1 Paul, Silvanus gǝ Timothy dǝ gurum Naan Tasalonika ndǝgǝn Naan Ndaa mu gǝ long Yesu kristi. 2 Wuret dǝ gu gǝ tughat chagap nnung Naan Ndaamu gǝ long Yesu kristi. 3 Dong ɗin bii moe dǝkyil Nnaan wa ngun, mǝjepna bǝ ni yit, nsa naduk agu ni pǝ fyer shibit shibit moen ɗempe agu dǝduk ni pǝ metme. 4 Wa nsa moen bii moe nas bǝngmu dǝ gu nlǝnaan wa mogorpee gǝ mout naduk agu ndǝgǝn muut-nogot gǝ muut la ndung gun pǝ ɗuak gǝni hǝ. 5 Ndung nin shep nung Naan wuret, nsa lat bǝ moekat gun gu ɗong dǝ wuwak dǝ lǝ Naan ndung gun pǝ kat weel a kaa hǝ. 6 Nsa a wuret dǝ Naan npǝn weel nmuep ndung moe pǝn weel ngum hǝ, 7 Bǝn pǝn nook ngun ndung moe weel gun nau gǝ moen hǝ, kat mǝ nin long Yesu gǝ bǝtǝng gǝ mǝwung afe muop. 8 Ndǝgǝn diyel wus, gǝ weel yawaap gǝ muop ndung muman Naan mou, muop ndung mǝ niang nǝ gǝ moe amu Yesu . 9 Muop yong gǝ mǝnaa mwolla na lala napis wu ba gǝ moup ntagam long kǝ yon kagam a muup. 10 Yong gǝ chin kamhǝ pa bit wul afe ndung gurum gǝ mǝ apsar ni, kǝ biwufuo ɗǝ muop wu mǝ muot naduk nni. nsa dok moe pǝn naduk a bǝlǝp wu mǝ laa hǝ. 11 Wa nsa ni bii mǝ ɗang Naan dǝ gu shibit- shibit dǝ g, ɗin Naan nkat gun gu ɗong gǝ yong agu moen ndǝgǝn kagam afe mang npǝn wuret ngun kǝ balang nung naduk a gu. 12 Mǝ ɗang Naan ɗin sǝm long Yesu nung apsar nkǝt ndǝgǝn gu, wa gunzak ndǝgǝn muop, gǝbi wuret nung Naan, gǝ long amu Yesu kristi.