1 Dok fu mang nkwǝt gǝ mə yigil nchii am mə mwaan nItaliya mən mə den Bulus gǝ gogt muop wu nlǝɓal hǝ gǝsar mee mə long sojya wu sǝm muup a Juliyos nung gəwur soja long. 2 Mə ɗək nchii nAdramitiyum wudok ni gəwar mwaan gəyit kong Asiya hə. Mən mə mwaan fu chip. Aristakus, məgwo Tasalonika nɗǝgǝn gəyil Masidoniya, mwaan gədǝr mu. 3 Ɗaar mə fat mən mə ruo nSidon, npee wu Julius nyin chinɗong Bulus hə, mən nyit nyi waa gədə məshaar muup muop ɗewar mə naa kaa muup yi. 4 Mə yigil nnəgən mə mwaan fu chip mən mə yigil mə bat nSyprus gəpe nsa kogom dok weel mən doghol. 5 Mə ɗək mǝkaa nchip mən mə kat mǝn a dukduk dat gǝ kong Silisiya gə Pamfiliya, mə ruo nMira wu a gǝfǝr Lisiya hǝ. 6 Nnəgən mǝn long sojya muop nanyi kat me chii wu tong nAlekzandiriya npe mwaan nItaliya. Mən ɗǝk mən nnəgən. 7 Mə mwaan a gaam-agaam dər bit nɓəl mən mə wak mə ruo bərət dukduk gǝ Krisdiyus, mən kogom dən bat war nanyi shi nə, mən mǝ bat shi pəkyep Kret wu gap Salmon del taa. 8 Mə tugun chii fu kong nanyi wagap a nbǝlang, mǝn mwaan mə ruo nme məpe wu gə mǝ yong shi Fair Havens wu nyi dukduk gə Lasiya hǝ. 9 Mə mang zaapee wagap, shii sənfu Yahudawa muop dok ɗel gwe, mǝn pee zak bis dər mwaan kə am. Bulus dəl kom muop, 10 mən yen "Mələmu muop, a naa mwaan wu mən npe lǝng gǝkaa nhə yong gǝ kwǝt gǝ weel nsa yong gǝ mǝ kyen mou: gǝ chii, gǝ lee nɗǝgǝn afe gǝ mǝn nooklang amu dip." 11 Long sojya zak takɓak shi ɓələp Bulus ɗe lǝ en a shi nung wu dəl chii gə wupin chii dat. 12 Dok tugat gǝpe pǝsam chii yong gǝ ɓes gǝshii vǝchi mou, mǝn pak mǝ tugun chii am mǝ kar mən nkwǝt, ɗyin mǝ ɓoot npe ruo nFinishiya ɓǝ mǝ tugat nnǝgǝn gǝshii vǝchi nanyi. Finishiya a pee pǝsam chii am gǝyil Kret, wu bat yit naa gan gǝpang dukduk ge fuus kaa, nau gan wang dukduk gǝfuus kaa. 13 Fǝfong ɓǝm ɓwap a gaam mǝn mǝ tugun chii am mǝ ɗyee nkwǝt du kat bii dong bǝt du. Mǝn mǝ shang kǝgǝl mǝn mǝ tugun chii am mwaan ngan Kret, dukduk gə pǝkong. 14 Ndangkong la zaapee till dat mən mee mə kogom gə tughur wu gə mə yong shi Yurokilidon hə yagal lə kaa mu. 15 Shi wu kogom fan maa gə kagham mu mən məpən war nnyi bat mən gəpee nəmuup. 16 Mə met war gǝ nriin me gechungpe wu gə mə yong shi Kauda, mən mə kat laa chii wus bərət. 17 Ndangkong mə ep ni hə mən mə ɗian chii lə a shik yongbaa nɗar kə ees Sirtis, mən mə dəl chii nani. 18 Ɗaar mə fat mən mə bəm tughun pak lee muop kwələp nsaa mə kat weel a till məu. 19 Paa ɓit wu kun mən wu dəl chii mə kwələp lee gəsar muop. 20 Bit diləng mɓəl dat ndung mə naa fuus gə ɗagar gə yit mu mə məu, ɗee a kogom dat ɗem məu. Mə taghat en mu kə bələp. 