Jing 4

1 Bitrus gə Yahaya muop pə bələp gə gurum, mə Firistoci gə wu ntagam kan kə lə naan gə Sadukiyawa muop mə tək kə muop. 2 Mən weel gəret sa Bitrus gə Yahaya shee gurum muop kə la naan kam hə muop pə ngwai kə yagal a fe ndəgən tugun. 3 Mə yak muop zuwam muop le ɓal də ɗaarbit, nsa kansegən chin gwee. 4 Mən gurum gəret ndung mə kələng lep nan mə muop naduk: daas kus yak gurum sar pe paat ndung mə muan naduk. 5 Daar bit bang mən mən nan a muop gə daskagam a muop, gə yil muop mə kan kə shak nhə Urushalima. 6 Annas Ndawang wuyoon, ni dəgən, gə mə mya firist wuyoon. 7 Mən mə wak ja gə Bitrus gə Yahaya ndəgəm muop mən nang pe muop, de gə ma me, gə nang pe muop, de gə ma me, gə sum wudang, wudung gun chin kam hə? 8 Mən Bitrus wudung chillem Naan gam bəzung muop, yen kam hə? "Gun mənan gə daskagam gurum, 9 din mən chini mə tuwang mən kə bi dung mə chin a wuret de wugok nh-de a nang bayi kat kagam he? Ɗagat gun gə gurum Israila dip, gu mang nh, dəgən səm Yesu Almasihu nung Nzareth, wudung gə kah, wudung Naan lep ni ndəgən wu dəɗəm. "Gung mənan gə daskagam gurum din mən chini ma tuwang mən kə bi dung mə chin a wuret de wugok nhə-de a nang bayi kat kagam hə? 10 Ɗagat gun gə gurum Israilawa dip gu mang nhə, dəgən səm yesu Almasiyu nung Nazareth, wudung gə kam, wudung Naan lep ni ndəgən wu dəɗən wa nsa ni gurum wu dar duk tagam gun nhə a wu kagam. 11 Yesu Almasiyu ani a pang wudung gun wudiak lə gu niang nhə bawa pang bə chep. 12 "war kagam wakwət gə yil ndəgən gurum gə muang chindong mou." 13 Wa nsa kam nhə, mə na tugurduan Bitrus gə Yahaya, mən mə man gurum muop nhə a wupiya gə biman ma, mən mə kat tong a bi wufə fu muop, mən mə mə na mə kat Bitrus gə Yahaya dok muop pəgəme gə yesu. 14 Mən mə na ka na ni wudung mə pən kagam ni nhə ni gə me gə muop mən mə man bi wuyong mə la mou. 15 Mə ndangkon mə fut gə jep məlep ndəgən tuwak mə tangəkan bələp nani gəkan shak. 16 Mən məyen "de yong du shin anan gə gurum muop he? Taan ka nəgən mou, bələp wufə taa, a wa nsa muop, tong man də gurum muop ndung mə tuwagat dok urushalima, mən gə ma wudung yong mə bagalshik a ka mou. 17 Wa nsa a kam nhə mən ni a fu kaam dat gənar gurum nit dagal mə biang bələp moup ndang muop yong mə chin la bələp de gurum muop gəsəm nani. 18 Mə yong Bitrus gə Yahya mən mə biang bələp nmuop na yong mə shin la bələp, gə bishee walani ndəgən səm Yesu mou. 19 Bitrus gə Yahaya mə lap mə yen de dong ntagam Naan mə kələng dəgəl gu wuma nə muop ah bə gə gapdat. 20 Yong mə bwət nyit bələp kə jepe dung mə kələng mə chin mə naa mou. 21 Mən chin bən chin biang bələp Bitrus gə Yahaya mə kong muop, mə yen muop məyok wa nsa mə kat memə rape ndung yong mə mou manshin muop mou, sa gurum dip mə saam səm Naan kə bi wuta nhə. 22 Gurum wudung kat bi wufu kə lat gok ma ye yagurum vəl. 23 Dangkon wudung mə kon muop nhə Bitrus gə Yahaya mə ruo ndəgən gurum a muop mən mə a dip bi wudung mənang Firistoci gə daaskagam mə la də muop nhə. 24 Mə kələng, mən mə ap dəgəl muop de Naan mə yen nda a gə chin gəpətəng gə gəyil gə kong wuyon gə jepe ndəgən muop dip. 25 Gə wudung dəgən chillem nfu ndamu Dauda dung a kwərəm a gə hə la yen a mə chin gurum muop mə diye enfiye kə jepe wubaan muop? 26 Long gəyil mə kangkəshak gə mee, wu tagam a muop mə kang kəshak de mə niang yit nda mu gə Almasihu a muop. 27 Naduk Hiridu gə Bintus Bilatus gə gurum muop, gə gurum Isar'ila mə kang kəshak ndəgən tugun də mə niang yit kwərəm a gə long Yesu mə məm. 28 Mə kang kəshak de mə chin bi wudung sargə gə eniya a gə wudung yong gə taa hə. 29 Gədes hə, Ndamu Naan gə bələp muop, wudung mə biang gə muut ma kwərəm a gə muop mə la bələp ye bəbal. 30 Dok gə lang sar gə de wu depin gə mwət kagam, gə vor bi wuma dung mə tək nwa kwərəm a gə dung ni a long yesu" 31 dangkon mə lat dang Naan pe wu dung mə kang kəshak mə pe səgun, mən mə əgəl gə chillam long dik. Mən lat mən mə la bələp Naan bəbal. 32 Kaa kəshak wuyong wudung mə mwət bələp naduk kəmuop, muop pegəmee dəgən muop mee mə gu yong gə yen bi a na' nhə a nə maa mou dəgən kam hə jepe a muop a bi gədee. 33 Gə ma wu bal mən jep lep mə nuwop ngwai kə bələp yagal Yesu Ndamu dəgən tugun baga bələp wuret ni ka muop. 34 Dəgən muop mə bi wung muop muop gə gurum wudung kat ni gə pe gə lə mən mə Sarap gəni 35 mən mə wul gə shagal gə bi wudung mə seet gə ni Mən wul gə shagal tagam jepməlep mən mə gap shagal nani kə gurum muop kə wel a muop 36 Yusufu, Balawi gurum gədər Kubrus, wudung jep məlep a muop mu pən səm muup a Barnabas (ani wu la bələp a muop wu duwang bəzung). 37 Ni gə pə mən seet gə ni mən wu gə shagal tagam jep məlep muop.