1 Shii wu dok nani long Hiridus lang saar nkaa pak gurum wudung a muop a gurum Naan pən nee muop. 2 Nyitə James emnəgən John gə Nggoo. 3 Gə nook bi wuchin na ni, mən na katdong bət Yahudawa muop, mən del muan də wu ya Bitrus sizak. Dok a par bit naweh wu kəgən won. (unleaven bread). 4 Ndangkong wu mə ya ni mə ɗen ni ləbal, mə mang pən gurum wu lek muop(soldiers) feer de mə kang ni, dok ni fu diye gə ji pət də gurum muop gə nook bit gapdel (passover). 5 Bitrus dok mə den ni ləbal, gurum Naan mə dang Naan gəret də muup. 6 Nɗəgən ləpar wukat long Hiridus yong gə shang nyi də mə sheep nyi, Bitrus dok teer dok gə naar gurum wulek muop vəl, mə ɗian nyi gə tengshagal vəl, gurum wu kangpe wudung mə ɗiam dok pə ləbal hə muop pə kangka ləbal. 7 Nnəgən, mən məwəng miskagam sam daar nkogop muup, mən pee saan ndəgən ləbal. Mən bəm Bitrus gə jong mən Bitrus mii nsaam, mən layen "yagal gətəng bər" mən tengshagal pəta nsaar muup. 8 Məwəng miskagam la gə nyi, bwagat shik gə bə gə ruwan kogop a gə." Mən Bitrus shin kam hə. Məwəng Naan la gə nyi, gə, byang biyat mən gə lang gə də nə. 9 Mən Bitrus lang gə derməwəng naan mə pwat. Man kwət bi wu məwəng naanshin hə a naduk mou. Nakat jin a pə sugun. 10 Gə nook wukat mə dələng pələ wu gəme gə wu vəl mə yok ja gə pe pələ shagal (iron gate) wukat rə wa ya ndəgən gəfər mən pələ na ni ep gə kashik muup mə fwat gə nyi nəgən. 11 Wu Bitrus ba man bi na nyi, mən yen, a gəɗes hə a man kwət naan lep gə məwəng a fee mən shang an nsar Herod, a ndəgən bi wukat dok Yahudawa muop pə ɗen enɗiye nkaa. 12 Wu man kam hə, mən muan lə Mariya nnəgən Yahaya mənang Markus hə, pe wu gurum muop mhel mə yaa də mə dang Naan. 13 Wu kwak pələ mən rep lep nung gəpang na nyi səm muup a Rhoda ji də ep pələ. 14 Wu man a ɗəgəl Bitrus, nwa tookpiya mən ba ep pələ mou, shin yagal yak gəsə wa də lə, mən laa gə muop yen Bitrus dardok pə lə. 15 Mən mə laa də muup mə yen, pa a wuyer, mən nyi nyang dat yen, a kam hə. Mən mə yen a "a məwəng afee." 16 Bitrus dardok nyi pə kwak pələ dat, wu mə ep pələ hə mən mə naa nyi, mən mə naa bii wufuwo. 17 Bitrus ep sar muup nmoup də mə ogot fu muop, mən laa gə muop bi wu miskagam shin shang jin nɗəgən nləbal, yen, gu laa gə Yakubu gogot məjep emnəgən bii ndung taa hə. Mən yagal muan də me mə pee. 18 Wu bit ɓang hə, weel bən yagal gəret gənaar wulek muop gə bi wu kat Bitrus hə. 19 Gənook wu Hiridus tang mən kat nyi mou, mən nang ɗəgəl wudiam kangpee muop, mən pən byang də mə tuwə muop wu kangpe na nyi. Mən yagal muan Yahudiya wu wa də Kaisariya mən tong nəgən. 20 Dok tuup Hiridus lee də gurum Taya ɣsidon. Mə muan dər muup bi gəme bəzung muop, mən gə nook mə gwaan Bilastasas, wu ni a gəbəu təpdər muop də mə dang tugatchagap nsa dok gəyil a muop gə lap sə a gəyil long na nyi. 21 Pa me mə bit mən long Hiridus miap shik ndəgən lee long mən tong gə tagam long, mən la bələp gə muop. 22 Gurum mə lap gəwagar, "ndung hə a dəgəl Naan ba, a nung gurum ba! 23 Mən bər mən məwəng Naan chit ni wa nsa pənyoon Naan mou, mən nəyet mə aar nyi mən muut. 24 Mə bələp Naan yoon ba səngpee. 25 Ɓit wu Barnabas muop gə Shawulu mə lat lep, mən mə wak də Urishalima.