21 Ndangkong sən fu mən Bulus yagal dar ntagam mə dəl chii muop mən yen, "muop ɗem ɗin ɗəgən gu kələng an ɓə ɗin dəgən gu yigil nkret dee gətaa weel wu bis ba dən nhə məu. 22 A ɗang gun ɗin gu mang tughurnung nsaa ba zeet niang a chii nhə dat məu bə məgwə yong gə muut məu. 23 Nsaa dəgən nləpar mən məwəng Naan ndung an a nəmuup hə ga wap ni hə ji dar gəjong nə, 24 mən yen, "Naa yong gə yagəl lughut, Bulus, yong gə dar ntagam Siza. Gə naa ah, Naan ndəgən chinɗong afe yawar pən gurum muop wu gun gəmee hə ngə. 25 Waa nsaa kamhə, gu mang tughurnung mwəp nanni nsaa a mwət naduk nNaan kə wujong gə kwət waggap ka wu mə laa gə an hə. 26 Dee tong a lengwaar mə sam yi nmee mə yil wu an bat ni bat kang hə." 27 nləparwu sar shikaa feer ndung koghom gə viling mən dat meetɗuar kə chip Adriya hə, mən, mədəl chii mənaakat en du ruwə nmee mə yil. 28 Mə kam mən mə kat shii yagurum, ndangkong la zaa pee mə bən kam mən mə kat ashii sar shikaa paat. 29 Mə yigil luaghat kə wu yong mə ka kə pang mən mə sam gətəng bədar chi mən mə mang bəseer ɗin ɓit nbang bər. 30 Mə dəl chii muop dok mə ɗiye də mə swə nyit chii nani mən mə sam la chii wushom tak n'am gəyee a shee mə zuan təng yaa ni ɗar gəni. 31 Mən Bulus laa də long soja muop yen, "Ba zeet niang muop nhə mə tuaghat nchii məu bə yong gu bələp məu." 32 Mən soja muop mə kwap təng yaaɗar nani vak gə ni mən chii muaan-muaan kə am. 33 Bit en nɓang mən Bulus kar muop mə sə-sə. laa yen, "Ndung hə a ɓit wu sar shikaa feer jet gu sə məbii məu. 34 A dang gun gu sə-sə, nsaa a ni a ɓal agu, ɗip kaa mee yong gə pət ntaa məu" 35 Laa kam nhə lat mən mang nawee, mang bəseer mən tep pak sə. 36 Tughur muop bəal deedat mən mə sə-sə. 37 Mən dok a 276 nchii nani. 38 Mə mə-sə wagap gəret mən chii fiyel nsaa mə zuan alkama n'am ɗeewar nlee fyel yi. 39 Ɓit ɓang mən mə vak kat yil məu ɗee a ees dat, mən mə vak-vak kə wu ɗee gə muan gə chii a kaa ɓwət. 40 Mən mə kwap zaal gə təng muop mən mə ap bəgong chii də kogon mən mə yigir ddedat muan kə ees nani. 41 Chii chit ɓing ees mən sam dugum təs, tugus muup a wutətep, nsaa dabat am. 42 Soja muop mə ɗə wu twə jep ɓal muop dip yong gə mee muop nyak nlan. 43 Mən long soja muop ɓiang pən nmuop kə wu muop məɓəm Bulus məu, mən laa də muop wu mə boot bə ləng am hə nmuop mə yaawar dək kaa gəɓət yit ndee, 44 ɓə ɗee gəvər gurum mə ləng gədə pak kaa sheep gə jeppe wu fiel muop wu mə kat nchii nani. A kam hə nani mən mə dək mə kaa chagap gə tooklang amu.