Jing 3

1 Goe ɗes hǝ moejepnaa, gumang poeseer doemu ɗe mboeloen long muan yi boerboer moen mangyo, ka goe bii goegun hoe, 2 ɗe moe fat yoe poe wuleng goe wubias gurum, nsa mioep anau goe naduk mou. 3 Long ni goe naduk wuyong goe poen kagam ngun moen nin war yong moe toek muoep. 4 Moen goe duan zung ndoegoen long doe gu nkwoet yong gu chin moen gu muan goedoe chin dat jepe wudung moeyoen gu chin hoe. 5 Mang a Long kamwar mboezung gu doe ɗempe Naan goe mogor muut kristi. 6 Gǝ des hoe, ndoegoen soem long a mu Yesu Kristi gu niyit memoe emnogoen wudung muendok baan dat moen langdok goe bii yagalkat wudok gu lap poemu mou. 7 Nsa gun guman kwoet ɗong ɗin gu naa a shimu. Goeshi wu dok moen goe baan dok mou. 8 Dok moe soe nawe moegwoe baan noe moe kwat mou, moen chan balang loepar goe fuus ndoegoen nee goe pebaan yong moe yok memoe lee doe megu. 9 Moe chin kam hoe ɓa nkwat ni moekwoet gǝwar mou, adoe wu gun gu naa shimu, moen gu ding moen. 10 Nsa dok moen goegu hǝ, moe laa doegu kwoet "Gurum wu logom chin balang, ni soesoe mou" 11 Nsa moe kǝlǝng kwoet pak gurum goenaar gu moe muan dok baandat, moe balang poetka mou, ɗe a toe shishik baan. 12 Goe ɗen hǝ, moe laa moen moe karmuop nani ndoegoen soem long Yesu kristi, muop moe chan balang nagat moen soe nawe. amuop. 13 Ɗe gun moejepna, na yong gu nee goe chin ɗong-ɗong. 14 Moen moegwoe nniang koeloeng moen ndoegoen bii yil nhoe gu nani ɗong-dong moen gu kang goesuk goeni mou, ɗe ni wa'at muup yoe. 15 Nau goe kam hoe gu mang ni goe bii wukas mou, karni goe bii emnoegoen hoe. 16 Goeɗeshoe, mang a long tugat chagap poen tugat chagap ngun zoem. long lang goegun. 17 A an Paul, a yil bii yil goe sarnoe wudung bii gu man gwe mbii yil a noe. 18 wuret nung long amu Yesu Kristi lang goegun. moe ɗem ani.