1 Gǝɗǝs hǝ nkaa bǝlǝp wul long amu Yesu kristi gǝ nung tǝl moen npǝ gǝme ɗe mǝkwoet yi gǝni, moen poe la dǝ gu gǝ ɗǝgǝl wuɓal moejepna. 2 Yong gu ɗam boerboer gǝ endiye ag moen gu tuagat, kwoet a memǝ chelemah, kat a amemǝ lep oh kat amemǝ bii wudung gǝye tong a shi ɓoetmu, kwoet bit wul long wul gwe, 3 Na yong moegwoe nfoen gun wa ngan wu mena mou. Nsa a wupin pal yong gǝ wul nɗǝng, moen gurum wu niang wuret nnin gǝshik, la laa bii dǝn. 4 Ani na ni wudung niang jepe dip moen mang gǝshik a mǝ bii moen wa wukas bii wu moeyong gǝ Naan ɗe gǝ wap a nni. Wa nsa, kaatong gǝ petong Naan moen mang gǝshik aja Naan. 5 Gu diye dǝ wudok an shi bǝt gu moen a la jepee gǝ gun mou? 6 Gǝ ɗeshǝ, guman bii wu yani lǝ, dǝ wu lat bǝ moe nin ni kat fuus afe warǝ. 7 Nsa bii sok nnung moeniang wuret ni pǝ balang, a memǝ gwǝ ni pǝ yani lǝ gǝ ɗeshǝ dǝ wu lat ɓǝ mǝ mang ni barat. 8 Ani ɓǝ moe nin bǝdǝ wu mang wuret wudunglat ɓǝ long Yesu tǝ shi nook fu muup dat moen mang ni a moe bii mou shi nin wul afe. 9 Wul nung wu ɓakpee lat bǝ wa bǝlǝng chetan nau gǝ kagam amuup gǝ jepe lugatpe, gǝ chan jepe bǝlǝp wufǝ nung wurum. 10 Nau gǝ jepe wuleng ɗe mǝ fǝn muop wu mǝ latbaen, nsa muop dok moe lap jepe nung naduk mou ɗe mǝ kat pǝ fat yi. 11 Wa nsa ni lat bǝ Naan lep gǝ memoe foen pe wubal ɗepe muop moe pǝn naduk, nwurum. 12 Depe muop moe vak gǝ muop yi dip nsa moe niang nǝ moe lap naduk ɗe moe mang tookpiya a muop a bii wubis. 13 Dong din bii moe ɗoekyil Naan zoem wa ngun moejepna nsa long ɗem moen, Naan tagat moen wak jeptǝng-wupel ndung mǝ pǝn mǝn hǝ, nsa moen a sǝsaan shi chelem nnung pǝn naduk. 14 Yong gun gu yokgurǝ hǝ shi bǝlǝp wret ɗe ngun gu kat yoo nnung long Yesu kristi. 15 Wa nsa ni mǝjepna, gu diam balbal jepe yigilkat wudung mǝ shi gun gǝni hǝ, kwǝt a lǝfu hǝ, kwǝt a bii yil hǝ. 16 Gǝɗes hǝ mang a long a mu Yesu Kristi gǝ ka'a shi, gǝ Naan ndaa mu, wudung ɗem mǝn hǝ pǝn zuan pe wuma lat gǝ bwǝt'en wusaan ndǝgǝn wuruet 17 Gu zuansuk moen gu kagam bǝzung gu ndǝgǝn loefu gǝ bii chin.