gu yak ɓǝlǝp wu an, Bulus, lalep, fu laa gǝgun gǝɗet hǝ gu naa. Ɗǝ gu nyit mǝgwu nkwap dǝp gu ɓǝ ɓǝlang wu Kristi chin ngun hǝ, gǝ kyen gun mou. 3 A bǝn a laa yi gǝ dagwu wu mǝ gap dǝp muup hǝ nkwǝt a tiit gǝkang bi-tǝt yi waa nrǝ nogot, nsa Naan nyin gǝtap nyi a wuret ntagam muup. 4 Gu ɗyee gu kat Naan gǝ nlaa nyong gun a wuret nsa gun fu kang bi-tǝt ɓǝ wawu gu kwap ɗǝgǝn suk gǝ Kristi; Naan baa shee nchinɗong kaa zak mou. 5 Mǝn wu Mǝrip Naan mwǝn kagam nmǝn ɗǝ mǝ ɗem Kritsti yi hǝ, mǝn gǝ tughurduan fu kang ɓit wu Naan gǝ laa nkwǝt mǝn a gurum wuret ntagm muup hǝ. 6 Mǝbi ɓyak Naan gǝ kwap dǝp mou. Naan tangkop mǝ ɗem ɓǝlǝp Kristi npe ɗǝ mǝ ɗem mǝnyee mu gurum yi kabi wu mǝ ɗǝk en mu kaa muup. 7 Dok gu gu lǝngɗok gǝ Kristi gwet ɗagat nyit. A wuɗa ba den lǝng gǝdǝr ɓǝlǝp wuret shi gu yi? 8 A Naan wu kok gun hǝ gǝ chin kam mou! 9 Yis til dat bə aag wup. 10 An gə naduk n'dəgən Naan wudung kat gə diye məmebi dik. Mə awo wudung kat ni pə wel gun hə, a ni gə sua nee nung shep, din ni a wuda. 11 Mə jepna, din a dem dep wu gə gap de anang mə pə nee an ye kam he? A wan sani pang wudung kat təp shep beel mə pən ni. 12 De moup wu kat moup pə wel gə. Din a pə man diin mə pwan dil muop. 13 Dok mu pwan gun ndəgən teng nee məjepna muop. yong ba gu neen pwan gun ndəgən nee mən ba wa ndəgən nan luwa: deen rwot a kam lax ndəgən gu dem suk. 14 Nsa bi tət mə den ni ndəgən lə pu gə mee, yong gə dem wu emnang gə bi ka sak hə. 15 Din gun arap mən gu dilang suk bə gu na pe ret yong gu dilang suk. 16 Mə a la chin bəlang gə chellem bə dem bələp luwa shishik mə. 17 Sa dem lua shishik chellem dem mə shin bə chellem dem lua shishik mə. Sa dip mə nyang shak, ni gə bwət chin bidung tok fe gə dem mə. 18 Din bi a chellem pən gun bə gun ndəgən shep mə. 19 Gə de sən bəlang lua shishik 20 A bi na: buar, ra'ap, gurum wu mulak, wudak, wu bial, wu tuup le, kagan jigir, gurum wu bes tuup le, wu kas, wu pin bələp biagal nyang shak. 21 Wu sua mous, eogəl tangkwal, gə bi jep bihen. A del kom gu, gə bi wu dok a del kom gu, gwə wudung mə chin bi na kam hə, gə mə kat lə Naan mou. 22 Gə nung chellem dem a tookpia gə demsuk, gə tuagat chagap gə mogor pe, bwətzugum, dong, pən naduk. 23 Zugum gə yakashik, bi wu nyang jeppe hen dip, bən bi tət n'nəgən mə. 24 Moup wu kat a nung Yesu Kristi mə tə lua shishik dəgən nee gə bi wu mə dem hə. 25 Din mən dəgən chellem, bə mə muan-muan gə chellem. 26 Yong ba mə wa a wu bagal, chen tuup le de gun, mə chea gun.