1 Dip gə wupin bii afe, ɗin wu kok kop nkutni a laa wuchom, bə ni a wuyit kwərəm. 2 Tongɗok a nsar muop wu gə mə tap kaa muup gə muop wu gə mə kwat weel afe muop hə ɗeegə kang bit wudok ndaa muup ɗen hə nwaa nrə. 3 Mən zaka a kam hə. Gəshi wudok mən njep hə bə mən dok a kwərəm gə ndəgən chan jepee gəyil 4 Gəshi wubit waa hə mən Naan lepgə laamuup, laa wu a məmat laa hə, wu mə laa a gədapshi bii-tət hə. 5 Chin kamhə ɗeewar nmən mətwagat jep kok afe muop yi. 6 Nsaa mən ajep muup, Naan lep gəchelem laa muup nbəzung mu wu bii gə yong pee (Abba father), 7 Gə a kwərəm zak mou, gə a laa; kan ɗin gə a laa, bəgə a wu teer kop nɗəgən Naan. 8 Shi wudok niang gu man Naan hə, dok gun a kwərəm nsar gurm wudok muop a məbii mou hə. 9 Gəɗes hə ndung gu man Naan hə, ɗagat bə mə yen ndung Naan man gun hə, a waame gun fu bən wak gə dangkong gu kwat jepee wubaan eh? Gu tang nkop gu vak gu rə nɗian kən? 10 Bii gu tət bit gəlang tar, gəshii pee, gə yii. 11 Lugut an təs, baa gəpee nwar anə nɗəgən gu yong gə kwət a bii kopkiem. 12 A dang gun məjepna, gu twaghat kat anhə, kat gəbii wu an a tong gəbii gun hə Gu chin məbii wubis n'an mou. 13 A gə naan a gu kan a laa bələp Naan də gu a nɗəgən gok. 14 Dip gə weel shishij nə, gu watyit nə ɗee gətaa gu ninag ti gu tak me. 15 Dee tookpia a gu ni a ne gəɗes eh? A mang kum gəfugu kə wukan ɗindok aɗem akat bə din dok gu taghat aasyit gu gu pən n'an. 16 Bə baa a waa a wukas gu nsaa a laa naduk a pən ngun a? 17 Muop fu (are zealous) gun yak kaa gu wubis. Mə ɗem din bad gun ɗeewar gudee a wu (be zealous) muop yi-a ko enɗdie wuret mou. 18 Dong də gu (be zealous) də endie wuret ɗin wa yit nə nwən də gu. 19 Jepnə muop, an bən nɗəgən muutlaa neng laa dəgu ɗee a Kristi dat paa gə waa a gurum ndəgən gu. 20 A chaa mang ɗin a kwət gənaargu mən a bat ɗəgəl nə, nsaa shi bələp agu rəng an. 21 Bə gu laa gə an, kan gun ndung bələp tət ɗdong nɓət gu ba dən nhə, ba kan nəgu kələng bii wu bii-tət gə laa hə mou mə?. 22 Ni a wu yiyil kantong Abaraham dokni gə jep vəl, gəmee a nung larep wu a kwərəm hə, ɗee gəmee a nung namat wulə. 23 Gəmee dok mə laa ni a gə larep wu a kwərəm hə gəpee dem shishik, ɗee mə laa ni a gəpee namat wu lə gəpee laaɗen hə. 24 Gə mə niin jepee nhə a shi bələp mang kam ashik, nsaa swərəp muop nhə mə niin (covenant) vəl. Gəmee tang a kə Pang Sinai, gə bak kwərəm muop dat. Ani a Haggar. 25 Haggar a ni ɗee nkop Pang Sinai n' Arabia, bədar nkop Jerusalem nsaa kutni a kwərəm n'Jerusalem ni gə jep muup muop. 26 Jerusalem wu ni gətəng hə a ni a nəgənmu. 27 Nsaa yil dok, ndung a zan hə, nit daghat ntook yi piya yi, yi pian wal mən yi lap or, yi ndung yifu neng laa mou, hə, nsaa jep napaawu a zang hə mə bəl maa jep napaa wu ni gə mis hə. 28 Gun zak, məjepna muop, gəbii Isaac hə, guna jep Naan. 29 Gəshi nashak, mən ndung mə laa ni gəpee shishik hə, lə Zhik ndung mə laa a shelem hə. A kam bə gədes nhə. 30 Dee bəlep Naan yen a me? 'Chen larep wu a kwərəm hə gə laa muup. Nsaa laa namat waa kwərəm hə yong mə kaganfushak kə biikop muop gə laa namt wupin lə hə mou. 31 Waansa kamhə, mən a jep namat wu a kwərəm hə mou, mən a nung namat wupin lə.