1 Dəgən bit hə mə wu muan gədə yesu mwu fu bəl, lat gurum Yahudawa dung mə tugatdok gə yil Hedanawa mə bəm ɓis ɓələp hə ka Yahudawa Israila, muop mə weel gə surəp ka gə pe gap sə dung bi mə mwat ci bit ci bit. 2 Jep lep Naan dung muop sar ka vəl mə yong muop mə la gə muap, "d'ong ɗin mə nit mələp Naan ɗe mə muan gə bələp gap ci haa. 3 Akam hə mə pən daas mə jep emnəgən hə nəgən gu gurum pəgo vəl muap hə dung bi na muap a gurum gə chillem nung wuret gə nung bəlap man, 4 muap dung gə mə tagat muap mə cin bələp. 5 Bəlep a muop gə miap ɓəzung muop gə gogot gurum gə ret gə ret. Lat mən mə shang Istifanus, ni a gurum gə naduk gə chillem wuret gə Filibus, gə Birokoros, gə Nikanar, gə Timan, gə Barnabas, ɗe Nikolas, gurum gə yil Antakiya dung sam gə ka hə tagam Yahudawa. 6 Muop wu muan gə bəlep wuret hə mə kam muop Jep lep Naan, mən mə ɓəgal naan mən mə ləng shar hə ka muop. 7 Lat mən bələp naan pian tak gə sher jep wu muan gə də naan mə ɓəl gə ret hə nəgən Urushalima: Firistoci anung Yahudawa mə mwət naduk. 8 Istifanus dung ni gə wuret gə mwət war chan jepee muop gə naar gurum. 9 Lat mən pak gurum nɗung bi gə yong muop shi (yantatu) a Kuraniyawa gə iskandariyawa, gə pak gurum gə yil Kilikiya gə Asiya gurum muap na ni hə mə jagar Istifanus. 10 Muop mə man enɗiye Istifanus gə soon gə chillem dung Istifanus ni fu bələp a shi hə. 11 Lat mən mə fən pak gurum mə yin muop la həku ɗung kələng Istifanus ni fu bəlep wu bis a ka Musa gə Naan. 12 Mə chin zuak gurum dip gə mə nan, mə nan gə pin ranpe, mən ma tulang ni Istifanus, mə ya ni, mən ja gə ni a tagam wu nan cheep. 13 Mə ja gə sheep wurum mə yen gə ɗes hə, nit ləfu hə ka pe wuret gə pe sheep. 14 A nsa mə kələng ni la yen ni Yesu Banazarat gə rugup pe ha mən bat jepee ɗung mə yigil mə kat fu Musa hə. 15 Ɗip muop mu mə tuagat ɗok gə pe sheeep na ni mə ləng yit muop ka muup, latmən mə kat yit muup bat wa gə nung Məwəng.