1 Gə ɗes hə megwo gəyil Caesarea muup a Cornelius a llong wulek dyel gəyil Italiya. 2 Dok a gurum wu pənshik wulugut Naan gə lə muup dip, pə jepee ngurum muop ɗang naan nkaa nkaa 3 Kamshik wu pokofaar warə bit nani, mən napee səngsəng wu kwət la-lep Naan kwət pe wull də muup. məwəng Naan la yen "Cornelius" 4 Cornelius naa ni mən lugut tə ni, mən yan "A mee wupin lə?" Məwəng Naan la də muup, " Dang Naan agə gə bi pən agə warə gəbətəng bii pən nung dyekop də Naan. 5 Gəɗes hə gəlep n-Joppa də wawul gə gurum wu səm muup a Simon wu gə mə yong ni shi Peter. 6 Tong dook shibət wukusnar. Səm muup a Simon. Wu lə muup pə chip 7 Wu la-lep Naan wu la bələp gəni wa mən Cornelius yong jep lep afee vəl, gə wulek ndəgən jep mələp afee. 8 Cornelius la bi wuta gə muop dip mən lep muop mə muan Joppa. 9 Daar wu bit bang kabi bi kamshi pemə hə, wa muop mə kus marə ndəgən tugun nani. Peter ka məleng də dang Naan, 10 mən balak tə ni de gə tang a bi də sə wu pak gurum muop pe shirak sə, mən sugun wawul ni." 11 Mən na kəpətəng ep mən me bi pə tong sam, biwu yoon gə yen kərang tong sam gəyil ngan feer. 12 Ɗəgən muup dip bikang kwakfeer gə bi muop wu mə feer-fu feer kəyil, gə yer gətəng. 13 Mən me dəgəl la bələp gə ni: Peter, yagal gətəng' kwap gə aar" 14 Mən Peter yen, akam mou, miskagam, Jet a sə bi wu ɗengpee mou" 15 Mən dəgəl wu vəl shin yen, Bi wu Naan saar wuret bə gə yen a ɗengpee mou." 16 Ni nhə tək ka kun" Mən bi dəklee nani bən wagətəng bər. 17 Bii wu Peter naa nsugun nhə rəng ni wa gurum wu Cornelius lep muop hə mə dwar dook pələ, gənook wuɗin mə nang war ruwo gwe hə 18 Mə yongpe mə nang kwət Siman wu din mə yong ni shi Peter ni nəgən ah? 19 Wa Peter kutni fu die bii wu sugun hə, mən Mərip yen, "naa gurum kun muop pətang gə." 20 Gə yagal gə sam gə muan gə muop. Gə nyang muan gədə muo, nsa a an a lep muop. 21 Mən Peter sam də muop mən yen, " An a gwo wu gun pə tang. Gu wul a kwat me? 22 Mə yen, "a long lek dyel, səm muup a Cornelius gurum wu ret, wu lugut Naan gurum mə la bələp wuret nak muup gəyil Yahudawa kat lep pə Naan gəpe məwong naan bəlep də gə, gə wul lə muup, de ni kələng lep agə" 23 Mən Peter la der muop mə ja tugat də muup. Daar bit bang mən yagal muan gədə muop, mən pak məjep-emnəgən nə muop gəyil Joppa mə chendə muop. 24 Bit bang mən mə ja Caeserea. Cornelius ni pə kang muop wuduk. 25 Mən kanshik warə mən Peter rə, Cornelius kaatni mən dugum ntagam muup mən wap ni. 26 Mən Peter epni gətəng yen, "yagal gətəng: An ma a gurum! 27 Wu Peter ni pə bələp gəni, mən yagal rə lə mən kat gurum muop mbəl mə təl gəshak. 28 La gə muop, "Gu man gə kasuk kwət gu man ɗong gurum Yahudawa ni kang gə shik gə wujong mou. mən Naan nin an kwət gə yong mugwo shi a wu nyang saar wurap mou. 29 A nwa ni a wul gə bagalshik mou. Wudung gu yong an hə, a nang pə gu, a wame gu lep də nə." 30 Cornelius la yen, "Bit feer wu del hə nkanshi nhə na fu dang Naan kamshi wu pogofaar lə, a anaa, la wumis daar dək ntagam nə gəlee wu piya. 31 Mən yen "Cornelius Naan kələng dang pee. agə, bi pən agə shin dye Naan gə gə. 32 Gəlep məgwo n Joppa, ni yong me mə gurum mə yong ni shi Simon wumə yong ni a Peter. Tong dok lə wu kus nar mə yong ni shi Simon, tong dok pəchip. 33 Mən shi wu gəme a lep də gə. Gə shin dong wu wul. Gəɗes hə, mən dip ntagam Naan də mə kələng jepbi wu miskagam lə də gə. 34 Mən Peter ep fu ji yen "Naduk, A man Naan bii gə pənyit mou. 35 A nwani, ndəgən gəyil gwo wu lugut ni mən chan jeppee naduk bə ni a wuləlap də muup. 36 Gu man ep eu dook lep gəni ngurum Israilawa, pən a lep wuret nung tugat chagap wa Yesu Kristi wudung ni a miskagam nung dip. 37 Gun gə kasuk gu man bi wudok ta wudung ta dip Yahudiya, mə bən Galilee gənook kən shi am wu John tak ngwai. 38 Jepee wu bən Yesu la Nazareth, wudok Naan pis ni gə Mərip wuret gə kamshik. mən muan dok gə kamshi. mən muan dok gə chin a bi wuret gə ɗak gurum wu dok chillem wubis yak a muop, nsa Naan dok ni gə də muup. 39 Mən a wu kamshik nung jepee dip wu la Naan chin gəyil Yahudawa Urushalima, mətəni mə mang dan langshi shepheel. 40 Mən Naan ep ni nbit wu kun Naan ɗeen mə naa ni 41 a gurum nau mau, a gurum muop wu mə tuamshik gəni, gurum muop wudok Naan tagat hə. wu mə sə sua gə ni gənook wu yagal ntugun. 42 Ɓyang ɓələp pən muop də shak ɓələp də gurum muop, ɗee muop mə tuamshik nka muup wu kwət a Naan shiang ni də shep wu kagam gəwu muut. 43 A də muup dip jep lepnaan mə tuamshak də gurum muop wumə pən naduk ni ɗee kat lap wubis kon nɗəgən səm muup. 44 Wa Peter kutni pə la bələp nhə, mən Mərip wuret sam gə gurum wu muop pə kələng bələp afee. 45 Gurum muop wu muop ndəgən ɓələp kwap dəp wu mə ja gədə peter mə kat a bii wufuwo nsa Mərip wuret sam gə wujong nau. 46 Nsa mə kələng wujong mələ dəgəl wu dik mə dək yil Naan mən Peter lap laa yen, 47 Ɗee lat bə me mugwo dən gə am də muop nhə yagal ba mə kən muop shi am ah, nsa muop nhə mə lap Mərip wuret ka mən ha? 48 Mən byang pən muop də mə kən muop am nɗəgən səm Yesu Kristi. Mən mə ɗang ni də tong gə muop də la ɓit vəl.