Jing 11

1 Gəɗes hə jeplap gə məjep emnəgən muop wu muop Yahudiya mə kələng muop wujong mə lap bələp Naan. 2 Shi wu Bitrus muan Jerusalem, muop wudung mə san dəp muop hə mə zhal ni, 3 mə yen, "gə kangka gə gə muop wudung swəl hə gə səsə gə muop!" 4 Mən Bitrus bəm la bələp nani gə dəndəng, yen 5 Dok an pə dang Naan nJoppa, mən a sugun anna me məbi gəyen a karang gə tong sam gəbətəng gə məgwang feer. Mən sam nkanə, 6 Mən a lang yitnə nka muup mən a shin a fiye nka bi nani. Mən a na long kang wu kwakfeer nung gəyil, gə luawung wu bias, gə wu feer gə bəbət, gə yer gəbətəng. 7 Mən a kələng me mə dəgəl la gə an, yen, "Gə yagal Bitrus, gə san mən gə aar, 8 A yen, "A kam hə mou" Miskagam, nsa jet gə a sə məbi wu dung nə kwət a wusəsaar mou." 9 Mən dəgəl nani bən lap gəbətəng la yen, bi wu Naan chin a wusəsaar, gə yong ni shi wu rap mou." 10 Bii nhə tək, sar kun mən mə kok jepee dip wak gəbətəng gəni shixak. 11 "Nnəgən mən a na gurum muop kun mə diam ɗol ntagam pələ pe wu mən nnəgən, mə lep muop gəyil "Kasaviya dənə, 12 Mən Mərip ɓiang bələp pən an yen, a muan gədə muop, bə an a pən yit muop mou. Məjep emna muop wu peme nhə mə muan gədə ni mən mə ruwo lə dagwo nani. 13 Mən la gə mən wu jina məwong dar ɗok nɗəgən lə afee ni pə la yen, "Gə lep gurum muop nJoppa gu wak guwul gə Simon wu dung mə yong ni shi Bitrus hə. 14 Ni pe ləlep gəgun wu dung gu kat bərəp gə lə gə dip." 15 W an pə la bələp gə muop, mən Mərip wuret wu səsaar sam nak muop ka bəbi wudok sam nka mu shi kyen hə. 16 Mə a ɗiye bələp Miskagam wu dung la yen, "Naduk Yahaya chin kən gə am, de gun yong mə kən gun gə Mərip wuret. 17 Mən din, Naan pən ensoon ka gə bi wu dok chin mən wu dok mə pən gə naduk Miskagam yesu Kristi. Ɗee an a wu dung wu gə a ɗaarnyit Naan eh?" 18 Mə kələng jep bələp nhə mən mə lap bələp mou, mə pən yoon Naan mə yen, "Ɗin kwət a kam hə, Naan pən lap kon bi wubis wujong muop də tenglang" 19 Muop wu dok mə fashak wa Manchin wu yagal nka muut Istifanus muan jong jong warə Finikiya, gə Kuburus, gə Antakiya, mən mə shakbələp dər Yahudawa muop dat. 20 Mən pak muop wu dung a gurum Kuburus gə Kurane, məja Antakiya, bənmə shakbələp dər Greek, nka ɓələp wuret nung miskagam Yesu. 21 Sar Naan dok ni gəme gə muop, gurum mbəl mə bat mə pən gə naduk miskagam. 22 Gəwur nung gurum Naan ndung Urishalima mə kələng ɓələp a muop mə lep Barnabas muan Antakiya. 23 Muan ji naa chinɗongnaan mən took muup pya, mən pən bələp tugur kagam dər mə dyam ɓəɓal ndəgən miskagam gə buzung muop gəme. 24 Ni dok a gurum wu saan gə Mərip Naan wuret gə naduk mən gurum nbəl mə wak dər Miskagam 25 Mən Barnabas yagal muan Tarsus də tang Shawulu. 26 Wu katni mən waji gəni n' Antakiya. Ndəgən yii gəme dip bii mə dəl gəshak gə gogot gurum Naan gə mə shee gurum muop nbəl. A n' Antakiya mə bəm wu muan gədər Yesu shi Krista. 27 Gəɗes hə pak mə jeplep muop mə yigil n' Urishalima ma' muan n' Antakiya. 28 Me məgwo gənar muop, səm muup a Agabus yagal daar mən la bələp ndəgən Mərip Naan wu wu kwət gəzəm gə taa Gəyil dip. Nhə dok taa nyii long Kalaudiya. 29 Mən jepmuan, wu dung kat mə boot, məlep gə bi kaan də təpdər məjep emnəgən muop wu dung Yahudiya hə. 30 Mə chin kam hə, mə lepgə shagal də daskagam muop nsar Barnabas gə Shawulu.