¹ An gə nas zung nə, a man nau ni gə kyen mou. An gə lang gə də naa ntagam wudung Nda long pən an hə. ² An man me mugwə ndəgən Kristi gə yii sarkafeer wudok waɗeel gwe hə - kot a ndəgən chcik oh, kot a ndəgən chichik won oh, a man mou, Naan a ni man, mə mang ni wa də gəbətəng wu kun. ³ A man dagwə nani kot a nɗəgən chichik oh, kot a nɗəgən chichik won oh, a man mou, a Naan ni man. ⁴ Mə mang ni muan petong nook chik mən mə kələng jep chak bələp mwəp wudung gə mə boot wu laa ni mou, jep chak ɓələp nani a wuwaar laa ngurum mwəp. ⁵ A nkaa gurum na ni bə gə nas zung nə. A nkaa san bə nas zung mou, ɓagal gə dye a pee nə a zugum nəgən hə. ⁶ Ɗin mə yen a də a mang a pee wu gə nas ɓagal hə ɓə gə a ɗee a wuyogor mou. Nsa an gə a laa a naduk zəm. ⁷ Gə a nit nas zung yagal mugwə yong mang an maa gə kagham bii wu ni naa gəpee nə ɗee wudung kələng gəpee nə hə. Gə a nit piap san nwa nagət bii naa ntagam, mə pən gəkyen chichik nə, a lalep nung Shaitan gə ni ɗə pən weel an, bə gə a piap san zak mou. ⁸ Kaa nə kun an pə ɗang Nda long də mang ni gəpee nə. ⁹ mən laa də nə "Chindong a nə a wuyoon də gə, nsa kam ɓələp ni a wu kaa kəgət gə wukəkat". A nwa ni gə a nas zung nə nsa zugum a nə, ɗee kam ɓələp nung Kristi tong a chisan. ¹⁰ Gə kam hə an a wuməmang ndəgən Kristi, ndəgən zugum, ndəgən ɓak gurum, ndəgən tangbət, ndəgən pən nogol gə jep chak weel mwəp. Nsa a zugum, bə pən ɓal an. ¹¹ A waɗee a wuyogor! A gun gu cin gə an kam hə, din a gun gu piap an. Nsa dok an a wuchom dogol ndəgən mənan məjeplep nung Yesu mou, nau gə kam hə, a mang kaasan a məbii mou. ¹² Jeplep naduk mə ɗin gə chak ndəgən gu, mə chan bii jeplep, mə kam gə bii mogorkung gə bi wufuwo gə ɗak wugok mwəp. ¹³ Ɗee a nang gu ɗee gənok nkaa gogot lənaan mwəp eeh. A nwa nsa a nok ɗee lee nkaa gu ooh? Gu lap wubis a nə gu kon nsa a cin ɗeel. ¹⁴ Gu naa! An də wul də gu kaa nə wukun. Yong gə a ɗee a lee nkaa gu mou, nsa gə a tang a bii wudung a nəmaak mou. An pə tangkop gu. Nsa a jep gə tang bii də wubak dun mou. Gə kam həa Nda jep mwəp gə mə tang bii də jep. ¹⁵ Gə tookpiya a tə bii wu an gə ni nkaa gu də tooklang agu. Ɗin a ɗem gun maa gəkagham, ɗee a an bə ɗem til dat ¹⁶ ............. ¹⁷ Ɗee kot gə vogop gun nsa gurum mwəp wu a lep gun hə buwət? ¹⁸ A ɗang Titus ni muan də gu gə nɗee emnəgən muup. Titus vogop gun ah? Mə muan ndəgən chellem gəme mooh? Mə mang chimuan a wugəme mooh?. ¹⁹ Gu diye ndəgən chii nhə bə mən pə swan də chik a mu chyang gə pee gu? A ntagam Naan, ndəgən Kristi mən pə laa bii dip də gu ɗee gu kat bal. ²⁰ An fu lugut yong a wul bə a kat gun kan gə wu a ɗem ennə mou. An pə lugut yong mak bət gu kat kan gə bii wudung gun pə ɗeen engu hə mou. An fu lugut mak bət bə jagar ta gənaar gu, ɓətdeet, chap gə chak, ɗefill tuup, ɗem gə chik, lapee, kaa bal gə tang kwal. ²¹ Anfu lugut mak bə a wawul, bə Naan a nə gə sam gə kaa nə ntagam gu. An fu lugut nsa took nə yong gə dam nwa ngurum nbəl wudung mə chan wubis ce wugəɗes hə mwəp, wudung mə nyang ken wubias a mwəp ndəgən wu ləsaar won mwəp, gə tang surap gurum gə jarap gə bii mang yit wu mə chan he.