Jing 9

1 Mən Shawulu, ni pə ɓələp pam gə tuwo wu jepmuan gə də miskagam. Mən muan də ndawang wuyoon 2 mən nang lep nung biran də lə wap muop Damascus gə tap din ji kat mə gwo, ko məmis, ko məmat wu muop gə war wuret bə yak muop dyan wak gə ni də Urushalima 3 Yagal lang gə war muan, en rə duk gə Damascus, nəgən mən pee wusaan tong kəbətəng sam ka muup: 4 Mən pət-taa nyil, mən kələng dəgəl ni pə laa ɓələp gəni, yen, Shawulu, a nang gə fu twang an eh? 5 "Shawulu lap laa yen, Miskagam, ge a wuɗa? Miskagam yen, "An a Yesu wu gə pə twang hə, 6 Yagal rə gəfər gə mə la bi wu gə chin a tiit hǝ. 7 Gurum wu muop pə mwaan gə Shawulu mə ɗyam kit, mə kələng ɗǝgǝl nanyi ɗe mǝ naa məgwo mou. 8 Shamulu yagal yil, mən ep yit muup, mən naa məbi mou, mən mə ya sar muup mə yok gə ni Damascus. 9 Bit kun ni vugum, səsə de gə ta nswa am yi mou. 10 Nnəgən dok me mə la muan gədə ni nDamascus səm muup a Ananias. Miskagam laa ɓələp gə ni nsugun yen, "Aninas yesn "naa" an hə miskagam," 11 Miskagam la gə ni yagal gə muan gə gyang war wudung mə nang shi kər hə, lə Yahuza bə gə nang dər me mə gwo a gurum Tasus səm muup a Shawulu ni pə dang naan. 12 Ni naa nsugun me mə məgwo səm muup a Ananias ni nwul də lang sar nkaa muap də ni naa pee shizak" 13 Mən Ananias yen, miskagam a kələng bələp gə dagwo nhə pə gurum muop mbəl gə jeppe wubias wudung chan də gurum wusəsaar Urushalima. 14 Kat kamgə ɓələp də ndawang mənan də dyan gurum wu mə yong səm gə hə." 15 Miskagam la gə ni yen, muan nsa a bə shiang ni a kam ɓəlang a nnədə mang səm nə də wujong muop gə bəlong muop jepmuop nung Israila, 16 Bən a kam ni təgərchin wu ni gə nee gədər saɱ nə" 17 Kam hə mən Ananias yagal muan rə nlə nani. Lang sar nkaa muup, yen emna, Shawuulu, miskagam Yesu wudung nyin kaashik mmup nga; ga; war shiwu gə pə wul hə, lep an də gə gə kat naa pee gə gam Mərip wuret. 18 Ɓər dat mən me mə bi gə bi fogop pət nyit Shawulu mən naa pee lat mən lap am naan. 19 Sə sə mən kat bəl mən tong gə wu muan gədə nDamascus də bit nbəl. 20 Bər dat mən bəm shak bələp Yesu nhə wap, yen ni a laa Naan. 21 Nau gurum mə kələng ni mə kat wa bi wu fuo mə yen "Dee a gurum wudok bi tuwə, gurum muop Urushalima bə gə yong səm muop chin wul a də dyan gurum muan gə ni də mənana ndawang muop. 22 Shawulu, chin waɗee a wumaamat gə pən weel Yahudawa muop wudung mə tuaghatdok Damaskus. Ka wu Yesu nia la Naan. 23 Gənok bit nɓəl, Yahudawa mə bugat fu du də fə ni. 24 Bugat fu a muop ta nkom Shawulu. Bi mə bong fu lə bit gə ləpar də mə tə ni. 25 Jep gədə muup mə mang ni ləpar mə sam gəni gə nook lə ndəgən tikuchi. 26 Shi wu waji Urushalima, Shawulu chin din gə lang gə də jepgədə Yesu mən mə yigil lugat muup, mə pən naduk gə tap ni a la gədar muup mou. 27 Barnabas mang ni ji gə ni də məjeplep mən laa gə muop ka wu Shawulu naa miskagam gə war mən miskagam la bələp gə ni, gə bələp wudung Shawulu la Damascus gə gətugurduan ka səm Yesu hə. 28 Dok ni fu gəme gə muop, rə gə pət hə Jerusalem. La bələp gə tugur kagam ndəgən səm miskagam Yesu. 29 Mən mə laa ɓələp bagal gə pak Yahudawa muop mə tang də tə ni. 30 Mə jep nəgən mə kələng mən mə wak sam gə ni kaisariya mə lep gə ni Tarsus. 31 Mən nəgən gurum naan dip Yahudiya, Galilee, gə Samariya mə kat tugatchagap gə muan tagam, mə ləng nka lugut bələp miskagam gə tookpiya nung Mərip wuret, mən ɓələp yagal kaam. 32 Lat mən kan Bitrus yagal muan ndəgən pee nani dip. mən sam də gurum wusəsaar muop Lydia. 33 Nnəgən mən kat me məgwo səm muup a Aeneas, wujet terdok gə karam gok yi pokokun, nsa shishik muut kum. 34 Peter la gə ni "Deneas, Yesu Kristi dak gə" Yagal gə təng, chigit karam a gə" wurut mən yagal gə təng. 35 Muop wu mə tugatdok gəyil Lydda gə Sharon ə naa dagwo nani mən mə bat ləng gə də misgakam. 36 mən dok Joppa me mə lagədə səm muup a Tabitha (mə bat gə yong nishi "Dorcas") Namat nani dok ni jeppe chana wuret gə jeppee naa chigir wu bi chan də wupya muop. 37 Shi bit nani mən gok ya ni mən muut: Mə sugup ni lat, mə ɓuwət ni lə məlang. 38 Nsa Lydda ni duk gə Joppa, jep gədə mə kələng Peter ni nəgən, mən mə lep gurum vəl də muup, mə dangni "wagəji bər." 39 Peter yagal muan gə muop. Muan ji rə, mə muan gə ni lə məlang dip surəp kaa mə dyam dok eskogom muop gə mə err yi, mə kam jepe chan wuret ndung ni Dorcas chan wa ni kunit gə nook də muop hə. 40 Peter shak muop mə fuat dugum gə furəm, dangnaan mə bat yit na kum, yen "Tabitha, yagal gə təng" Lat mən epyit naa Peter mən yagal tong. 41 Peter shen sar ni nni mən ep ni dar gə təng, Lat mən yong gurum gurum Naan wusəsaar muop gə surəp kaa mən nin ni muop gə kagam. 42 Mən gurum mə man ɓələp na ni gəyil Joppa, gurum mbəl mə pən naduk nak miskagam. 43 Peter tong bit nbəl Joppa shi bət me məgwo səm muup a Siman wu kus nar.