1 Ndawang wukakǝgǝt yen, "Ɓǝlǝp muop nhǝ dip a naduk a?" 2 Istifanus yong, Nda nǝ muop mǝjepnǝgǝn nǝ, gu lǝng kop gu gu kǝlǝng an yi: Naan wuipn yoon dok nyin kaa shi nIbrahim shii wudok niy gǝyil Mesopotamya nɗǝng shee mwaan yaa nHaran; 3 mǝn laa gǝnyi yen, 'Nyit gǝyil gǝgǝ gǝ mǝmiya gǝmuop mǝn gǝ mwaan npee wu gǝ a nyin ngǝ hǝ.' 4 Mǝn yagal nyit gǝyil gurum Kaldiya muop mwaan gǝ tong gǝyil Haran; a nnǝgǝn, mǝn nda muup muut mǝn Naan mang nyi ji gǝ nyi gǝyil wu mǝ tugatdok nnǝgǝn gǝɗet nhǝ. 5 Naan shen yil nanyi a bi-teerkop nnyi wa npe ɗen kwak mou. Mǝn Naan pǝsfu - shi wu Ibrahim kat lala duk mou hǝ - nkwǝt gǝ mwen yil nanyi nwaa nǝmuup gǝ gurum gǝseen muup. 6 Naan laa gǝnyi nkwǝt gurum gǝseen muup par gǝ mǝ tugat gǝyil dat lee ɓǝ mǝ pyan yil nanyi gǝ yaka muop nwak kurum gǝnyi, mǝn mǝ nchin nyang-nyang gǝ muop nung yii ɗaa feer. Mǝ Naan chin laa 7 'Gǝ a sheep gurum wu mǝ yak muop wak kurum gǝnyi, man ɓǝ mǝ fwat jya mǝ wap an npeen nhǝ.' 8 Lat mǝn Naan shen bii-laɗen nnung gap dǝp nIbrahim, mǝn Ibrahim laa Ishaku mǝn gap dǝp muup par ɓit wu pogokun; Ishaku laa Yakubu, mǝn Yakubu mee daas wu sarkavǝl hǝ. 9 Naalaa dok yaa daskagam muop gǝkaa Yusufu mǝn mǝ seet gǝnyi nMasar; mǝn Naan dok gǝpe gǝme gǝnyi 10 mǝn pǝt gǝnyi nɗǝgǝn weel gǝfe. Mwǝt chinɗong gǝ soon nYusufu ntagam Fir'auna, long Masar wu den nyi gwopna Masar gǝ lǝ gǝfe. 11 Lat mǝn gǝzǝm taa gǝyil Masar dip gǝ Kanan mǝn gurum mǝ nee mǝn ndaa mu mǝ kat sǝ mou? 12 Yakubu kǝlǝng gǝtap sǝ nyi nMasar mǝn lep ndaamu muop mǝ mwaan wupel. 13 Mwaan wuvǝl mǝn Yusufu dyin kaa shik nmǝjepnǝgǝn muup muop, mǝn fir'auna man gurum Yusufu. 14 Yusuf lep mǝjepnǝgǝn muup wak mǝ wul gǝ nda muup Yakubu nau gǝ gogot mǝmiya muup gǝyil Masar, muop dip dok mǝ wkaruo yagurum-kùn gǝfu-sar. 15 A nyi mǝn Yakubu sam yaa gǝyil Masar mǝn muut nnǝgǝn, nau gǝ nda mu muup. 16 Mǝ kok, muop mwaan mǝ wum nShekem ntugun wu Ibrahim dok seet shi shaghal azurfa gǝsar jep Hamor nShekem 17 Shii bii-laden wudok Naan laa gǝ Ibrahim em nwul ashik wa gurum muop zak dok mǝ fyar mǝn mǝ kaam nMasar. 18 Lat mǝn me mǝgwu wu man Yusufu mou hǝ waa long. Long nanyi fǝn gurum gǝmu muop mǝn chin klǝng gǝ nda mu muop. 19 Mǝn saa nda mu muop mǝ shen jep muop npe tuo, yi baa mǝ nlǝng gǝ nook. 20 A shii nanyi mǝ laa Musa yi; nyi dok ɗong baden ntagam Naan mǝn mǝ kǝgǝr nyi tar kùn lǝ nda muup. 21 Mǝ ɗen nyi gǝɗang mǝn reep Fir'auna kat nyi mǝn mang nyi mǝn kǝgǝr nyi ka laa muup hǝ. 22 Musa kat bi-shee nung soon gurum Masar, mǝn ɓoot ɓǝlǝp nau gǝ bǝlang baden. 