1 Mǝ ɗǝk mǝ kaa chagap mǝn mǝ kǝlǝng mǝ yen sǝm gǝ chungpe wu nɗǝgǝn am nanyi a Molta. 2 Gurum pee nanyi mǝ lap mǝn a gǝ chinɗong shifu dat mou, mǝ ɓil wus mǝn mǝ lap mǝn dip nsa fan wudok fu ɗak veet gǝ kut hǝh. 3 Bulus chak ɓwaghat bii-wus mǝn waaji ruan nwus, mǝn zem pǝt nsa pee baan mǝn lang shi sar muup. 4 Gurum gǝyil nanyi mǝ naa mǝn zem nanyi langɗok shi sar nuup mǝn mǝ laa dǝr shak mǝ yen, "Dagwu nhǝh wagap a wu tuo gurum wudung zaar nchip lan hǝh, mǝn bi-tǝt gǝ nyit nyi nbar mou." 5 Mǝn Bulus taat woo nanyi tak nwus, mǝn mǝbi chin nyi mou. 6 Dok mǝ naa mǝ kat naɗaar yi gǝ yaa nyi, ɗagat nǝ pǝt-taa nmuut. Ndangkong mǝ naa nyi veet mǝ kat muut mou, mǝn mǝ yong kot nyi a naan. 7 Dukduk gǝ pee nanyi mǝgwu wu nyi a long fukong gǝchungpe n-am sǝm muup a Pabilyas. Lap mǝn, mǝn sǝ gǝ mǝn dǝr ɓit kun. 8 Lat mǝn laapiip gǝ esɗeng yaa nda Pabliyas. Bulus mwaan dǝr muup, mang pǝseer mǝn lang sar kaa muup mǝn dagwu kagam. 9 Ndangkong nanyi mǝn gogot gurum wu muop gǝchungpe wu nɗǝgǝn am wu muop a gok hǝh mǝ jya mǝn mǝ kat kagam. Mǝn 10 gurum muop nanyi mǝ pǝn yoon nmǝn gagam. Dok mǝn dǝ wak mǝn mǝ pǝn bii wu mǝ tangkop hǝh dip nmǝn. 11 Ndangkong tar kun mǝn mǝ ruo nmee chii wudok nyi nnǝgǝn gǝshi vǝchi gǝkaa gǝchungpe wu n-am, dok a chii gǝyil Alezandriya, mǝ yil "naan jan" lang a shik. 12 Mwaan mǝ ruo gǝfǝr Sirakus mǝn mǝ tugat nnǝgǝn ɓit kun. 13 Mǝ yigil nnǝgǝn mǝn mǝ wak dǝr Regiyum. Ndangkong ɓit gǝme kogom yagal tong ngan-wang kaa yi, ɓit vǝl mǝn mǝ jya mǝ ruo gǝfǝr Putiyoli. 14 A nnǝgǝn mǝn mǝ kat pak mǝjepnǝgǝn mu wu mǝ ɗuak mǝn mwaan mǝ tugat dǝr muop dǝ ɓit pogovǝl. A kan mǝn mǝ ruo nRom. 15 Mǝjepnǝgǝn mu mǝ kǝlǝng nkwǝt mǝn nnǝgǝn mǝn mǝ jya dǝr mu gǝ lǝtuk Apiyas gǝ pee Rumpa Kun. Bulus naa muop mǝn mǝ ɗǝkyil n-Naan mǝn kwak mu kwas. 16 Mǝ ruo nRom mǝn mǝ nyit Bulus a nyi dat gǝ sojya wu kang kaa muup. 17 Dangkong ɓit kun men Bulus yong menan Yahudawa muop. Mǝ tǝl gǝshak mǝn yen, "Mǝjepnaa, a chin mǝbi wubis dǝh gurum mou, a tep bi-tǝt mǝ-ndaa mu muop mou, mǝn mǝ mwen an wu bǝɓughat nUrishalima ngurum Rom muop. 18 Ndangkong mǝ nang bǝlǝp fu nǝ mǝn mǝ ɗǝmkop mǝ tak nsa mǝ kat a chin mǝbi wu kyee tǝh an mou. 19 Mǝn Yahudawa mǝ nyang mǝn a mwaan gǝ ɓǝlǝp nanyi ntagam Kaisar, an chin kam a dǝ ɗǝh mǝ sheep gurum gǝnǝ muop yi mou. 20 A waa nnyi a yong a ɗǝmkop a naa gun ɗǝh a laa ɓǝlǝp yi gǝgun. A nsa ɓǝlǝp wu Izraila ɗen en gǝkaa hǝh me ɓugat an yi. 21 Lat mǝn mǝ laa genyi yen, "Mǝ kat biiyil-lep kaa gǝ mou, mǝgwu nɗǝgǝn mǝjepnǝgǝn mu wul ji laa mǝbi wubis kaa ge mou. 22 Mǝ ɗemkop mǝ kǝlǝng wu nɗǝgǝl gǝ ge gekaa war hǝh nsa mǝ man nkwǝt gurum mǝ nyang ɓǝlǝp nanyi dip." 23 Mǝ ɗen ɓit men gurum gwet mǝ wul gǝpee tong gǝfe. Kuut yakdang ɓǝlǝp nanyi pǝn muop, mǝn tuamshik gǝkaa yil-long Naan. Chin dǝh gwaan muop waaji gǝnyi dǝr Yesu, shi ɓelep bi-tǝt Musa gǝ ɓǝlǝp jeplepnaan; laa ɓǝlǝp nanyi gǝɓit mwaan gǝ rǝ nkansǝgǝn. 24 Pak gurun ɗem ɓǝlǝp nanyi mǝn pak mǝ nyang. 25 Ɗǝgǝl muop nyangshak mǝn mǝ kwapshak Bulus ndangkong laa gemuop yen, "Mǝrip Wuret laa ɓǝlǝp n-yit nfu Ishaya lalepnaan gǝ mǝ ndaa gu muop, yen, 'Mwaan gǝ laa dǝr gurum muop nhǝh gǝ 26 yen, "Nung kǝlǝng yong gu kǝlǝng, mǝn gu ɗyam-a-shik mou, nung naapee gu naa mǝn gu man mou. 27 Nsa bǝzung gurum muop hǝh zughum, kom muop gǝ kǝlǝngpee mou, mǝ chin agat yit du. Mǝ chin ya mǝn naa shi yit mǝn mǝ nkǝlǝng shi kom mǝn mǝ nɗyam-a-shik shi bǝzung muop mǝn mǝ bat wakjyaa dǝr nǝ ɗǝh a ɗak muop yi.'" 28 A waa nnyi ɗong ɗyin gu man nkwǝt angkaa waalap dǝr Mǝjong wu gǝ mǝ lǝng kom muop nkǝlǝng yi." 29 . 30 Bulus tong yii vǝl nlǝ wu kwat shaghal dǝh tong hǝh. Mǝn lap muop wu mǝ wul dǝ muop hǝh. 31 Nyi uf shakɓǝlǝp Naan mǝn sheepe kǝ jepe Miskagam Yesu Kristo gǝ tughurduan. Mǝgwu dǝn shimuop zak mou.