1 Moe ɗing bi wu Naan chin, hǝ gǝ bii jep dung Naan ɗem hǝ. 2 Mǝ muan-muan ndǝgǝn dempee Goebi wuLaNa'an dem moen chin bǝn pǝn kaashik nmǝn a dǝ bitok gǝ Tagas wushang dǝ Naan. 3 Na yong mǝ kat gǝn gǝ mee mǝ aaniye. Gǝnargu kaa bǝlǝp bǝwar gǝ koor gǝ bis nung nǝmpee mou, dong ɗin mǝ gurum Na'an gǝ jep bii mou. 4 Nayong rap, gǝ bǝlǝp yogor, bi vogop ar kwot gǝnaar gu, jepee muup nani nyil mou. Nde aram bǝ a dǝyil Naan. 5 Gu man wagap ɗem wu buwar, koor, gǝ bis numpe-bǝ a wuman Naan mout-yong gǝ kat kop gǝshii lǝ kristi gǝ Naan mou. 6 Nayong mǝguwa fǝn gǝn gǝ bǝlǝp Naan yong gǝ sam kǝ jep wu bagpee mu'up. 7 Wasani gǝ muan gǝdǝ muup mou. 8 Gun a kowoo Gǝdǝshǝ gun a pee wu diye nǝgǝn kristi, muan muan gǝ bi jep pee wusa'an. 9 Jep pee wu diye muup gǝ bii wuret, gǝ war wuret dau gǝ naduk. 10 Mǝ she bii wu pia took Naan hǝ. 11 Nayong mǝ lap gǝdǝ bii kwo mou, ndǝ a kam bǝ mǝ seer dang muup. 12 A bii kawaat dǝ kwang jepee wu mǝ chan nsok hǝ. 13 Nin mǝ seer mǝ bii nǝ pee wusa'an bǝ mǝ naa. 14 Din bǝ wu mǝ boot dǝ bǝ mǝ naa ni dar a wu saan. A kan hǝ layi yen, yagal wu sam, ɗewar pee saan kristi sam kaa gǝ. 15 Gǝ naa pee dong-dong ndǝgǝn agu gǝ bii wu soon muup a ka bi wu yogor muup mou. 16 Chin boer-boer nsa gogot bit muup a wubies. 17 Nayong ba gu yogoor, dong din gu man bii wu Naan ɗem ani hǝ. 18 Nayong muos Tuwo gun nsaa yong gǝ bǝn gu koor Nde a kam bǝ gu a'g'al shii chelem Naan, 19 La bǝ lep dǝ suk ndǝgǝn see, a see sa'am Naan. Mǝ lǝ see gǝ bǝǝn mu gǝ mee ɗǝ Naan, 20 Mǝ dǝyil nǝ Naan shibit-shibit ndǝgǝn jepee dim dǝ gǝ sǝm miskagam kristi Yesu dǝ Ndamu Naan, 21 Mǝ toep sun gǝ mee ndǝgǝn wa'ap kristi. 22 Surop muup! mǝot kaatsak mǝ da'as gu muup dǝ miskagam kristi. 23 Dǝ wumis ani a kaa lea nung mǝ mat, ka bi ndung kristi a kaa gurum muup hǝ nigǝ kaashik ani wu mang diel shishik. 24 Ka bi wu kristi ni a wu kangka'a Naan, a kan hǝ da'as mǝ kang kaa surop muup ndǝgǝn jibi dim. 25 Da'as; gǝ dem surop gu muup kabi wu kristi dem gurum Naan muup. Bǝn shin kaashik dǝ muup hǝ, 26 Dewar ni vang ni bǝn fas shi am gǝ hǝk bǝlǝp Naan. 27 Dewar nni niin gurum Naan deshik muup ndǝgǝn yo'on, nin rab, nin nuak, gǝ nde mǝ bi kam hǝ mou ni gǝ tong a wu sǝsaar nin dogor. 28 Ndǝgǝn war gǝ mee da'as muup mǝ dem surop muup ka bi shishik muup. Gurum wu dem mat muup bǝ dem kashik muup. 29 Mǝ guwo jet niang shishik bǝ kangkaa shik, ka bi wu kristi wubi miyap bǝn kangkaa gurum Naan muup hǝ. 30 Wa nsa mǝ a pak shishik muup. 31 Bi a kam hǝ, mǝ mis bi nook nda muup gǝ nǝgǝn muup mǝn mǝ kang gǝ mat muup. 32 Naduk ndǝgǝn ni sok hǝ abi wu yoon-dau an fu la akǝ kristi muup gǝ gurum Naan. 33 Dau kam hǝ dim gǝ sǝm mu mǝ dem surop mu ka kaa sun a kam hǝ mamat gǝ pǝn kaa mis muup.