1 Mən ɓit Pentecost wul, muop dok dip gəme npe gəme. 2 Dat mən mə kələng ɗəgəl kogom wuɓal sam kə bətəng, mən gam dəgələ ndung muop mə tugatɗok nɗəgən hə. 3 Mə kat lang ndap kə muop gəye a liis wus. 4 Məriip wuret rwə nbuzung muop mən mə laa ɗəgəl wuɗiyak-wuɗiyak ndung məriip mwət nmuop hə. 5 Ɗəgəl Yahudawa gə ɗembədə ɗəgəl gəyil wu muaan gədə Naan mə tugatdok n'Urushalima. 6 Mə kələng ɗəgəl kogom wu ɓal nani mən gurum gak mə ja npegəme mən rəng muop nsa mə kələng muop fu la bəlep npang a muop wu meet nani. 7 Rəng muop fyer, mən mə yen, "naduk, muop nau a ɗəgəl Galileans moo? 8 A me sa mən fu kələng muop fu laa ɗəgəl pang wu mə ɓak mən yee? 9 Parthians gə Medes gə Elamites, gə muop ndung mə tugatdok Mesopotamia, nɗəgən Judea gə Cappadocia, nɗəgən Pontus gə Asia, 10 Phrygia gə Pamyphylia nɗəgən Masar gə bəchep Libya wu wa na Cyrene, gə wumoos ndung mə tugat n'Rome. 11 Yahudawa gə proselytes, Cretans gə Larabawa, mə kələng muop fu laa ɓəlep nɗəgəl mu kə bəlang maa nung Naan." 12 Rəng muop nau dogol; mə la də shikmuop, "Ɗee a me shing hee?" 13 Mən pak twang ɓət muop yen, "Mə agal a shi muəs wu fwə. 14 Mən Bitrus yagal gə wu sar shika-gəme, ep dəgəl muup, mən laa də muop yen, "Gurum Judea gə gun dip ndung gu tugat Urushalima, ɗagat gu man yi; Ləng kom gu də ɓəlep a nə. 15 Gurum muop nhə mə agal a shi muəs ka ndung gu na hə məu, nsa pe kutni gə ɓit tyer. 16 A bii wu dok lalepnaa Joel la: 17 "Pa yong gə kwət nɓit wu təs; Naan yen, a ɗək məriip a nə nka gurum dip. Jep gu daas gə jaraap yong mə la bii wu pa gə taa, Jepsual mə na naa kaa, ɗee dəduan daas mə sugan dat meet. 18 A kam hə kurəm anə daas gə surəp, ɓit teer na ni, a dək məriip anə, mən mə la bi wu pa gə ta. 19 A nin ma kəbətəng gə bii chin gəyil, təgəm, wus gə diel. 20 Fuus gə bat nwa kwə, ɗee tar nwa təgəm she bit wuyoon nung Nan wul. 21 Mən tong gurum dip wu mə yong səm Ndalong bə mə kat chindong. 22 Gurum Isra'ila, kələng bəlep nhə: Yesu nung Nazareth ndung Naan man gə ni ngun gə jeppe chin wu Naan gə bii wu rəng gurum wu Naan chin wa nni nɗəgəngu, ka wu gu man hə. 23 Gurum nhə Naan dok pəndə wa nsa bii chin wa ntagam gə man a fe, mən gun, gə sar gurum wuleng, mən gu tə ni war kape. 24 Mən Naan ep ni gətəng, shang nyi nəgən muutlaa muut, nsa muut nyi gə war ya nyi məu. 25 Nsa Dauda laa ɓəlep kaa muup, "A naa Ndalong nfantagam nə shiɓit-shiɓit, nsa ni bəchep sar nə wumis yong a dər. 26 Wa nsa kamhə took nə pya dee fuu nə laa wuret. Yong a lə kagam a nə a shi gə. 27 Nsa yong gə mandəgəsak gə chelem a nə Hades, ɗak shee gə bwət n'səsaar a gə nna wam məu. 28 Gə nin war tooklang gwe hə an, yong gə muət tookpya gəret hə an gə fanyit gə.' 29 Məjepna, nyi nyit a la də gu ɓəɓal kə Nda Dauda, nkwət muut mən mə wum nyi, mən gəcheer afe kutni gəme gə mən nɓit wu chini. 30 Nsa kam hə, nyi dok a lalep mən man nkwət Naan dok səgər gə chinden də muup nkwət ji ɗen memə seen gwa kə tagam Long Ngwa. 31 Nyi bii wu pa gə taa ntagam mən la kə ygal Yesu, yen mə mandəgəshik muop ka muup n'Hades, ɗee gə nna shishik wam mou. 32 Yesu nhə - Naan ep nyi gətəng, wu mən dip a wu man nyi. 33 Nsa kam hə, mə ep nyi gətəng nsa Naan wumis mən lap Laa den məriip wuret fu Nda, anyi kon nhə, wu gu naa mən gu kələng nhə. 34 Nsa Dauda dok kaa kəbətəng mou, mən laa yen Ndalong laa də Ndalong, "Tong gə sar nə wumis; 35 Ɗagat a bat wu kas gə mə wak a pee ɗak kwak gə yi." 36 Nsa kam hə, ɗagat lə Isra'ila dip man dəɗong nkwət Naan dok chin nyi a Ndalong gə Yesu, nyi Yesu ndung dok gu kwaklang shi shep hə. 37 Gəɗes hə mən mə kələng nhə, ɓyang muop nbəzung, mən mə laa də Bitrus gə gogot jeplep yen, "Məjepna, ɗee mə chin a nang eeh? 38 Mən Bitus la də muop yen, "Seer mən mə kən gun gu lap chindong məriip wuret ka gu, nɗəgən səm Yesu ɗee pin gu kat vang biwubis a gu yi, bə gu lap məriip wuret. 39 Nsa pəsfu na ni a də gu gə jep gu gə muop wunjong, gurum gak wu nda mu Naan gə yong hə.? 40 Gə gət nde bəlep wu laa mən dəl muop, yen, gu lap chindong nsa wuleng fyer nyi a mu nhə. 41 Mən mə lap ɓəlep a muup mən mə kən muop, mən gurum wu mə kat pade warə chelem ɗa yagurum gə fu sar. 42 Mə muət shik muop dip nshepe gə wap pe nung jeplep, nɗegən tərap nawe gə ɗangNaan. 43 Lugut sam kə chelem wu muop nnəgən, mən jeplep mə nin ma nung Naan gə bii chin. 44 Muop dip wu mə muət naduk muop npe gəme mən jeppe a muop dip a gəme. 45 Mən mə sarap gə lee gə jeppe a muop mən mə shap pə shak dip kə weel wu muop gə nyi hə. 46 Shiɓit shiɓit mə kat shik muop nlə wap gə endye gəme. Bi mə tərap nawa gəpang, mə shap sə gə tookpya, gə bəzung wu leen, 47 mə saam səm Naan mən mə kat ɗem pə gurum. Mən shiɓit - shiɓit muop pə ɓəl nsa chinɗong Ndalong ndung gurum muop pə lap hə.