1 Bitrus gƏ Yahaya muop nmuan gədong hə ndəgən lə wap də dangpə gə bit. 2 Da gwə wu mə la ni a wu kut bi mə mang den pə ləwap mə yong shi wudang. Bi mə den ni nnəgən shibit shibit də dang pə gurum ndung muop pə wu nlə wap hə. 3 Mən na Bitrus gƏ Yahaya muop də ruwu nlə wap, mən dang dang pe muop. 4 Bitrus lang yit gəret ka muup, gə Yahaya, mə yen, "na mən" 5 Wu kut nani na muop, kat yong gə ji kat mə bi pə muop. 6 Mən Bitrus yen, "Azurfa gǝ zinariya a nə maan mou, bi wu an gə ni hə, a pən ngə. Nd'ɗəgən səm Yesu nung Nazareth, mwaan mwaan". 7 Ya sar mmup wu mis, Bitrus ep ni gətəng, Nnəgən dat mən kwak da gwə nani gə kunguggul fe mə bal. 8 Ep shik gətəng, dagwə wukut nani yagal mən bəm muan, mən rə gəmee gə Bitrus de Yahaya nləwap, ni pə muan gə nakwap mən pə saam Naan. 9 Gurum dip mə nani pə muan pə saam Naan. 10 Mə kat kan a dagwə wu bi gə dangdang pə gurum muop pa lə wap wudung hə, mən wu bi wufə də muop nsa bi wuta gə ni hə. 11 Ya Bitrus de Yahaya, gurum dip mə swə npə gəme muan də muop npe nyak Solomon, nsa bi wuta kat muop. 12 Mən Bitrus na bi nhə, mən lap pə gurum muop yen, "gun gurum Israila, a me sa wa bi wufə də gu yee?" A ma sa gu woo yit gu ka mu, gəye gu kat a mən mə sa ni muan muan shi kambələp ga chin wuret a mu yee? 13 A Naan Ibrahim gə Ishaka gə Yakubu, a Naan mə ndamu muop, nin lapyoon kurum a te Yesu. A ni wudok gu pən də, mən mə nyang ni də yit Pilates, ndung tang kop din ntak ni hə. 14 Gu nyang wu səsaar bən a wuret, de gu ɗem mə tak ndung gə twoo pe ha ngun. 15 Gu tə wu pin pən tooklang, ndung Naan yagal gə ni ndəgən wu də dəm wudok də yit mu hə 16 Wa nsa pən naduk nsəm fe ndung dagwə ndung gu na gu man nhə kat bal yə. Pən naduk nsəm yesu pən kagam gəret də yit gu dip. 17 Gəɗessə, məjepna, na mən gu chin a nsa gu man mou, kam hə gə long a gu muop. 18 A bi wudok naan la gwe pə jep lep a fe dip, nkət Kristi a ji gə kat nogol, ni nin ta bələp na ni. 19 Seer, mən gu bat ɗepin mə vwang bi wubis a gu yə. 20 Ɗepin mak bit nyak wul də yit ndalong, mən mak bə lep Kristi ndung a nə muk hə, Yesu. 21 A ni ndung kəpətəng gə lap pa bit myap jepe dip, ndung Naan dok la gwe pə jep, lep a fe wu səsaar. 22 Musa wugap la, Ndalong Naan yong gə ep mən ə la lep kagəbi an hə nɗəgən memə məjep nəgən gu muop. yong gu ləng kom gu də jepe dip ndung gə la də gu hə. 23 Par gǝ ta nkwət gurum ndung kǝlǝng la lep nani mou bə mə taa gə ni gə naar gurum a fe muop. 24 Əh, mən dip jep lep wu mang shi Samuel gə muop ndung gə də muup hə. mə la bən ləng shi bit muop nani. 25 Gun a jep jep lep nung la den gəkang Naan gə kə gu muop ka wudok la də Ibrahim hə, ndəgən seen gə gurum gəyil dip yong mə kat bi wuret. 26 Ndangkong ndung Naan ep kwərəm a fe gətəng hə, lep ni də gu shikien, də lang wuret ka gu mən bat gun kə bi wubis ndung gun pə chin hə."