23 Dok fyer waarǝ kabi yii yagurumvǝl mǝn naa kat ɗong ɗyin ji mwaan ji naa mǝjepnǝgǝn nyi, wu a jepe Izraila hǝ. 24 Musa mwaan mǝn kat dagwu Masar fu nogol dagwu Izraila mǝn chit dagwu Masar nanyi tǝ: 25 shi naa gǝfe bǝ kat mǝjepnǝgǝn nyi gǝ man nkwǝt a Naan nyi fu pǝn muop. Mǝn mǝ ɗyam-a-shik mou. 26 Ɓit ɗaar ɓang mǝn bǝn pǝt mǝn kat gurugm Izraila muop fu jaghar; chin dǝr ɗǝ bǝn muop yi; yong, 'Gu man gun a mǝjepnǝgǝn suk mou a; a me saa gun fu jaghar dǝr suk yi?' 27 Mǝn nde wu nyi fu nogol wunye hǝ tugun nyi tak gǝ eskogom mǝn yong, "A wuɗa ɗen gǝ a kamshik gǝ wusheep kaamu yi? 28 Gǝ a npe tǝ an kat wu den gǝ tǝ dagwu Masar hǝ a?' 29 Musa kǝlǝng kam mǝn yak nyit lan; mwaan gǝ waa mǝjong gǝyil Midiana, mǝ ɓee jep vǝl nnǝgǝn. 30 Ndangkong yii yagurum vǝl mǝn me mewong nyin kaa shik nnyi gǝgǝr Pang Sinai, gǝnaar wus. 31 Musa naa wus nanyi kam mǝn rǝng nyi, mǝn mwaan dukduk npe ɗǝ naa kǝr, mǝn kǝlǝng ɗǝgǝl Naan fu yong, 32 "A an a Naan nda gǝ muop, a Naan Ibrahim, gǝ Ishaku, gǝ Yakubu.' Musa yagal lugut mǝn baa naa zak mou. 33 Naan laa gǝnyi yong, 'Tagat kogop shi kwak gǝ, nsa pee wu gǝ ɗarɗok nnǝgǝn hǝ a wusǝsaar. 34 A naa tǝgǝrchiin gurum gǝnǝ wu muop nMasar hǝ; a kǝlǝng wal gǝmuop, mǝn a sam npe ɗǝ pǝt yi gǝ muop; waa gǝji gǝdet nhǝ a lep gǝ yi gǝ mwaan nMasar.' 35 Musa wu mǝ nyang nyi mǝ yong, 'A wuɗa ɗen gǝ a kamshik gǝ wusheep yi?' - Naan lep a nyi a wu kamshik gǝ wu pǝt gǝ gurum. Naan lep nyi shi wu mǝwong laa gǝnyi ngǝgǝr hǝ. 36 Musa pǝt gǝ muop nnǝgǝn Masar, ndangkong bii-ɗyeer wu chan nMasar gǝ Chip Buu, gǝ wudung chin ngǝgǝr fu yii yagurum vǝl hǝ. 37 A nyi Musa nanyi laa gǝ gurum Izrail yong, 'Naan par gǝ shen me lalepnan ngun gǝnaar mǝjepnǝgǝn gu, me lalepnaan kabi an hǝ.' 38 A nyi a dagwuo wudok nyi gǝnaar daskagam mǝ laa bǝlǝp ngǝgǝr gǝkaa Pang Sinai. A nyi a dagwuo wudok gǝpe gǝme gǝ ndamu muop hǝ; a nyi a dagwuo wu lap ɓǝlǝp wu kagam npe shen mǝn yi. A 39 nyi a dagwuo wu ndamu mǝ nyang ɗem ɓǝlǝp gǝfe hǝ; mǝ tugun nyi tak gǝ eskogop, mǝ bǝzung muop waa lap nMasar. 