¹ An fu tangkop mə ləng fu gəme gə gun gə war yogor anə nhə, nau, gun fu ləng fu gəme gə an. ² An fu ɓətɗeet gə gun də Naan, ɓətɗeet a nə a nung Naan ɗəgu. Wu a ɗen lələp ɗen gə gun gə ɓələp mat gəme mis gəme hə, a ɗen bələp ɗen gə a pən gun kabi namwar wusəsaan n' Kristi. ³ Bən an fu lugut gun, yong shaitan wu fən Hawau gə en afee hə, ɗee endiye agu bat gə war wukər nung nwankaa n' Kristi. ⁴ Ɗee kam dat, mugwə wul ni pə bələp nkaa muup. Bə gu kat chellem wuɗik gə wudung ɗok gu kat gwe. Bə gu kat bələp wuret wudik gə wudung dok gu kat gwe. Bələp wu gu lap hə yoon kam hə. ⁵ Nsa an pə naa an a wuchom ndəgən mənan məjeplep nung Kristi mou. ⁶ A man mə chee an gə boot laa bələp mou, din ɗeen a nung biman bə an a wu ni ndəgən war gə jeppee dip mə kam ngum. ⁷ Ɗee a cin a wubis a sam gə kaa nə də gun gu kat yoon yaa? Nsa a chak bələp Naan ngun ndang bwət. ⁸ A vogop pak lənaan mwəp a lap bii wudung a nung təpdə də a cin bəlang ngun. ⁹ Ɗok a tong gə gun gərət, an ndəgən biiwon, a mang weel a nə a kang gə mugwə mou. Nsa məjep-emnəgən dok bii məjaa gəyil Makidoniya mə kwat weel a nə. Ndəgən jeppee dip a yaa gə san yong a ɗee weel nkaa gu, a cin a kam dat zəm. ¹⁰ Kar gə bii Naduk nung Kristi langɗok ci san hə: nas zung anə yong gə kwət kolok gəyil Akaya mou. ¹¹ Wa me? Nsa a ɗem gun mou? Naan man dip. ¹² Bii wu an pə cin hə a langɗok gə a dugur fu gurum mwəp wudung mə tangkop ɗin də ɗee kam gə bii mən hə ɗee mə nas zung mwəp yi. ¹³ Nsa gurum mwəp nashak a wuləleng, lepnaan, a gurum vuluwət mwəp. Bii mə yigir chik mwəp dun a wu məjeplep Kristi. ¹⁴ Nhə a bii wufuwo mou, nsa shaitan bii yigir shik fee kaa gə bi məwongnaan wusəsaan hə. ¹⁵ Gə ɗee a dok bii wufuwo mou, ɗin mə məbəlang a fee mə yigir gə chak mə wak ɗee a wuɓəlang nung wuret. Gə nok afee bii wu mə chan yong gə kwət ani a kop gachi mwəp ¹⁶ An pɛ bən ka, naa mugwə dye yen an a wuyogor. Din gə dye kam hə, lap an kam hə ɗok gə nas zung nə lee. ¹⁷ Bii wu an fu ka gə nas zung nung togor nung an fu laa a bii nung Nda long gəni hə mou. An fu laa a laa an a wuyogor. . ¹⁸ . ¹⁹ Nsa gu twaghat ndəgən tokpya gə wuyogor mwəp. Gun a wusəsoon gə kaasuk. ²⁰ Gun pə bii mogor gə gurum wu ya gum wa kwərəm gə ni, ɗin mə səsə agu dip, ɗin mə cin ɓəlang gə gun gə war tangshgal a mwəp, ɗin mə mang gə chak mwəp a wu maa gun, ɗin mə chit gun nfan-yit. ²¹ A yen dok a kaawaat gə zugum a mu dən mə chin zak kam hə. Dip gə kam hə, ɗin mugwə nas zung-An fu laa bələp kan gə bii wuyogor hə - An zak gə nas zung nə. ²² Ɗee mwəp a Ibrahiniyawa? An a kam hə Ɗee mwəp a Israilawa? An a kam hə. Ɗee mwəp a seen Ibrahim? An a kam hə. ²³ Ɗee mwəp a wubəlang nung Kristi ah? (An a laa ɓələp gə yen a kaa nə wang). A maa mwəp. A maa mwəp gə ɓəlang di. A muan nlə es a maa gurum dip, nɗəgən təgərchin wu mangkam kwət mou, a naa muut nyit. ²⁴ An nsar Yawudawa mwəp kaa nə paat a lap vuwal "Yagurum vəl gəme won." ²⁵ Kaa nə kun mə nas an gə kam shagal. Kaa gəme mə zuam an kaa kun chii am pə damgə ani kaa nə kun a turəp fuus gə ləpar gə am. ²⁶ A mwan -mwan gəret gə naa muut ndəgən kong mənan, nsar kuləp mwəp, nsar gurum a nə mwəp wuləleng, nsar wujong mwəp, nsar petong gurum mwəp, a naa muut nwung, ndəgən nə nung ɓələp wuləleng. ²⁷ A cin ɓəlang ndəgən manchin, ndəgən ləpar saam leng, nɗəgən ɓəlak gə amtə, ndəgən yafu gə sə, ndəgən kut gə mwan ngum. ²⁸ Dip gə jeppe wu mə tək hə, zəm bə an pə diye lənaan mwəp. ²⁹ A wudang zugum eeeh? An gə a ɗee wuzugum mou? A wuɗang wudung mang chii pal, mən a nyang nung ni? ³⁰ Ɗin gə a nas zung, bə nas zung nə a nkaa bii mwəp wu kam zugum a nə. ³¹ Naan gə Nda nung Nda long Yesu, wudung a mə lang wuret kaa afee də təs hə, man an a pə wurum mou. ³² N' Daamaskus, Gwamna wu fantagm long Aritas ogot fulə gə war Damaskus də mə yaa an, ³³ mən mə sok an ndəgən wavoo mə pət gə an nlə pet a ɗəm nsar muup.