Jing 13

1 Ndəgən lə Naan wudung Anthakiya hə, dok jeplepnaan muop gə pak gurum wu shepee muop. Dok a Barnabas, Saminu, wu dung mə (yong shi Baki) gə Lukiya Bakurane gə Managu, (wudung a laa mang lə long Hiridus) gə Shamulu. 2 Wu muop pə dang Naan gə sənfu, Chillem wusəsaar yen, shiang Barnabas gə Shawulu də mə shin bəlang wu a yong muop nwət hə. 3 Gə nook wu mə shin sənfu gə dang Naan, mən mə ləng sar nkaa muop, mən mə mang pəseer mən mə nyit muop mə muan. 4 Ani wu Barnabas gə Shawulu mə kələng ɗəgəl chillem wusəsaar mə muan Sulukiya, nnəgən mən mu muan Kuburus. 5 Wu muop nɗəgən gəfər Salami mə shak bələp Naan nlə wapnaan ( Synagogue) nung Yahudawa muop. Muop fu gəme gə Yohana də təp muop. 6 Wukat mə mə ruwo gəchum pee am wu wa də Bafusa, mən mə kat me wumulak a Yahudawa wudung a lalep nung wurum səm muup a "Bar Yeshua. 7 Ni wumulak na ni kangkaa muup gə wushep sergius Paulus, wu nok a gurum wuman bii. Gurum nani nhə yong Barnabas gə Shawulu wa nsa gə tangkop kələng ɓələp naan. 8 Mən Elymas "wumulak" (Səm muup dok mə laa a kam hə) mən nyang gə muop, shin də ɗin bat ni wushep ba yong kələng bələpnaan. 9 Ni Shawulu wu dung kat mə yong səm muup a Paul, gam gə chillem naan, mang yit muup lang ka wumulak kwang gə na ni. 10 Mən la gə ni, yen gə la Shaitan, bət gə gam gə fənpee gə bətbis. Gə a wu kas nung bi wuret. Gə gə nook gəlang war Naan mooh? Gə nook ah?. 11 Gəɗes hə, gə naa saar naan ni nkaa gə, gə, yong gə vugum. gə naa fus nɗəng mou, nəgən dat pee kwooyit Elymas mən na pee mou, mən ni pə tang gurum muop wu dung gə mə dəl saar fee. 12 Gənook wukat wu shep na bi wu kat taa hə, pən naduk, sa na bi wu pə ka bishee nkaa Miskagam. 13 Paul muop gə wu shaar afee muop, mə tək ka Bafusa nɗəgən chii am mən mə tak ka Firjiya dəgən Banifiliya. Mən Yohana niet muop mən wa də Urushalima. 14 Paul gə wu shaar mən mə yok ja Antakiya dəgən Bisidiya. A nəgən mə ruwo ləwap dəgən bit nyak mən mə tugat nəgən. 15 Gə nook wu mə la bələp byang, la lepnaan, daskagam nlə wap mə lang langship muop, mə yen "Mə jep emna muop, ɗin gun gə langship wu dung kat gə dəl buzung gurum muop bə gu laa ni npee hə. 16 A ni mən Paul yagal mən kaa gə saar fee, yen, gurum Israilawa gə gurum wukat mə lugat Naan hə, ləng kom gu, gu kələng an. 17 Naan nung gurum Israilawa mə mang nda mu mən kaam seen mu wodok muop gəyil masar gə sar təp mən puat gə muop nɗəgən Masar. 18 Mang mogorkung gə muop yii ya gurum vəl. 19 Gə nook wukat dam yil muop pogovəl dəgən gə yil ka'ana, pən yil ngurum a mu muop də wa nə muop. 20 Dip bii wu taa hə, chin yii daa feer gə gogot. Gənook jeppee muop nhə, mən Naan pən wushep muop, she lalep Samuila wul. 21 Mən gurum muop mə ɗang də mə pən long muop, mən Naan pən Saul muop lalaa Kish gurum wukat a dəgən Benjamin a ni gə tong long də yii yagurum vəl. 22 Gə nook wukat Naan shiang ni nɗəgən long, mən mang Dauda pəs ni long a muop, dok nka Dauda Naan laa yen, a kat Dauda laa Yessi, ani wudung bəzung ji mang, gə chin bii wu a tang kop hə. 23 Ndəgən seen gurum hə Naan lep gə gurum Israilawa muop wu gə pən muop. 24 Yesu, ka kə bi wudok laɗen gə Yesu wul, Yohanna laa ɓələp kən