Jing 5

1 Ma;n mee məgwə səm muup a Haniya gə mat muup Safiratu, mən mə seet gə pe a muop. 2 Hananiya sok pak shagal pe nani, (gə man mat muup), mən lat mən mə wul gə gogot shagal tagam jep məlep muop. 3 Mən Bitrus la yen, "Hananiya a wame shaitan kam bəzung gə eh, wudung gə la bələp de chillem long gə wurum eh? 4 Wu gə sok shagal pe? gə shi wudung gə seet gə pe mou bə duk a mak muop ah? dangkon wudung gə seet gə ni əh, bə mak mou? a wamee gə diye endiye nani shi bəzung gə əh? a kam bə gə la wurum a de gurum mou, gə chin a de Naan. 5 Dəgən kam hə mən Hananiya pətaa dəl nook afe wutəs, gurum dip mə kələng bi wuta mən lugat wuyong taa kə muop. 6 Mən jepsual muop je mə chigit kum muup, mən mə fat gə gəbang mən fat mə wuum ni. 7 Dangkon fus bat kun mən mat muup wul, gə man bi wudung taa mou. 8 Bitrus la də muup, "yi la kwət a dang gu seet gə pe he? Mən lap yen, "a kam hə". 9 Mən la də muup yen "a wame gu bwat bələp gun gə mis yeh a de gu kam chillem Naan he? yi kələng vaap gurum muop wudung mə wuum mis yeh fulə, yong gə mə mang yi gə ɗes hə" 10 Bar da məmn pal tagam muup mən dəl nnok a muup nung wutəs, jepsual mə ja kat muut mən mə mang a kum muup mən mə fat gə bang. Fat mə wuum ni duk duk gə mis muup. 11 Lugut wuyoon ta kə Ikilisiya dip, gə gurum muop wudung mə kələng bələp wu taa. 12 Jep, bi wudung mə chin de gə bi wudung rən pe wudung muop gat mə tak gə gurum, nsar jep mələp muop dip pe gə mee lə nookshik Sulaimanu. 13 Mə məgwə gə bəzung wubal dung yong gə kang ka muop gə mee gə muop mou, muop gə təgən wuret tagam gurum muop. 14 A kam hə gurum muop a fu muat bələp na duk dat, gət gurum, daas gə surəp. 15 Ani mən mə kok gurum wugok muop mən muan gə muop fu war, mə dək muop gə biin gə ter da wuɗən Bitrus yong wa war del kə de rin muup bəm pak gurum. 16 Gurum gak mə tugat ja ndəgən tugun wudung mə bat Urushalima, mə ja gə wugok muop, gə gurum muop wudung chillem wubis mə wel muop, mən lat mən mə lat gok a muop nau. 17 Mən lat mən Ndawang wukakəgət yagal gə muop gə wudung muop pegəmə gə ri (muop wudung wapnaan a muop dik muop a Sadukiyawa), mə gam gə niangyit gə gwoi. 18 Mə yak jep məlep mə kon muop lə bal. 19 Ndəgən ləpar mən məwəng Naan ap fulə bal muop mən pət gə muop gə bang, 20 "Mən yen, Muang gu diam lə wap Naan mən gə la bələp də gurum muop wudung gə kat ni a bələp kagam." 21 Mən mə kələng kam hə mən mə muang lə Naan mən bit bang dat mən mə shiye bi shiye. Mən Ndaawang wukakəgət wuyong gə gurum a muup mə ja mən mə yong kang kəshak dip gə jep tugat gə mənan gurum Israila mə fat mən mə biang bələp, mə yen nua fat gə jep mən lep Naan. 22 Mən wubəlang muop mə muan mən kat muop ndəgən ləbal nani mou, mən mə yok wak mə langfu mən mə yen 23 mə kat fuləbal gurum ni a wubal wagap. Muop wukang pe muop kang fulə muop, mən du ep, mən mə kat məgwə mou". 24 Mən wutagam wubəlang lənaan gə mə nang Firistoci muop mə kələng kam hə mən roup muop da meet gə muop. Mə mang pe bi nani yong gə lang mou. 25 Mən lat mən me məgwə wul la yen, "Gurum muop wudung gu bal muop hə mə diam dok lə Naan muop pe sha gurum muop." 26 Mən wuyoon wubəlang lə Naan muop mə wakwul gə jep məlepNaan, A kə kagam mou, muop fu lugat na yong gurum mə zuam muop gə mee gə mə nang muop. 27 Mən mə wakja gə muop ntagam mənang muop, mən ndaawang wukakəgət nang fu muop, 28 mən yen "mə dən shigu nung naduk na yong gu shaye pe gə səm hə mou, mən gu lat Urushalima gə bi shiye a gu mən gun de lang təgəm gurum hə ka muup. 29 Mən Bitrus gə jep məlep Naan, "Tong kam hə mə kələng dəgəlnaan ma nung gurum." 30 Naan wudung a nung nakəmu muop wudung a ni ep yesu, wudung a gən gu təni gə kani shi shep. 31 Ni dung kat Naan mang ni gə sar wumis, wutagam gə gurum dung muat chinɗong, wuni ep war də Israila gə war lep Naan, gə man bi wubis a muop. 32 Mən mə diam gə kan ka bi wutək, a kam hə chillem long, wudung Naan muat gurum dung mə kələng dəgəl muup hə," 33 Mə kələng kam hə mən dəfil ya muop shi naduk muop də tua muop. 34 Mə mee gu Bafarisiye, wudung ani a Gamaliyal, a ni a wupin bi man Attaura, wudung gurum dip mə wapni, mən yagal ndəgən kan kəshak mən biang yen nuah fat gə gurum muop nani gə bang dangkong. 35 Mən la de gə muop, "ya mə jep emna Israilawa, gu kan bi wudung gə chin de gurum muop hə. 36 Yii wudok diləng dangkong me mə gu wudok wul hə, yen ja'al Tudas man ka muop a me mə bi gurum yak gurum baat baat pe fer, mən mə tə ni, gurum wumuang gədə dəmuup mə pap muop, mən mə dam. 37 Ndangkong dar bit gurum muop, mə məgwə a Yahuza Galilee wa wul, mən kar gurum muop muang gə də muop, mən ni kem dip, dip gə gurum muop wudung ma maun gə də muop, mən mə fushak meet. 38 Gə ɗes hə, an pe la də gu, gu fat gə war gurum muop hə, gə niet muop. dinkwət a en gə bəlang gurum bə vugum, 39 dinkwət a nung Naan, war kwət də gu vugum mou, na yong mə kat gun a niang yit Naan. 40 Mən mə muan gə də bagal ka nə muop, mən lat mən mə yong jep məlep Naan, mən mə nas muop, mə ɗən shi muop na yong nua la de bəlep gə səm Yesu, mən mə nit muop. 41 Mən mə yugul pe tugat, gə tookpiya kə wudung mə kat kang mə yong mə suə mangshin a wa səm Yesu. 42 Shi bit shibit, kot a lə Naan kot gə pang, mə bi shaye gə kumpe bələp Naan, mə yen Yesu ani a Almasihu.