1 Shamuli ɗem muut afee, mən bit nani twangpe yagal ka mə run lə naan Jerusalem muop wu mə pən naduk mə fuu shak gəyil Judea gə Samaria ɗee məjep lep dat. 2 Gurum naduk mə wum Istifanus, mən mə nyin took dam muut afee. 3 Mən Shawulu nin ɓətdect də ɗam lənaan. Bi rə shi lə shi lə dəl ɗaas gə surəp chin ɗek. nlə bal. 4 Nau gə kam hə, muop wu mə fuu shak dok mə pən naduk a muop mə dee wushak ɓələp. 5 Filibus muan ya gəfər Samariya shak bələp Kristi nmuop. 6 Gurum wu kərgəi mə lang en du nka shak bələp Filibus, gə bəzung gə me, mə kələng ni mən mə chin naa bii nin wuni chin. 7 Damwam mə fuat gə lang ɗəgəl wu ɓəɓal shishik gurum muop wu dok muop gə ni, muop pə err gə wuwagar nagət wudok shik muop muutkum gə wu kəbəl mə kat kagam. 8 Mən took muop piya mbəl gəfər nani. 9 Ɗee dok nde gurum gəfər nani səm muop a Siman, dok nia wumulak, bi chan jepee wufuo də ngurum Samariya, mənmang gəshik gə tap wu jin a gurum wu ma mat. 10 Nau Samariya, məman gə jep bi mə kələng ni. "Da gwo nhə nigə kagam nungnaan ndung ni a wu ma mat hə." 11 Mə kələng ni nsa jet bi gə chan jepe wufuo gwe shi mulak. 12 Wu mə pən gə naduk Philip gə shak bələp yil-long naan gə səm Yesu Kristi mən mə lap am naan, da'as gə surəp. 13 Ni Siman nau lap am naan mən lang gə də Philip, naa jepee wufuo. 14 Jep lep naan Jesrusalem mə kələng Samariya mə lap bələp naan, mən mə lep Peter gə John nnəgən. 15 Wu mə wakruwo hə, mə ɗangnaan nka muop də mə lap chellem wusəsaar. 16 Nsa shi nhə, chellem, wusesaar sam kaa muop mou. Mə lap am naan dat nɗəgən səm miskagam Yesu. 17 Mən Peter gə John mə ləng sar du nkaa muop mən mə lap chellem wusəsaar. 18 Siman naa kat mə chillem wusəsaar wudung mə kat hə a shi ləng sar jeplep dat, mən pən shagal muop. 19 Mən laa yen, "gu pən kamgəbələp na ni an zak də gurum wua lang sar nə nkaa muup bə lap chillem wusesaar 20 Mən Bitrus la gə ni yen, Azurfa agə dam nau gə gə, nsa gə pə na kat gə seet bələp naan gə shagal. 21 Fu bət gə ni nbələp hə mou, nsa enɗiye agə ni a wudang gə nung naan mou. 22 Nsa ni nyet bi wu bias agə, dang dang pe də miskagam, ɗe baa gə en dye wu bis ndung ni bəzung gə hə. 23 Nsa a na gə dəgən tokdam gə diyan le wu biyas." 24 Siman lap laa yen, dang miskagam an yong ba yi bələp wu gə hə yong ta kaa nə. 25 Ndangkong mə tuamshik muop mə laa mə laa bələp Naan mən Peter gə John mə wak də Urushalima, mə shak bələpnaan ɗə gurum Samariya wudung muop shi pəshep hə. 26 Mə wəng naan la bələp gə Philip yen, "yaghal chin gə gə bad gə sar-wang gə war wu sam Jerusalem muan Goza" (war nhə ni zang gəgər) 27 Nəgən dat, mən mə gwo tong Habasha a wumeer muut a wayoon wu kangəbələp nsar rep long Habasha. Ni a wu naka bilong afee. Ni wul Urushalima də wap yi. 28 Ni pəwa mən tondok gə bəsəng muan (chariot) ni pə naabiran ɓələp la lep Isaiah hə. 29 Mərip la gə Philip, muna gə tong duk gə bəsəng mua" 30 Mən Philip yak muan də muup mən kat ni pə naa biran Isaiah la lep naan ɗee gəman bi wu gə pə naa? 31 Mən la yen a man dak anashik ni məgwo nin an eh? Yong waji də muup nɗəgən bəsəng muan mən tong gə ni. 32 Nhə a ni a bələp biran wu dagwo Habasha ni pə naa hə. "Mə muan gə yan a laa təm də gap, gə bi la təm dung ni nsar wu seet ni hə ɗok kot ep fu mou 33 Ndəgən sam gə ka muup mə shep ni shi wurum: wudung gə laa seen muup eh? Nsa mə mang tenglang afee gəyil. 34 Wu meermuut nang pə Philip yen, "a dang gə, la gə an ɗee lalepnaan nhə ni pə la bələp a gə shik muup ah a nde mə gwo eh? 35 Philip bəm ɓələp nkaa nbiran nhə, mən shakɓələp wuret nung Yesu nni. 36 Muop pə muan gə war, mə mə wak ja gəpee am, mən wumeermuut la yen, "Na am ni hə. A me gə dən də a lap am naan eh?" 37 Philip laa yen, "ɗin gə gə naduk shi bəzung bə gə lap am naan". Wumeermuut lap yen, "A pən naduk Yesu Kristi ni a a la Naan". 38 Da gwo Habasha laa də bəsəng muan ɗar. muop dip mə sam ruwo nɗəgən am Philip gə wumeermuut mən Philip pən am naan nni. 39 Shi wu mə fuat am nani, mən mərip miskagam yagal gə Philip, mən wumeermuut ba naa ni mou, mən mwan-mwan afee nɗəgən tookpiya. 40 Philip kat kashil Azotus mən muan nɗəgən gwang pee muop nani gə shak ɓələp wuret gəfər pee nani dip. Muan gə warə Kaisariya.