nung seer də gurum Israilawa muop. 25 Kabi wu Yohanna pə dok ni pə lat ɓəlang afee, mən yen, ɗee naa agu an a wuɗang eh? A an a ni mou. Gu kələng, nde mugwo ni wul gə nook nə, kogop afee a boot wu a ɓəm mou. 26 Emna muop, jep Ibrahim, nɗəgən gu wu lugut Naan a də mu langship wu angka wul yi. 27 Muop wu mə tuagatdok urishalima ga daaskagam muop mə man ni mou, mən mə chan bi wukat la Naan laa hə, bi mə naa zəm bitniak bə mə ɓən tə ni. 28 Nau gə kam hə, mə kat ni gə bii wukat gə mə tə ni mou, mə laa də Bilatus də mə tə ni. 29 Wukat mə lat bii wu mə yil nbiran nkaa muup, mə sam gə ni gə shepɓeel mən mə ɗən ni ntugun. 30 Mən Naan yagal gə ni ndəgən muut. 31 Gurum muop mə na ni bit mɓəl muop wudok mə ləng gə də muup mə muaan Galilee gə Jerusalem. Gurum muop nhə a tuamshik afee də gogot gurum muop. 32 A nwani mən pə laa ɓələp wuret, ɓələp den wudung wul də ndamu muop. 33 Ni shi bi wukat dok la ɗen hə də mu, jep muop, wudung yagal gə yesu Kristi ntugun. Kabi wu ni nbiran hə, ndəgən Zabura wuvəl. "Gə a laa nə, shini an a waɗee a nda gə. 34 Bi wu nsa yagal ntugun yong swopshik muup wam mou,. Naan laa ɓələp kam hə. An gə a pən wusəsaar ngun gə Laden gə David. 35 A kabi ka hə dəgən də Psalm, yong gə ɗem wu sə saar a gə na wu wam mou. 36 Sa David chin bi wu ɗem Naan nɗəgən yii muup, mən muut mə wum nyi pee wu mə wum nda muup mən swopshik muup wam. 37 Gwo wu kat Naan yagal gə ni ntugun wam mou. 38 Gə man agu, məjepemna, nwa dagwo nhə mə laa ɓələp lap wubis kon yi. 39 Nsa ni gurum wukat mə pən naduk gə pət nɗəgən jeppee dip wudung byang nung Musa gə pət gə ni mou 40 Gə, kam hə, gu kang gə bi wu lalep naan laa nkaa hə yong ba wa nkaa gu. 41 Gun wuɓakpee, gu latbaan nwa bii wufuwo, nsa an pə ɓəlang nɗəgən bit agu, a ɓə wu gu ɗem mou, ɗin wa mugwo laa gə gun. 42 Bulus gə Barnabas mə fuat, mən gurum mə ɗang muop ɗeel muop mə ɓən laa shik ɓələp a muop pa ɓitnyak wu gə wawul. 43 Gə nook wu vak nlə wap lat, na gat Yahudawa gə gurum wu kat mə ɗangnaan nung Yahudawa muop hə mə ləng gə də Bulus gə Barnabas mə pən ɓal muop də mə muaan ntagam gə chinɗong Naan. 44 Pa ɓitnyak warə, gurm wuyoon nɗəgən gəfər mə fuat də mə kələng ɓələp miskagam. 45 Wu Yawudawa muop mə naa nagət gurum, mən bət muop lee mə ɗen Bulus muop gə Barnabas a wurum gə jeppee muop wu mə laa mə ɓən vang muop. 46 Mən Bulus muop gə Barnabas mə laa ɓələp gə tugurnung mə yen, ni nkaa war ɗee bələp Naan wul də gu shidel. Mən gu tugun ni gu tak, gu nin gu ɗong wu kat tenglang gəgwo mou, nsa gə mə bat mə wa də wujong muop. 47 Gə kam hə, Naan biyang mən, layen, a ɗen gun a pee wu saan də wujong muop yen, ɗee gu ja gə an akaa də gəyil dip. 48 Wujong muop mə kələng, mən took muop piya mə pən yoon bələp Miskagam. Gurum mɓəl a wu məmən də tenglang gəgwo nung naduk. 49 Bələp Naan warə pe na ni dip. 50 Mən Yahudawa muop mə kar surep wu muan gə də war Naan gə wuɓal daas nung pee na ni. Mə mang pə muop də mə twang Bulus gə Barnabas mən mə chen muop mə fuat gəfər pee na ni. 51 Mən Bulus gə Barnabas mə fuas orong kwak muop shii muop. Mən mə muan gəfər Iconium. 52 Mən wu jep gədə muop mə gam gə tookpiya gə chillem wusəsaar.