Jing 4

1 Nsa ni, gǝ bi an wudung a kurum miskagam dem kop mǝ muan ndǝgǝn ka le'en ndǝgǝn yong wuduk mǝ yong hǝ. 2 A dem din gu tuaghat gǝ ka gu chin bǝlep gǝ man zugum gǝ mogor muut, gǝ yak shak ndǝgǝn dem pe'a. 3 Chin wuret a gǝ dǝ kan kashak ndǝgǝn tugat chagap. 4 Mǝbii ni gǝ mee ndǝgǝn shishik gǝ mee nchelem . Kagǝ bi wudog bii mǝ yong ndǝgǝn den en wudog mǝ yong hǝ. 5 Mǝn gu gun mee ndǝgǝn Nda gǝ mee ndǝgǝn naduk, gǝ mee Nan Naan. 6 Naan gǝ mee ndamu dip, wudung ni nǝgǝn dip, ni dǝgǝn dip. 7 ndǝgǝn mǝn dip, mǝ muut wuret muot kristi. 8 Ƙobi wudung wugek bǝlep Naan la hǝ; wudung gagal gǝtǝng hǝ chin yak kurum muup chin dok muup kurum, mun muat mo'et gurum. 9 A mee abi mǝ yen yagal kaa? mǝ kam nkwǝt shi wupel sam dǝ muup gǝyil mǝn wulap nfugal pee gǝ yile? 10 Ni wudung sam hǝ a mǝ gu gǝ mee wudung bǝn chin gǝ dang hǝ seng seng pǝ kǝtǝng dee chin jepe dip. 11 Kristi nyit pak gurum mǝ wak jeplep, pak a jeplepnaan, pak a mǝshakɓǝlǝp, pak a mǝnaakaa gurum Naan, pak a mǝsheepee. 12 Shen pee ɓǝlang nanyi muop a npe ɗǝ kwas kwas gurum gǝfe wusǝsaar muop dǝr ɓǝlang mwǝn-kaa, npe ɗyik shishik Kristi. 13 Nyi fu ɗyak shishik muop dat veet ɗe a par wu gǝmǝ wak mǝ ruo gǝpe tugat-gǝshak nung pǝn naduk gǝ man Laa Naan, a kam ɓǝ mǝ fyar mǝ wak mǝ ruo kabi Kristi wu a wukǝgǝt hǝ. 14 Kristo ɗyik mǝn ɗe war mǝ fyar yi mǝ dyit ɓǝlǝp jep wu bii piip gǝ ǝp muop meet, mǝn gogom biishee wubaan gǝ nung mǝ chispe bii kok muop dat ɗes. 15 Nkom nanyi ɓǝ ɗong ɗyin mǝ laa naduk nɗǝgǝn ɗempe mǝn mǝ fyar nɗǝgǝn Kristi wu nyi a kaa mu hǝ. 16 Kristi ɗyiik shishik muup dip; a paar bii yak ɓeep dip lǝ shishak. Ɗǝ ɓeep dǝɗyak-dǝɗyak mǝ nkot fu ɓǝlang gǝdu ɓǝ mǝ ɗyik shishik nɗǝgǝn ɗempe. 17 Nsa ni, Laut mǝn a nuar ǝdǝ ndǝgǝn sǝm miskagam nsa a kam hǝ, gun ba gu muam dog a bi njong muup mou, gu mu ndǝgǝn ku endie. 18 Bezung muup a cip ndǝn bǝlep man mǝ niang gwar Naan nsa bǝlep niang ka a muup, nsa bǝzung cip a muup. 19 Kǝ muup waat mǝn mǝ tak kǝ shak ndǝgǝn chet shak, mǝ patshat lǝ kǝ muan mur gǝ bias. 20 Nhǝ a war wudung gushe kǝ kristi. 21 A man nkot gu kǝlǝng mǝ bii, ka muup mǝn duk mǝ shegun ndǝgǝn muup. 22 Dogǝ she gun nkuat ndee a gu, wudung nmok, dǝ gu nit bii wu segǝr gurum a gurum wusǝgor ani dam nsa tupee bi ɗem. 23 Dog mǝ she gun de gu bet ndǝ chellem bǝzung. 24 Dǝ ndan ndee mǝ gu wu fu. Wudung chin ni ndǝgǝn rin Naan ndǝgǝn naduk gǝ wu seesar. 25 Gǝ neso, mǝ chin wurum mang mǝ gu din la bǝlep naduk dǝ amnǝgǝn muup nsa mǝn a wunie sun. 26 Bǝt go nlee bǝgǝ chin wubis mau gǝ dem fus nnee gǝ dǝfil. 27 Gǝ nit pung nSatan mou. 28 Gu wudog bi gǝ muan wat hǝ, gǝ bǝn muan nde wat mou. Ndǝgǝn ni, gǝ chin bǝlang a leng war, gǝ chin bǝlang kǝ bi wu dong gǝ sar, gǝ chin bǝlang kat mǝ bi dǝ pǝn pak muup ndung muup gǝ mǝ bi. 29 Gǝ dem la mee mǝ bǝlep wu leng npǝt npǝ gǝ chin bǝlang gǝ biwuret muup dǝ muup wudung mǝtang nkop hǝ deepin bǝlep a gǝ muot pee dǝ muup mǝ dem dǝ mǝ kǝlǝng. 30 Guna yong gu dam wusa chellem Naan nsa dog a wansa ni mǝ figid gun pabit mung muut. 31 De'en mǝt de'et gǝ jong, bǝt lee mǝt bis jagan tung moet gǝ gat gǝ shang jep pee wubias. 32 Chan wuret dee suk sam gǝ wuzugum mǝ yak mǝ na dǝ sun gǝ bi wudung naan ndǝgǝn kristi yana dǝmu.