¹ An Bulus gə kaasan, an fu ɗang gun gə kaa nə nyil gə wuzugum nung Kristi. An a wukaleen ɗin an ntagam gu a nit gun bə an a wubial. ² An fu dang gun din an ntagam gu, a ɗee a wubuzung gə kaaɓal mou. An gə a ɗee a wukaaɓal gə gurum mwop wudung mənyang kələng hə, mə yen mən mə mwandok a pə ɓəlang shishik nung gəyil. ³ Dip gə kam hə, mə mwandok a nɗəgən shishik, mən a pə lek nung shishik zak mou. ⁴ Nsa lee lek a mu a nung shishik meh, mhə, mwəp a lee lek nung Naan wudung a ni gə kam bələp wuɓal wu gə rugup nung Shaitan dip. mwəp gə məbi wukər mou, abii nung fan gurum gə kagan dat. ⁵ Bən mən pə rugup bii wudung ni gə war nung man Naan hə mou. Mən pə yak enɗiye wuret də kaaleen nung Kristi. ⁶ Mən kəkwak də dəlkom wu cindəl a chik hə, ɗin kaaleen agu mwarə kəgət. ⁷ Gu naa jing bii wudung ni ntagam gu, ɗin mugwə kat buzung ji ɗem gun a nung Kristi, mən zak a kam hə. ⁸ Ɗe ɗin a nas zung nə gə kamshik wu mən gə ni a bii wu Naan pən mən də myap gun, a nung dam gun mou, bə gə waatkaa nə mou. ⁹ Gu na yong gu yen anfu wuk gun gə lep wudung a mwət ngun hə. ¹⁰ Nsa pak gurum mwəp pə laa yen, "lep afee a wukər a ii yanaa bən a wuɓal ɓələp, gə naa ni gə kəchik muup bə ni a wuzugum dat. Ɗem bələp afe ɗong kələng mou." ¹¹ Gurum nakam mwəp ɗin mə man bii wu mən pə laa nɗəgən lep amu, gə wudung mən fu gəme hə mou, gə mə chin a kam hə ɗin mən nəgən. ¹² Mə boot wu kang gə sun gə mugwə mou ɗak yi mə mang gə sun mə kam gə gə gurum wu mwəp pə pyap kaachak hə. Ɗin mwəp pə mang kaachik kam gə kaachak, enɗiye gə man kat mwəp ¹³ Mən ɗin kwət a nang, mə nas zung mu dogol mou gə kam hə, gə mə cin a chipe. Mən mə mang kaa sun mə kam gə mugwə mou, ɗee mə mang kaa sun mə kam gə gurum wu mwəp pə pyap kaashik mwəp hə. Wu mwəp pə kam kaachik mwəp gə kaachak hə, mwəp wu mə payp chak hə, mə man mou. ¹⁴ Mə cindəl a chik mou mə wakmərwo də gu yi hə. A mən chideel wu mə rwo də gu gə bələp wuret nung Kristi ¹⁵ Mə nas zung mu dogol gə ɓəlang gurum mou, nsa kam hə, mən pə ɗen en mu din naduk a gu gə met mee də ɓəlang a mu ɗeel ntagam ɗongɗong. ¹⁶ Mən pə ɗen en, ɗin mə chak ɓələp wuret nwarə pee mwəp wudung ni nsəng gəgun hə mə nas zung gə bəlang wu mə yawar mə chan ni mpak pee hə. ¹⁷ "Gə gurum wu gə nas zung gə, gəcin ni ndəgən nda long". ¹⁸ Nsa gurum wuni gə mang kaachik kam ɓən ɗin kaashik mou, ɗin kwət kam hə, a nda long gə kam gurum nani. .