40 Gǝ shii nanyi mǝn mǝ laa gǝ Haruna mǝ yong 'Chin naan nmǝn ɗǝ lang tagam mu yi. Nung Musa nhǝ wu lang tagam mu pǝt gǝmǝn ndǝgǝn Msar hǝ mǝ man bii wu chin nyi zak mou.' 41 Dok lat mǝn mǝ ɗyik laa nǝng mǝn mǝ jya gǝ bi-tok ntagam naatoon mǝn took muop pya gǝ bii wu sar muop chin hǝ. 42 Mǝn Naan bat muop ɗe gǝ mǝ wap dagar fugǝtǝng, kabi wudok lalepnaa laa ɗen hǝ, 'Lǝ Izraila, dok gu kwap long-kang mǝn gu mwǝn bi-tok n-an shi yii wu yagurum-vǝl hǝ a? 43 Dok gun ɗem pǝchinkǝn sǝ wuwaar nung Molek gǝ dagar Refan wudung nyi a naan hǝ, gǝ riin wu gu chin mǝn gu wap muop: gǝ a kok gun a jong pee gǝnyi gǝ Babilon.' 44 Nda mu dok muop gǝ pǝchinkǝn sǝ wuwaar nnung twamshik ngǝgǝr kabi wu laa gǝ Musa nkwǝt nyi chin dabi nanyi wu naa hǝ. 45 A nyi a kyang-kyang wu nda mu muop mǝ mang mǝn mǝ gǝyil nhǝ gǝpe gǝme gǝ Joshuwa. Ntagam mda mu muop mǝn mǝ duan bii wudok Naan chen gurum gǝyil mǝn mwǝn mǝ nda mu hǝ. Kyang-kyang nanyi ɗe nnǝgǝn waarǝ gǝ shi Dauda, 46 mǝn chinɗong ntagam Naan, mǝn nang nkwǝt ɗong ɗyin ji kat pǝtong npe Naan Yakubu. 47 Mǝn dok a Sulemanu ɗyik lǝ npe Naan. 48 Mǝn nau gǝ kam, Wukakǝgǝt gǝ tong nlǝ wu gurum ɗyik shi sar mou, kabi wu lalepnaan laa yen, 49 'Fugǝtǝng a pǝtong long gǝnyi, mǝn gǝyil a kǝgǝs kwak nǝ. Ɗe gǝ ɗyik a lǝ me n-an yi? Naan laa, ko a pee nyak gǝnyi a ne? 50 A sar nǝ chan jepe hǝ nau mou a?' 51 Gun a gurum wu ɓakpe gǝ bǝzung gǝ kom wu lǝleng bii gu nyang Mǝrip Wuret; mǝn gu chan jepe kabi wu nda gu muop mǝ chin hǝ. 52 A lalepnaan me wuda wudung mda gu dok mǝ twang muop mou yi? Mǝ jeplepnaan wu dwam wul Gurum Wukǝr; gun gǝɗet hǝ, gu wak mǝ seet gǝ mǝ tuo gurum, 53 gun wu gu lap bii-tǝt wu mewong mǝ den mǝn gun gu nyang nǝ gu kang hǝ." 54 Mǝ sheep muop mǝ kǝlǝng bǝlǝp nhǝ mǝn weel muop, mǝn mǝ arap fu gǝkaa Istifanus. 55 Mǝn nyi gǝ Mǝrip wuret mǝn epka naa fugǝtǝng ti gǝ yoon Naan; lar mǝn naa Yesu dardok gǝ ngan sar wumis nung Naan. 56 Istifanus yong, "A naa fugǝtǝng ep, mǝn Laa Gurum dardok gǝsar wumis nnung Naan." 57 Laa kam mǝn mǝsheep mǝ dughar kom du, mǝn mǝ ap ɗǝgǝl du, mǝn mǝ ruo kaa muup. 58 Mǝ del nyi fwat gǝnyi ngǝnook gǝfǝr mǝn mǝ zwam nyi shi pang mǝn muop wu mǝ twamshik kaa ɓǝlǝp nanyi mǝ dǝk byaat gǝmuop ntagam me laa swal wu sǝm muup a Shawulu hǝ. 59 Muop fu swam nyi mǝn Istifanus nyi fu yong Naan yen, "Miskagam Yesu, lap mǝrip nǝ." 60 Ya bǝdughum mǝn ep ɗǝgǝl muup ɓal-ɓal mǝn yong, "Nda Naan, gǝ yaa wubis gǝmuop kaa muop mou." Laa dat kam mǝn taa nsaam.