¹ Kə bələp bəlang gurm wusəsaar nnung Naan muop, wal nkop shee a yil ngun məu. ² A man bi wu gu ɗem hə, a waa nni a ɓwap bazung nə yi ka gurum Makidoniya muop. A laa gə muop kə wu gurum Akaya muop mə chin shik muop nyi wudok ɗel hə. Yigil kə bii agu saa muop mə yigil də bəlang. ³ A lep gə mə jep emnəgən mu yong gə bagal amu nlat baan. ⁴ Din mee məgwə Makidoniya nkwət gəmee gə an mən nkat kan gu myap suk məu ɓə kawaat yak mən ka bwap bəzung amu kaa gu. ⁵ A kat dong də a lep məjep emna muop mə jaa də gu, ɗeepin gu miyap suk yi gu lə də pən bii ɗang wudok gu pəsfu gu a kaa yi. A ɗeeping n'tong a bii wuret yi, a ɗeepin ntong a bii chaa dat məu. ⁶ Bəlep a gədəsə: Gwə wu kop bii til, bə yong gə dip a bii-til, gwə wu kop gə kat a wuret zak. ⁷ Nɗaghat ko wuɗang pən bii ndung bəzung muup mang hə. məgwə ga pən twaram məu. Məgwə gə pən a lengwaar məu. Nsa Naan bii ɗem a gurum wu gə pən bii gə tookpiya hə. ⁸ Naan gə ɓoot də n-chin chindong afe də mu ɗeepin nɗəgən jepee dib bə mə kat bii wu mən fu tangkop hə veet. Kam hə bə a ɗe ɗeepin jeepee wuret mə tak n'yal yi. ⁹ Ni a wu yi yil ɗen nkwət: "Kokbii-long afe gap n' fu wupiya moup. Chin kəə afe gə lat-lat məu." ¹⁰ Ni ndung bii pən cherem sə n wuwar gə sə də sə hə, ani yong gə pən cherem sə ngun, ani yong gə ya ni n' myal gə ni. A wa nsa ni bii wukər yong gə myap yi nɗəgən gu. ¹¹ Yong gu myal nɗəgən jepee dib ɗeepin sar gu ntong a wu ə' ep yi. Nani yong ga wul gə ɗəkyil ntagam Naan nsa mən. ¹² Chan jepee muop nhə gə kyen a gurum Naan wuret muop dat məu. Nani gə kyen mən ɗə chan bəlang nung ɗəkyil ntagam Naan. ¹³ Wa nsa mə kam gun naa yi shi bəlang nhə, yong gu bən gu piya took Naan shi muan lep seer shakbəlep Kristi. Yong gu bən gu pən yoon n Naan shi bii ndung gu pən də muop gə gurum dib sar gu a wu ə' ep hə. ¹⁴ Gu lang en muop. Muop fu ɗang Naan ɗiye gə gun. muop fu chin kam hə a nsa chinɗong Naan wuyoon ndung ni nkaa gu hə. ¹⁵ Mang ɗin mə ɗəkyil n' Naan nsa jepee wuni pən nmən ndung fu mu gə ɓoot bə laa muop məu hə yi.