1 Mə jepna moup nii mə ya məgun dəgən bi dam, gə wu kat gə a wu sə sar bə gə den ni gə war e sə sar. Bə bi gə wel gə sar, gun ma yong gə mə del gun mou. 2 Gumang le suk, mə gu chin bələp tət Yesu Kristi. 3 wudung mangkashik moup yen ji na a məbi mən ni a məbi məu bə nya pə fən kashik. 4 Ko wuda bi na shiit afe gə dong, mən na bagal a bə shin a də shik fe. mən chin a də məgə məu. 5 Ko wuda gə mang təgən afe. 6 Gə wudok she bələp hə gə mə gap bi wu ret gə gurum wudung she ni. 7 Yong ba mə fən gə. Naan a bi jal məu, dip bi wu gurum shin den fa gə dip a ni. 8 Gurum wudung wong gə ndəgən lua shishik moup, dəgən lua shishik gə dip bi wu bis. Wudung wung shirram e chellem ndəgən chellem gədip tenglang wu'n pehen. 9 Yong mə nee gə chin dong mə, n'dəgən bit wudong bə mədip gə, kat mə nyet mə. 10 A kam mən war bə mə chin dong de gurum moup. wudung kat moup n'dəgəng lə pən naduk. 11 Bə gu na bi yil wudung a yil gə sar nə. 12 Moup wudung kat mə dem səm wu ret n'dəgən lua shishik moup pə dem de sa gun de gərep depgu. Mə chin bihen, yong ba mə nogol moup wa n'sa shepbel Kristi. 13 Moup wukat bət gə rəp moup hə mə den bi tət, mən mə dem gə mə gap dep gə, də m ə chin bagal gə lua shishik gə. 14 Mən din a bagal mə, bagal bə an n'dəgən shep beel nung Kristi, ndəgən yil wudung mə bal de nə an de yil. 15 N'dəgən gərəp dep, mu kun ni ndəgən mə bi mə, gə moup wudung kat mə gərəp dəp moup ndəgən mə bi mə, bi wu ndəgə kun, a bi wu fuo dungdung mə chin hə. 16 Moup wudung kat mə chin bəlang naduk hə, tuagat chagap gə na chigir sam moup, dip gə Isrealiyawa nung Naan. 17 A laa a yen gurum mǝ twang an nsa a laa naduk kǝ Yesu, a waa nsa nyi an gǝ vung kagal yi nshik nǝ, mǝsheepee gǝgun muop gǝnyi kam mou. Mǝgwuo gǝ byak an shizak gǝkaa jepe nanyi mou. 18 Mǝ nyee mǝ pǝn naduk, mang Miskagam Yesu Kristi naa chigir kaa gu dip. Mǝ ɗem a nyi