Jing 6

1 Jep gu kǝlǝng ɗǝgǝl mǝ nan a gu muup ndǝgǝn kristi a ni a bii wu kǝr. 2 Pǝn ma Nda gu, gǝ nǝ gǝngu a ni a bibiang wupel pǝ fumang, 3 dewar ni dongyi gǝgǝn gu bǝ gǝ tugat ve'et gǝyil. 4 Nda muup na yong gu dam took jep gu muup suwet, nde a kam bǝ gǝ kar muup gǝwar Na'an dǝ dewar mǝ fe'ar ndǝgǝ karpe kristi 5 Kurǝm muup gǝ kǝlǝng dǝgǝl wupenlǝ a gu, gu sam gǝ kaa gu gǝre'et gǝ bǝzǝng gu gǝmee. Gǝ kǝlǝng muup ka bi dung gu kǝlǝng kristi hǝ. 6 Na yong gu kǝlǝng muup wansa muup fu naa gun mou dewar took muup pia yi. Nde a kam bǝ gu kǝlǝng muup mǝ chan bi wu Naan dem hǝ shii bǝzǝng muup. 7 Chin gǝ bǝzǝng gǝmee ka bi wu gu fu chi a dǝ kristi a gurum mou. 8 Mǝn a gurum gwe dim bǝ gǝ kopshii dǝ muup wula kurǝm mou. 9 Wupin bi gu naa kurǝm muup gǝ bii wujet hǝ na yong gu hook muup. Gu man gurum wu ndung a ni wupin bii a gu gǝ nǝ muup kaa bǝ tǝng, ni gǝ pǝnyit mou. 10 Nau nau, kam hǝ bǝ gu ɗem babal ndǝgǝn kristi ndǝgǝn ka gam a muup. 11 Gu biang le lek nung Naan dewar gu boot bǝ dǝng en vogopee sogot. 12 Nuar amu anung shishik gǝ lǝgǝm mou, a kǝ mǝ long muup gu muup ndung muup gǝ maa Nkwo, bǝn gǝ muup ndung gǝ chelem wubaan kǝ bǝtǝng. 13 Gu biang le lek dewar gu diem balbal pă bit wubis, nǝ dang kon let ni bǝ gu diem ɗak. 14 Diem niak gu da'at zaal naduk nbong gu. 15 Gu biang gu wat naduk gu nian shiigu gu kangshii lepnaan nung tugat cigab. 16 Nǝ dǝgǝ bi dim bǝ mang guwat naduk ndung yong boot dǝ pit wus bi wubis. 17 Mang vogom lek ndung a nung shang gurum muup gǝ chok chelem ndung ani wuhǝk bǝlǝp Naan 18 hǝ. Gǝ dang Naan gǝ duakpe, dang Naan gǝ guwo ndǝgǝn chelem. A dǝ ni bǝ mǝ kang ndǝgǝn mogor bi, bǝ mǝn fu dangpe dǝ gurum Naan muup nau. 19 Dang Naan dǝ nǝ dewar a kat me mǝ lep bǝ kat a ep funǝ dǝ bǝlǝp. Dang Naan dewar a kǝrǝm dǝla na naduk ndung ni sok ka'a bǝlǝp Naan hǝ. 20 A gǝ dǝ bǝlǝp Naan mǝn a wa la lep ndung ni bal, dewar a la yi gǝ tugur kagan gǝ bi wu ni ga la hǝ. 21 Tycheicus, emnaa wu a dem wudung ni a kurǝm wuret nung Naan yong gǝ la jep bii nau gǝ gun dewar guman bii wu an dǝgǝn. 22 A lepni dǝ gǝ, dewar kagam bǝzǝng yi. 23 Mang gu tuagat cigap mǝ jepna gǝ dempee, gǝ naduk nung nda Naan gǝ Yesu kristi kǝ dem wuret. 24 Mang chindong Naanlang gǝ d gu wu dem Yesu kristi kǝ dem wuret.